FAROVONLIK OŞYoNI: YuRTNING OBOD MANZILLARI

Kuyuk köpir – bu gözal maskanni yaqin atrofda bilmaydigan odam bölmasa kerak. Çunki boğ-u ça­man­lar oğuşidagi bu zamin farzandlarining Kuyuk köpir nomi bilan yaşab, el-u yurtga qilgan ezgu amallari, qalb­larga yoygan ilm-u ziyosi, bunyodkorliklarining özi bir olam. Aytganlaridek, har qanday elni uning maʼna­viyatli va maʼrifatli, iş­bi­larmon va tadbirkor far­zandlari dunyoga tanitadi.

Şu nuqtai nazardan qarasak, kun sayin obod va farovon göşaga aylanib borayotgan bu zaminda bir bor bölsangiz, dovruği elga doston Kuyuk kö­pirlik olim-u ulamolar, şoir-u baxşilar, sohibkor boğ­bonlar, tadbirkorlar boş­­­lab bergan ezgu işlarni bu­gungi barkamol avlod yanada takomiliga yetkazayotganiga gu­voh bölasiz. Bu haqda biri-biridan obod va sölim köça­lar, fayziyob hovli-boğlar, serhosil dalalar sözlaydi.

AHIL VA INOQ EL

Umumiy yer maydoni 2878 gektar bölgan Kuyuk köpir qişloğining Eşonovul aholi maskanidan Xöja ovuligaça bölgan ulkan hududda 1057 ta xonadon tarkibidagi 1310 oilada salkam 5300 nafar aholi istiqomat qiladi. Aholining asosiy qismi, yaʼni 3758 nafari özbek, 565 nafari qoraqalpoq, 11 nafari qirğiz va 214 nafari boşqa millat vakillari bölib, barçasi yagona oila farzandlaridek ahil va inoqlikda yaşab, mehnat qilişadi. Kuyuk köpir farzandi, şoir Ahmad Nafas (Alloh rah­mat qilsin) bejizga quyidagi satr­larni yozmagan:

Özbek, qoraqalpoq, qozoq, qirğizim,
Turkmanim – tilimda yangragan sözim.
Köngli könglim bilan çatişib ketgan,
Bari oğa-inim va öğil-qizim.

Dehqonçilik va çorvaçilikka ix­tisoslaşgan, millatlararo to­­­tuvlik tafti ufurib turgan ovul aholisining asosiy qismi hu­duddagi 12 ta fermer xöjaligida, 365 nafari turli korxona va taşkilotlarda mehnat qili­şadi.

TAʼLIM, SOĞLIQNI SAQLAŞ VA IJTIMOIY QÖLLAB-QUVVATLAŞ

Ovul aholisining salomatli­gini muhofaza etiş borasida barça zamonaviy qulayliklarga ega qişloq şifoxonasi va oi­la­viy poliklinika faoliyat yuritadi. Şuningdek, hududda 2 ta maktab, 85 nafar kiçkintoyni öz bağriga olgan 1 ta davlat maktabgaça taʼlim taşkiloti va 25 nafar bolani tarbiyalaş quvvatiga ega oilaviy maktabgaça taʼlim taşkiloti Kuyuk köpir­lik­larning xizmatida.

Fuqarolar yiğinining 15 nafar kişidan iborat Kengaş aʼzolarining birgalikdagi saʼy-harakatlari tufayli aholining ijtimoiy faolligi oşib, hu­dudda tadbirkorlik bilan şu­ğul­lanuvçilar safi yil sayin ösib bormoqda. Bugungi kunda 84 nafar fuqaro özlarining tadbirkorlik faoliyatlarini mu­vaffaqiyatli tarzda olib bo­rişmoqda. Şuningdek, 16 nafar fuqaro savdo-sotiq işlari bilan şuğullanişadi.

«Mahalla yettiligi»ning uyma-uy kirib borib ötkazgan xatlov natijalariga köra, 451 nafar fuqaro mavsumiy işlarga jalb etilib, bandligi taʼminlandi. Şuningdek, 17 nafar kişining imkoniyatlari örganib çiqilib, özini-özi band qiliş tamoyili asosida faoliyat yuritişlari uçun kömaklaşildi.

MAHALLA AHOLISI TINÇ-TOTUVLIGI YÖLIDAGI SAʼY-HARAKATLAR

Aholi hayotiga doir ijtimoiy muammolarni hal etişda ovul fuqarolar yiğinida faoliyat olib boruvçi komissiyalar mu­him ahamiyatga ega. Oilaviy qadriyatlarni mustahkamlaş ko­missiyasiga yiğin raisi Rufat Xudoyberganov rahbarlik qi­ladi. Har bir oilaning tinç-totuv, farovon hayot keçirişini taʼminlaş, ösib kelayotgan yoş avlodning maʼnan va jis­monan yetuk insonlar bölib voyaga yetişlari uçun zarur imko­niyatlar yaratiş maqsadida Xotin-qizlar bilan işlaş, Ijtimoiy qöllab-quvvatlaş va jamoatçilik nazorati, Ekologiya va atrof-muhitni muhofaza qiliş, obodonlaştiriş, köka­lam­zor­laştiriş komissiya­lari hamda «Keksalar maslahati», «Ota-onalar Universiteti» jamoatçilik tuzilmalari bilan hamkorlikdagi işlar tu­fay­li hududda jinoyatçilik, huquqbuzarlik holatlariga kes­kin barham berilib, notinç oi­la­larni maʼnan soğlom­laş­tirişga erişilmoqda.

Ayni paytda hududdagi oilalarning 216 tasi yoş oilalar hisoblanadi. Fuqarolar yiğini komissiyalari va jamoatçilik tuzilmalari tomonidan amalga oşirilayotgan yoş oilalarning tinç-totuv, ahillikda yaşaşla­rini taʼminlaşga qaratil­gan çora-tadbirlar tufayli öt­gan davr mobaynida ajraşiş yoqasiga borib qolgan 15 ta oila yaraştirildi. Yana bir notinç oila va himoya orderiga ega 2 nafar fuqaroning tinç-osoyiştaligini taʼminlaş qatʼ­­iy nazoratga olindi.

MEHNATSEVAR VA FIDOYI XALQ

Kuyuk köpirliklar mehnatsiz ötgan kunini umrlari hisobiga qöşmaydigan fidoyi va meh­natkaş xalq. Aholi orasida ha­lol mehnatlari bilan öz hayot yöllarini oydin, turmuşlarini farovon, xonadonlarini obod qilib yaşayotganlar, uy çorvasi, parrandaçiligi, baliqçilik va asalariçilik bilan şuğul­laniş orqali oilalari daro­madiga daromad qöşib, turmuş şaroitlarini ijobiy tomonga özgartirib yaşayotganlar talay­gina.

121,1 gektardan iborat aholi­ning umumiy tomorqa yerida yil davomida 2-3-marta hosil yetiştiriladi. Şaxsiy tomorqa yeri bor bölgan 1057 ta xonadonning barçasida öz oilalarini kundalik ehtiyojlari uçun zarur poliz va sabzavot mahsulotlari bilan taʼminlaş, hatto oila ehtiyojidan ortiğini içki bo­zorga yönaltiriş imkoniyati mav­­­jud. 8 ta issiq­xona xöjali­gi yuritayotgan mo­hir tomor­qa­çilar mehnati tu­fay­li Kuyuk kö­pir­lik­larning das­tur­xon­lari qi­şin-yozin sar­xil mah­sulot­lar­ga töla.

Ovuldagi 4 ta oila asalariçi­lik, 5 ta oila baliqçilik bilan şuğullanayotgani bois, aholining asal va baliq mahsulotlariga bölgan ehtiyojlarini qondiriş imkoni borligi quvonarli. Ovul­dagi xonadonlarning 853 tasida 4200 taga yaqin yirik şoxli qoramollar, salkam 16 ming boş parranda bor. Aholi uçun göşt, sut, tuxum kabi mahsulotlar böyiça umuman muammo yöq.

IJTIMOIY HIMOYa VA YoŞLARNI QÖLLAB-QUVVATLAŞ

Yil boşida «Mahalla yettiligi» tomonidan aholi xonadonlariga kirib ötkazilgan xatlov natija­lariga köra, «Temir daftar»ga kiritilgan 4 ta oilaning meh­natga layoqatli 12 nafar aʼzo­lari bandligini taʼminlaş çoralari körildi va ular öz layoqatlariga yaraşa iş bilan taʼminlandi. Şuningdek, «Ayollar daftari» röyxatidagi 146 nafar ayol-qizlardan 47 nafari mehnatga layoqatliligi uçun ularning bandligini taʼminlaş, kasb-hunarga öqitiş böyiça iş­­lar olib borildi. «Yoşlar daf­tari»ga kiritilgan 2 nafar yoş qis­qa fursat içida mazkur daf­tardan çiqarildi.

Bundan taşqari, boquvçisini yöqotgan 41 ta oiladagi baloğatga yetmagan farzandlariga mehr-muruvvat körsatiş, nogironligi bor bölgan farzandlarini tar­biyalayotgan oilalar, yakka-yolğiz, özgalar parvarişiga muhtoj fuqarolar, çin yetim va yarim yetim bolalarning ijti­moiy­laşuviga kömaklaşiş, ij­timoiy himoyaga muhtoj 112 ta oilani doimiy qöllab-quvvatlaş maqsadida «Heç kim mehr-muruvvatdan çetda qolmaydi» tamoyili asosida amalga oşirilayotgan iş­lardan aholi ham mamnun.

TADBIRKORLIK VA HUNARMANDÇILIK

Ovulda yoşlar tadbirkorligini rivojlantiriş maqsadida amal­ga oşirilayotgan işlar ham öz samarasini bermoqda. Al­batta, bu borada izlanuvçan, in­tiluvçan, öz hayotini yaxşi tomonga özgartirişga bölgan iştiyoqi baland yoşlarni qöllab-quvvatlaş, ularning muam­mo­la­riga yeçim topişdagi indi­vidual yondaşuvning ahamiyati katta.

Ustoz-şogird anʼanasi asosida tikuvçilik hunarini örganib, hamqişloqlariga biri-biridan bejirim liboslar tikib berib, olqiş olayotgan Surayyo Tilovboyeva, Nilufar Eşimbetova, Gulnoza Tojiboyevalarning bu­gun özlari ham ustozlik ma­qo­mida yoşlarga çevarlik sir­la­rini örgatişmoqda. Uçala çe­var ham özini-özi band qiliş ta­mo­yili asosida doimiy daro­mad manbaiga ega bölişdi va ham­qişloqlarining muşkul­la­ri­­ni oson qilib, ularning qöşni ma­hallalarga qatnab, tikuvçi iz­lab yurişlariga barham be­riş­di.

Aka-uka Ğafurjon, Islomjon va Şukrulla Otajonovlar esa ahillik bilan iş tutib, plastik eşik va deraza romlari işlab çiqarişni yölga qöyib, yangi imorat qurayotgan hamqişloqlariga qöl-qanot bö­lişmoqda. Bugungi kunda mo­hir ustalarga aylangan aka-ukalar yasagan bejirim eşik va derazalar Kuyuk köpir qiş­lo­ğidagi xonadonlarga körk ba­ğişlab turibdi.

HAMMA YeRDA OBODLIK VA ORASTALIK

Kuyuk köpir qişloği ayni kun­larda yanada gözal va körkam qiyofa kasb etgan. Hududdagi fer­mer xöjaliklari dehqonlari dalalarda yetilgan möl paxta hosilini yiğib-terib olişga puxta hozirlik körişmoqda. Mohir tomorqaçilar, boğbon-u sohibkorlar kuzgi sarhisob oldidan hosillarini çamalab körişmoqda. Eşonovul, Xöja ovul aholi maskanlari, gözal Qi­zilçoli tomonlarga bir boqing! Xonadonlar obod, köçalar nu­rafşon, mustaqillikning 34-yil­ligi arafasidagi «Vatan uçun, millat uçun, xalq uçun!» ezgu şiori ostidagi bayramona tadorik qizğin tusga kirgan.

Ovulning tört tomoni farovonlik kasb etgan. Mabodo, yölingiz tuşib, Kuyuk köpir tomonlarga ötsangiz, bu sölim göşani bir bor kezing, Kuyuk köpirliklarning totuv va obod turmuşidan, farovonlik oşyonidan bahri di­­lingiz oçiladi!

Robiya Yöldoşeva