Okrug va uchastka saylov komissiyalari raisligiga nomzodlar uchun seminar oʻtkazildi
Joriy yilning dekabr oyida Parlament va mahalliy Kengashlarga boʻlib oʻtadigan saylovlarga ham qizgʻin hozirlik koʻrilmoqda.
16-18-avgust kunlari tumanimizdagi 82-sonli maktab binosida saylovlarga tayyorgarlik koʻrish va ularning tashkiliy-huquqiy masalalari boʻyicha seminar-trening boʻlib oʻtdi. Oʻzbekiston Respublikasi Markaziy saylov komissiyasi, Qoraqalpogʻiston Respublikasi Joʻqorgʻi Kengesi va tuman hokimligi tomonidan tashkillashtirilgan seminar-treningda respublika darajasidagi trenerlar, hududiy ekspertlar va tuman trenerlari mashgʻulotlar oʻtkazishdi.
Oʻzbekiston Respublikasi Markaziy saylov komissiyasining shu yil 23-iyuldagi “Saylov qonunchiligi va zamonaviy axborot texnologiyalari boʻyicha tizimli oʻqitish yuzasidan chora-tadbirlarni tasdiqlash toʻgʻrisida”gi 926-sonli qaroriga muvofiq oʻtkazilgan seminar-treningda 5 ta guruhga boʻlingan holda 95 nafar okrug va uchastka saylov komissiyalari raisligiga nomzodlar qatnashishdi.
Uch kun davom etgan mashgʻulotlarda zamonaviy taʼlim texnologiyalarini qoʻllagan holda Saylov kodeksi, taqdimot materiallari, Markaziy saylov komissiyasi nizom va yoʻriqnomalari asosida tinglovchilarning bilimlari oshirildi. Shuningdek, saylovlarning mazmun-mohiyati va saylovga oid qonunchilik, komissiyalar va ularning vakolatlari, tayyorgarlik jarayonlari, natijalarni maʼlum qilish, saylov toʻgʻrisidagi qonun hujjatlarini buzganlik uchun javobgarlik, takroriy ovoz berish kabilarga doir boʻlgan modullar boʻyicha tushunchalar berildi va amaliy koʻnikmalar hosil qilindi. Undan tashqari, tinglovchilar Saylov kodeksi, Jinoyat va Maʼmuriy javobgarlik toʻgʻrisidagi hamda Maʼmuriy sud ishlarini yuritish toʻgʻrisidagi kodekslarning saylovlar bilan bogʻliq moddalarini amaliyotda qoʻllash yuzasidan batafsil maʼlumotga ega boʻldilar.
Seminar-treningda saylovlarga puxta tayyorgarlik koʻrish, komissiyalar faoliyati samaradorligini oshirishga doir masalalar yuzasidan okrug va uchastka saylov komissiyalari raisligiga nomzodlar, yaʼni tinglovchilarni qiziqtirgan savollarga tegishli javoblar ham berib borildi.
Aytish kerakki, bu kabi seminarlar saylovlarni tashkil qilish va oʻtkazishga bevosita aloqador boʻlgan masʼullarning bilim va koʻnikmalarini oshirishda, ushbu muhim siyosiy jarayonni qonun talablari asosida ochiq va oshkora tarzda oʻtkazishda muhim ahamiyat kasb etadi. Shu sababli kelgusida ham bunday seminarlarni maxsus jadval asosida tashkil qilish rejalashtirilgan.
O.Xudoyberganova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
