Ijtimoiy xodimlarga kompyuter jamlanmalari tarqatildi
Soʻnggi yillarda mamlakatimizda aholining ijtimoiy himoyaga muhtoj qatlamlarini qoʻllab-quvvatlash choralari, ijtimoiy yordam va xizmatlar koʻrsatishning shaffof va raqamlashtirilgan yangi tizimini joriy etish boʻyicha tizimli islohotlar amalga oshirilmoqda. “Kambagʻallikdan farovonlik sari” dasturini amalga oshirish, hududlarda aholining yashash sharoitini yaxshilash, tadbirkorlikni rivojlantirish hamda kambagʻallikni qisqartirish boʻyicha yangicha yondashuvlarni joriy etilmoqda.
Oʻzbekiston Respublikasi Prezidentining 2025-yil 30-yanvardagi “Aholini ijtimoiy himoya qilish tizimini moliyalashtirish tartib-taomillarini takomillashtirish toʻgʻrisida”gi Farmoniga muvofiq tuman va shaharlar hokimliklari huzurida yuridik shaxs maqomiga ega boʻlmagan “Infratuzilma va ijtimoiy barqarorlik” jamgʻarmalarini tashkil etish belgilangan hamda ushbu mablagʻlar joylardagi “Inson” ijtimoiy xizmatlar markazlari hamda iqtisodiyot va moliya boʻlimlari bilan kelishilgan holda aholi hayotiga doir ijtimoiy loyihalarni amalga oshirishga yoʻnaltirilishi koʻpdan-koʻp ijtimoiy muammolar yechimini topish imkonini bermoqda.
Amudaryo tumanida ham Prezident Farmonida belgilab berilgan vazifalar ijrosini taʼminlash, aholining farovon hayot kechirishiga salbiy taʼsir koʻrsatayotgan ijtimoiy muammolarni bartaraf etishga qaratilgan manzilli ishlar amalga oshirilmoqda. Bunda, albatta, “Inson” ijtimoiy xizmatlar markazining mahallalarda faoliyat olib boruvchi kompleks ijtimoiy xizmat koʻrsatuvchi xodimlarining saʼy-harakatlari muhim ahamiyatga ega.
Yangi yil bayrami arafasida Amudaryo tumanidagi ovul va mahallalarda faoliyat yuritayotgan ijtimoiy xodimlarni qoʻllab-quvvatlash, ijtimoiy xizmatlar va yordamlar qamrovini yanada kengaytirish hamda aholiga mahalla darajasida namunali xizmat koʻrsatish samaradorligini oshirish maqsadida ularni axborot texnologiyalari bilan taʼminlash choralari koʻrildi.
Oʻzbekiston Respublikasi Prezidentining 2025-yil 30-yanvardagi “Aholini ijtimoiy himoya qilish tizimini moliyalashtirish tartib-taomillarini takomillashtirish toʻgʻrisida”gi 17-sonli Farmoni, Oʻzbekiston Respublikasi Prezidenti Administratsiyasining 2025-yil 2-oktyabrdagi maxsus topshiriq xati ijrosini taʼminlash maqsadida “Infratuzilma va ijtimoiy barqarorlik” jamgʻarmasi hisobidan jami 366 mln 765 ming soʻm mablagʻ ajratilib, ijtimoiy xodimlarga xizmat bobida foydalanish uchun kompyuter jamlanmalari olib berildi. Bu endilikda ijtimoiy xodimlar ish faoliyati samaradorligini yanada oshirish imkonini beradi.
Chindan ham, “Kambagʻallikdan farovonlik sari” dasturining muvaffaqiyati bevosita mahallalarda faoliyat yuritayotgan ijtimoiy xodimlarning fidoyiligi va ularga yaratilgan sharoitlarga bogʻliq. Zamonaviy raqamli texnologiyalar bilan taʼminlangan ijtimoiy xodimlar endilikda muhtoj qatlamning dardini nafaqat eshitadi, balki ularning muammolarini tizimli ravishda, tezkor hal qilish imkoniga ega boʻladi. Bu kabi islohotlar inson qadrini ulugʻlash va jamiyatda ijtimoiy adolatni qaror toptirish yoʻlidagi izchil harakatlarning mevasidir. Zero, davlatning ijtimoiy siyosati har bir xonadonga, har bir inson hayotiga kirib borishi farovon va barqaror jamiyat qurishning asosiy garovi sanaladi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
