Yoshlarni diniy ekstremizm va tavakkalchilik oʻyinlaridan himoya qilish mavzusida tadbir tashkil etildi
Yoshlarning diniy ekstremistik oqimlar taʼsiriga tushib qolishi, shuningdek, tavakkalchilikka asoslangan oʻyinlarga moyilligi jamiyat uchun jiddiy xavf tugʻdiradi. Shu sababli taʼlim muassasalari va jamoatchilik tomonidan bu borada targʻibot-tashviqot ishlari kuchaytirilmoqda.
Shu kunlarda tumanimizdagi maktablarda mazkur mavzuga oid targʻibot tadbirlari oʻtkazilmoqda. Xususan, yaqinda 15-sonli maktabda yoshlarni turli zararli taʼsirlardan himoya qilishga bagʻishlangan uchrashuv tashkil etildi. Tadbirda huquqni muhofaza qiluvchi organlari xodimlari, maktab direktori J.Artiqov, Qilichboy OFY raisi U.Jumanov, yoshlar yetakchisi J.Atamuratov, oʻqituvchilar hamda yuqori sinf oʻquvchilari ishtirok etdi.
Maktab direktori J.Artiqov yigʻilishni ochib, yoshlarni diniy ekstremizm va tavakkalchilik oʻyinlarining salbiy oqibatlaridan himoya qilish bugungi kunning dolzarb masalalaridan biri ekanligini taʼkidladi.
Huquqni muhofaza qiluvchi organlari xodimi oʻz nutqida yoshlarning maʼnaviy merosimizni asrab-avaylashi, yod gʻoyalarga qarshi immunitet shakllantirish zarurligi haqida soʻz yuritdi. U diniy ekstremistik oqimlarning yoshlar orasida qanday tarqalishi va ularning fikrlash tarziga qanday taʼsir oʻtkazishi mumkinligi haqida misollar keltirib, bunday oqimlardan himoya choralarini tushuntirdi. Shu bilan birga, ota-onalar, taʼlim muassasalari va jamiyatning har bir aʼzosi yoshlarning maʼnaviy kamolotiga befarq boʻlmasligi lozimligini taʼkidladi.
Shuningdek, masʼullar tavakkalchilik oʻyinlarining yoshlar ongiga salbiy taʼsiri haqida batafsil maʼlumot berdi. Bunday oʻyinlar yoshlarni nafaqat moliyaviy yoʻqotishlarga, balki ruhiy tushkunlikka olib kelishi, ijtimoiy hayotdan uzoqlashtirishi va psixologik muammolarni keltirib chiqarishi mumkinligi taʼkidlandi. Shuningdek, bunday oʻyinlarning oldini olish uchun yoshlarning bilim va mahoratini rivojlantirish, ularni foydali mashgʻulotlarga jalb qilish zarurligi qayd etildi.
Tadbir davomida ishtirokchilar yoshlarni zararli oqimlar va tavakkalchilik oʻyinlaridan himoya qilish boʻyicha bir qator takliflarni ilgari surdilar. Jumladan, maktablarda muntazam ravishda maʼrifiy va tarbiyaviy tadbirlar oʻtkazish, oʻquvchilarga diniy va huquqiy savodxonlik boʻyicha chuqurroq bilim berish, zararli oʻyinlarga moyillikning oldini olish uchun jamoatchilik nazoratini kuchaytirish hamda mahalla va oila bilan hamkorlikda profilaktik ishlarni olib borish zarurligi qayd etildi.
Uchrashuv yakunida yoshlarni diniy ekstremizm va tavakkalchilik oʻyinlaridan himoya qilish borasida taʼlim muassasalari, ota-onalar va huquqni muhofaza qilish organlari oʻzaro hamkorlikni yanada mustahkamlashlari lozimligi alohida taʼkidlandi. Yoshlarning maʼnaviy tarbiyasiga jiddiy eʼtibor qaratish ularning kelajagini barqaror va taraqqiy etgan jamiyat fuqarosi sifatida shakllanishiga xizmat qiladi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
