“Qor qişda yoğadi”, “Qorbobo Yangi yilda keladi…” yoxud 2-sonli DMTTdagi amaliy seminar qanday ötdi?

Maktabgaça taʼlim taşkilotlari közimizning oq-u, qorasi bölgan kiçkintoylarimizning ikkinçi uyidir. Çunki farzandlarimiz kunning asosiy qismini boğçada ötkazişadi, har kuni yangidan-yangi şeʼrlar, qöşiqlar yod olişib, uyga kelganda qöllarini köksiga qöyib ota-onalariga yodlaganlarini aytib berişadi. Aksariyat bolajonlarning nutqi boğçaga borgandan keyin ravonlaşadi, ayrim öyinqaroq bolalar esa boğçaga borgaç “quyilib”, kattaga hurmatda, kiçikka izzatda böla boşlaydi. Çuçuk tillari ila salom berişni örganadi. Albatta, farzandlarimizning odob-axloqli va zukko bölib ulğayişida tarbiyaçilarning örni alohida. Ularning tinimsiz saʼy-harakatlari hamda öz vaqtida kasbiy tajribalarini östirib borişi zamirida kiçkintoylarimizning ham zehni ötkirlaşaveradi.

Yaqinda Amudaryo tumani maktabgaça va maktab taʼlimi bölimiga qaraşli 2-sonli davlat maktabgaça taʼlim taşkilotida amaliy seminar ötkazildi. Seminarning maqsadi maktabgaça taʼlim taşkilotlarida bolaning individual ehtiyojlarini hisobga olgan holda, ilk va maktabgaça yoşdagi bolalarning rivojlanişiga oid davlat talablari asosida hamda davlat öquv dasturiga muvofiq bolaning har tomonlama barkamol rivojlanişi uçun qulay şart-şaroitlar yaratiş, maktabgaça yoşdagi bolalarning öquv-tarbiyaviy faoliyatini taşkil qiliş va amalga oşirişda tarbiyaçilarning amaliy könikmalarini rivojlantirişdan iborat. Bunday seminarlar barça DMTTlarida, yil davomida, reja asosida taşkil qilinib kelinadi. Seminar iştirokçilari bu orqali özaro tajriba almaşib, özlarining kasbiy mahoratini oşirib boradilar. Mazkur seminarda ham 2-sonli DMTTning 4ta guruhida “Zumrad qiş” oy mavzusi doirasida guruhlarda ötkaziladigan maşğulotlarni seminar iştirokçilari kuzatib bordilar va özlarining amaliy könikmalarini yanada boyitdilar.

Dastlab, seminarda iştirokçilar 4ta guruhga bölinib, maşğulot jarayonini kuzatiş uçun guruhlarga kirdi. Şundan söng, muassasaning maktabga tayyorlov guruhi tarbiyaçisi Mavluda Kamalova “Ust-boş va oyoq kiyimlar” hafta mavzusi böyiça maşğulot ötdi. Maşğulot jarayonida kunlar sovuq bölişi, daraxtlarda yaproqlar bölmasligi haqida bolalarga tuşunçalar berildi.

Keyin esa maşğulot yanada qiziqarli bölişi uçun “Bilmasvoy” obrazidagi qahramon şippakda, boşiga şapka kiygan holda taşrif buyurdi. Bilmasvoyga kiyimlar haqida savollar berilganda javob bera olmadi. Şu tariqa bolalar ikki guruhga bölinib, “sirli xaltaça” öyinini öynaşdi. Bilmasvoy xaltaçadagi kiyimlarni bolalarga olib körsatdi va bolalar kiyim nomlarini aytişdi. Şunday qilib, bilmasvoy bilmaganlarini bilib oldi. Bu kabi, sahnalaştirilgan öyinlar orqali esa bolajonlarning topqirligi va hozirjavobligi rivojlanadi.

Şundan söng, 2-sonli DMTTning maktabga tayyorlov guruhi tarbiyaçisi Feruza Bekimbetova “Bayramona yangi yil” hafta mavzusi böyiça maşğulot ötkazdi. Maşğulot davomida bolajonlarga Yangi yil bayrami haqida, yangi yilni qaysi mamlakatlarda qanday kutib olinişi töğrisida maʼlumot berib ötildi. Şuningdek, qiş faslida qor yoğişi, ayrim örmon hayvonlari bu faslda uyquga ketişi, havo harorati pasayişi, turli xil qişki öyinlar va şu kabi maʼlumotlar berib ötildi.

Maşğulotdan közlangan maqsad – tarbiyaçilarda jarayon davomida özaro hamkorlik, bir-biriga döstona munosabatda böliş, jamoada özini tuta biliş könikmalarini şakllantiriş, şuningdek, bola “men”ini rivojlantiriş, ularni şaxs sifatida şakllantiriş va bu orqali bolalarni maktab taʼlimiga sifatli tayyorlaşdan iborat.

Şu bilan birga, 2-sonli DMTTning katta guruh tarbiyaçisi Saida Eşmuratova, örta guruh tarbiyaçisi Nargiza Quvvatovalar ham bir-biridan qiziqarli bölgan bilimlar bilan örtoqlaşdi. Ular öz maşğulotlari davomida didaktik materiallardan foydalanib, bolajonlarga fasllarni farqlaşni, hafta kunlarini ajratişni tuşuntirib ötdilar. Şu tariqa seminar maşğulotlari qizğin va bahs-munozaralarga boy tarzda davom etdi.

Maşğulotlar tarbiyalanuvçilarda barça beşta taʼlim sohasi: jismoniy rivojlaniş va soğlom turmuş tarzini şakllantiriş, nutq, muloqot, öqiş va yoziş könikmalari, biliş jarayonining rivojlanişi, ijtimoiy-hissiy va ijodiy rivojlanişni rağbatlantirgani bilan ahamiyatli böldi. Şuningdek, jarayonlar bolalar rivojlanişining muayyan şaroitlari, ehtiyojlari va xususiyatlarini hisobga olgan holda, öquv-metodik dasturlar va texnologiyalar, öquv qöllanmalari, ilmiy-metodik va öquv-metodik adabiyotlar, bolalar, ota-onalar uçun möljallangan adabiyotlar, internet-resurslar, taʼlimiy didaktik materiallardan foydalanilgan holda taşkil etildi.

Maşğulot jarayonlari tugaganidan söng seminar qatnaşuvçilari özaro suhbat ötkazdilar. 20-DMTT metodisti Oltinoy Abdalova, 10-DMTT metodisti Gulnora Nametova, 32-DMTT tarbiyaçisi Nigora Yuldaşeva, 31-MTT metodisti Ravila Çötboyeva hamda boşqalar har bir guruh kesimida olib borilgan maşğulotlar, uşbu maşğulotlarni ötkazgan tarbiyaçilarning pedagogik mahorati hamda layoqati, yutuqlari va kamçiliklari hamda bolalar bilan birgalikdagi faoliyati, taʼlim-tarbiya jarayonida samarali şakl, metod va vositalaridan unumli foydalana oliş qobiliyatlarini eʼtirof etdilar.

Albatta, ötkazilayotgan bu kabi seminarlar tarbiyaçilarning kasbiy mahoratini rivojlantiriş orqali jajji bolajonlarmizning atrofimizdagi olamni idrok qilişi, zukko va bilimli avlod bölib kamol topişiga xizmat qiladi.

Aziza Madrahimova