“BIZ KEChA KIM EDIG-U BUGUN KIM BOʻLDIK, ERTAGA QANDAY MARRALARNI EGALLAShIMIZ KERAK?”

"Biz kecha kim edig-u bugun kim boʻldik, ertaga qanday marralarni egallashimiz kerak?" Prezidentimizning bu soʻzlari zamirida judayam koʻp maʼno bor. Biz eng avvalo "Biz kecha kim edig-u bugun kim boʻldik" degan soʻzlarni anglay bilishimiz kerak. Buni anglashimiz uchun atrofga nazar solsak bas. Atrofga boqing, men balki oʻtmishni bilmasman, lekin yoshi ulugʻ nuroniy otaxonlarimiz, onaxonlarimiz bilan suhbat qurganimda istiqloldan avvalgi hayot tarzi koʻz oʻngimda gavdalanadi: qadr-qimmati toptalgan odamlar, nochor ahvoldagi maktablar, eski uylar, doʻkonlardagi navbatda turgan odamlarni aytmaysizmi? Bugun-chi, bugun? Bugungi kunni olsak, eski uylar oʻrniga yangi binolar qad koʻtardi, hatto eng chekka qishloqlarga ham zamon talabiga mos keladigan namunaviy loyihalar asosida uylar qurilyapti. Dunyo standartlariga mos sharoitdagi maktablar qad rostladi. Hozir qarang, qaysi bir doʻkonda navbatda turasiz? Qaysi narsa yoʻq? Bu savollarga javob – hamma narsa bisyor! Eng muhimi, xalqimizning tinchligi, farovonligidir. Biz oʻtmishni bilmay turib, kelajakni qadrlay bilishimiz mumkin emas. Shuning uchun ham ota-bobolarimizning oʻtmishini, tariximizni chuqur bilishimiz, bugungi kunimizni anglashimiz, kerakli xulosalar olib, kelajak rejalarimizni toʻgʻri belgilay olishimiz lozim.

Biz yoshlar davlatimizning taʼlim-tarbiya olishimiz, kamolga yetishimiz uchun qilayotgan gʻamxoʻrliklariga kelgusida oʻz xizmatlarimiz bilan javob bermogʻimiz shart va zarurdir.

Dilmurod MATKARIMOV,

Amudaryo maishiy xizmat koʻrsatish kasb-hunar kolleji oʻquvchisi.

(Foto - http://uzbekistonovozi.uz)