SAYLOVChILAR BILAN DOIMO BIRGAMIZ
"Mangʻit ishlab chiqarish tijorat markazi” masʼuliyati cheklangan jamiyati mehnat jamoasi yilning oʻtgan davri mobaynida ishlab chiqarish va xizmat koʻrsatish hajmini ancha kengaytirishga muvaffaq boʻldi. Yilning dastlabki yarim yilida korxonamizda mahsulot ishlab chiqarish va xizmat koʻrsatish rejasi 108 foizga, yuk mashinalari uchun ehtiyot qismlari ishlab chiqarish rejasi 116 foizga, elektr dvigatellarini taʼmirlash rejasi 100 foizga, qishloq xoʻjaligi mashinalari va mexanizmlari uchun ehtiyot qismlar ishlab chiqarish hamda ularni taʼmirlash reja-si 262 foizga bajarilgan edi.
Jamoamiz ishchilari ikkinchi yarim yillikda ham fidokorona mehnat qilib, bir qancha muvaffaqiyatlarni qoʻlga kiritishga erishdilar. Ayni kunda korxonamizda qishloq xoʻjaligi mashinalari va mexanizmlari uchun zarur boʻlgan ehtiyot qismlarni koʻplab ishlab chiqarish, ularning sifatini yaxshilash va nosoz texnikalarni sifatli taʼmirlash ishlari jadal davom etmoqda.
Jamiyatimizda fidokorona mehnat qilayotgan ishchilarning ijtimoiy himoyasini yaxshilashga alohida eʼtibor berilayapti.
"Mangʻit ishlab chiqarish tijorat markazi” masʼuliyati cheklangan jamiyati rahbari sifatida ushbu korxona ishlarini yanada yaxshilashga eʼtiborni kuchaytirish bilan birga, xalq deputatlari tuman Kengashi deputatligiga saylangan okrugim – 13-Qilichboy saylov okrugi saylovchilari bilan uchrashib, ularga tumanimiz va mamlakatimiz ijtimoiy hamda siyosiy hayotidagi yangiliklarni yetkazib turaman.
Saylovchilar bilan uchrashuvlar paytida ular tomonidan bildirilgan taklif va istaklarni oʻrganib, aholi turmush farovonligining yaxshilanishiga hissa qoʻshishga doimo harakat qilaman. Shu boisdan ham saylovchilar bilan aloqalarimiz yaxshi yoʻlga qoʻyilgan.
Bu esa tuman Kengashi deputati sifatida mazkur okrugda kelgusida amalga oshirilajak ustuvor vazifalarni belgilab, xalq bilan hamnafas ishlashda muhim omil boʻlmoqda.
Maqsud
JUMATOV,
"Mangʻit ishlab chiqarish tijorat markazi” MChJ direktori, xalq deputatlari tuman Kengashi deputati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
