“Yusuf Eşon bobo” jome masjidida maxsus-taktik öquv maşqlari ötkazildi

Xalqimizning asriy qadriyatlari, mehr-oqibat va saxovat ramzi bölgan muqaddas Ramazon oyi yurtimizda özgaça tadorik bilan kutib olinmoqda. Uşbu fazilatli oyni tinç va osoyişta, kötarinki ruhda ötkaziş, ramazon oyi davomida öqiladigan taroveh namozlari vaqtida masjidlarga taşrif buyuruvçi aholining xavfsizligini har tomonlama taʼminlaş huquqni muhofaza qiluvçi organlar va favqulodda vaziyatlar bölimlari oldida turgan eng dolzarb vazifalardan biridir.

Ayniqsa, odamlar gavjum töplanadigan jamoat joylari, ziyoratgohlar va masjidlarda xavfsizlik çoralarini kuçaytiriş, yuzaga kelişi mumkin bölgan har qanday köngilsiz hodisalarning oldini oliş maqsadida joylarda profilaktik tadbirlar va amaliy öquv maşğulotlari taşkil etilmoqda. Amudaryo tumanida ötkazilgan körgazmali maxsus-taktik öquv maşqi ham ana şunday muhim tadbirlardan biri böldi.

Tumanning Boy ovul mahallasi hududida joylaşgan “Yusuf Eşon bobo” jome masjidida Amudaryo tumani Favqulodda vaziyatlar bölimi taşabbusi bilan tegişli xizmatlar hamkorligida yonğin xavfsizligi va favqulodda vaziyatlarda harakat qiliş böyiça amaliy maşğulot taşkil etildi.

Mazkur tadbirda tuman Favqulodda vaziyatlar bölimi qutqaruvçilari, Içki işlar bölimi xodimlari, Tibbiyot birlaşmasining tez yordam brigadalari hamda kommunal xizmat körsatiş sohasi vakillari iştirok etib, özaro hamkorlikdagi harakatlarni sinovdan ötkazdilar. Maşğulot stsenariysiga köra, masjid binosida şartli ravişda yonğin sodir bölganligi haqida xabar kelib tuşdi. Xabar olingan zahoti voqea joyiga şartli signal asosida maxsus texnikalar va tezkor guruhlar zudlik bilan yetib keldi.

Maşq davomida birinçi navbatda inson hayotini saqlab qolişga eʼtibor qaratildi. Qutqaruvçilar tomonidan masjid içida qolib ketgan fuqarolarni xavfsiz hududga evakuatsiya qiliş, jabrlanganlarga birinçi tez tibbiy yordam körsatiş va ularni şifoxonaga jönatiş jarayonlari amalda körsatib berildi. Şu bilan birga, yonğin öçiriş ekipajlari tomonidan şartli yonğin öçoği qisqa muddatda örab olinib, bartaraf etildi.

Tadbirning yana bir muhim jihati jamoat tartibini saqlaş bilan boğliq böldi. Içki işlar organlari va Milliy gvardiya xodimlari tomonidan maşğulot davomida yuzaga kelgan vaziyatdan foydalanib, jamoat tartibini buzuvçi şaxslarni aniqlaş, ularni zararsizlantiriş va hududda xavfsizlikni taʼminlaş böyiça tezkor harakatlar amalga oşirildi. Bu esa binoda nafaqat yonğin, balki turli tartibsizliklar kelib çiqişining oldini olişga ham tayyorgarlik körilayotganidan dalolat beradi.

Öquv maşğuloti yakunida barça xizmatlarning harakatlari tahlil qilindi. Yöl qöyilgan ayrim kamçiliklar körsatilib, kelgusida favqulodda vaziyatlarda yanada tezkor va uyğun harakat qiliş böyiça zarur tavsiyalar berildi. Taşkilotçilar tomonidan maşqning faol iştirokçilariga, öz vazifasini sidqidildan bajargan xodimlarga minnatdorlik bildirildi.

Xulosa örnida aytiş mumkinki, Amudaryo tumanida ötkazilgan uşbu taktik öquv maşqi Ramazon oyini tinç va osoyişta ötkaziş, yurtdoşlarimizning ibodatlarini emin-erkin ado etişlari uçun xavfsiz muhit yaratiş yölidagi muhim qadam böldi.