FARANGIZNING YuTUQLARI

Badiiy gimnastika jismoniy mashqlar tizimi, jismoniy tarbiyaning muhim turidir. Kishilarning jismoniy jihatdan har tomonlama oʻsishiga va salomatligini mustahkamlashga, epchil, chaqqon, harakatchan boʻlishiga yordam beradi.  

Sportning shunday nafis turi bilan bir necha yillardan buyon shugʻullanib kelayotgan jajji qizaloq 82-sonli umumtaʼlim maktabining 2-sinf oʻquvchisi Farangiz Fayzullayeva koʻpgina yutuqlarga erishdi.

U 2020-yili tumanimizda oʻtkazilgan 5 ta muhim tashabbusning ijrosini taʼminlash hamda yangi yil bayrami munosabati bilan sportning badiiy gimnastika turi boʻyicha 2013-yilda tugʻilgan qizlar oʻrtasidagi musobaqada  faxrli 1-oʻrinni, Yakkasaroy tumani 2-Bolalar va oʻsmirlar sport maktabida 2007-2015-yillarda tugʻilgan qizlar oʻrtasida BOʻSM ochiq turnirida faxrli 2-oʻrinni,  9-may - Xotira va qadrlash kuniga bagʻishlab oʻtkazilgan sportning badiiy gimnastika turi boʻyicha Xorazm viloyati Bogʻot tumani ochiq birinchiligida faxrli 1-oʻrinni, “2021-yil Yoshlarni qoʻllab-quvvatlash va aholi salomatligini mustahkamlash” yili davlat dasturiga asosan badiiy gimnastika boʻyicha “Sportni sev, sport bilan yasha!” shiori ostida Navoiy viloyati ochiq turnirida 1-oʻrin bilan taqdirlangan. Farangizga bundan keyingi musobaqalarida ham muvaffaqiyatlar tilaymiz.

Dildora XOLBAYeVA, shu maktabning ijodiy-madaniy masalalar boʻyicha targʻibotchisi.