Ekinlar urugʻchiligini yetishtirish huquqiga ega boʻlish uchun tanlov oʻtkaziladi

2022-yil hosili uchun fermer xoʻjaliklari oʻrtasida urugʻlik paxta hamda sabzavot, poliz, moyli, dukkakli va boshqa ekinlar urugʻchiligini yetishtirish uchun tender tanlovi oʻtkaziladi.

Tanlov eʼlon qilingan kundan boshlab, 25-fevral kuniga qadar Amudaryo tumani qishloq xoʻjaligi boʻlimi binosida 2022-yil hosilidan urugʻlik paxta hamda sabzavot, poliz, moyli, dukkakli va boshqa ekinlar urugʻchiligini yetishtirish huquqini qoʻlga kiritish uchun tanlovda qatnashish istagini bildirgan subʼektlarning hujjatlari qabul qilinadi. Tender tanlovi hujjatlarni qabul qilish yakunlangandan soʻng, 26-fevraldan 1-martga qadar tuman hokimligi binosining 2-qavatida oʻtkaziladi.

Tanlovda qatnashish istagini bildirgan fermer xoʻjaliklar rahbarlari quyidagi hujjatlar toʻplamini 2 nusxada tuman qishloq xoʻjaligi boʻlimida tuzilgan tanlov komissiyasiga 25-fevralgacha taqdim qilishlari soʻraladi:

1. Tender komissiyasi nomiga ariza

2. F/x nomidan tilxat

3. Kadastr agentligi tumani boʻlimi maʼlumotnomasi

4. Fermer xoʻjaligi, rahbari va ishchilari toʻgʻrisida maʼlumotnoma

5.Tuman Irrigatsiya boʻlimi maʼlumotnomasi

6.Oʻsimliklarni  himoya  qilish va karantin agentligi tuman  boʻlimi maʼlumotnomasi

7.F/x rahbarining mutaxassisligi va maʼlumoti toʻgʻrisida hujjat (diplom nusxasi)

8.F/x rahbarining qishloq xoʻjaligi sohasidagi ish stajini tasdiqlovchi hujjatlar (mehnat daftarchasi va boshqa hujjatlar)

9.F/xda ishlayotgan urugʻchi hosilotning maʼlumoti toʻgʻrisidagi hujjat (diplom nusxasi)

10.Majburiyatdan ozod pul mablagʻi toʻgʻrisida tegishli bank tomonidan beriladigan maʼlumotnoma

11.Tuman texnazorat inspektsiyasi tomonidan berilgan maʼlumotnoma hamda texpasport nusxasi

12.Kontraktatsiya shartnomasining bajarilishi boʻyicha tuman MChJ «Amudaryotex» XK klasteri tomonidan berilgan maʼlumotnoma

13.Soʻnggi 3-yil ichidagi paxta hosildorligi boʻyicha MChJ «Amudaryotex» XK klasteri tomonidan beriladigan maʼlumotnoma.

Murojaat uchun telefonlar: 61-515-32-75

Amudaryo tumani qishloq xoʻjaligi boʻlimi.