Хавфсизлик ва қонун устуворлигини таъминлаш мақсадида рейдлар ўтказилмоқда
Жамиятда осойишталикни сақлаш, фуқароларнинг хавфсизлигини таъминлаш ва йўлларда содир бўлиши мумкин бўлган кўнгилсиз ҳодисаларнинг олдини олиш бугунги куннинг энг долзарб вазифаларидан бири ҳисобланади. Айниқса, куннинг қоронғи вақтида, кўчаларда ҳаракатланиш интенсивлиги ўзгарган бир пайтда, ҳуқуқ-тартибот идоралари ходимларидан янада ҳушёрлик ҳамда юксак масъулият талаб этилади. Шу мақсадда, Нукус шаҳрида жиноятчилик ва ҳуқуқбузарликларнинг барвақт олдини олиш, йўл-транспорт ҳодисаларига йўл қўймаслик ҳамда ҳаракат хавфсизлигини таъминлашга қаратилган кенг қамровли тадбирлар изчил давом эттирилмоқда.
Ушбу жараёнларнинг узвий қисми сифатида Қорақалпоғистон Республикаси Ички ишлар вазирининг ўринбосари, полковник Бахитжан Избасаров бошчилигида шахсий таркиб билан махсус хизматолди йўриқномаси ташкил этилди.
Мазкур йўриқнома давомида дастлаб республика ҳудуди бўйлаб кенг кўламда ўтказилаётган «Хавфсиз ва соғлом юрт» тезкор-профилактик тадбирининг асосий мазмун-моҳияти ва стратегик аҳамиятига алоҳида тўхталиб ўтилди. Таъкидлаш жоизки, бундай тадбирларни ташкил этишдан кўзланган бош мақсад – биринчи навбатда аҳолининг тинч ва осойишта ҳаётини ҳимоя қилиш, фуқаролар хавфсизлигини таъминлаш, йўлларда инсон ўлими ва жароҳатланиши билан боғлиқ мудҳиш ҳолатларни кескин камайтириш ҳамда қўпол турдаги қоидабузарликларга қарши муросасиз курашишдан иборатдир. Шу муносабат билан Нукус шаҳрининг марказий кўчалари ва чекка ҳудудлари бўйлаб мақсадли рейд тадбирларини кучайтирилган тартибда олиб бориш бўйича масъул раҳбарлар ва ходимларга аниқ вазифалар белгилаб берилди.
Хизматга жалб этилган ҳар бир ходимнинг олдига нафақат қонун устуворлигини таъминлаш, балки аҳоли билан ишлаш маданиятини юксалтириш талаби ҳам қўйилди. Хусусан, йўриқнома жараёнида ички ишлар органлари ходимларига хизмат вақтида қатъий тартиб-интизомга риоя этиш, хизмат вазифаларини бажариш давомида фуқаролар билан хушмуомала ва кенг феълли бўлиш, ҳар қандай вазиятга холисона ҳамда вазминлик билан ёндашиш кераклиги қатъий уқдирилди. Ушбу муҳим кўрсатмалар ва йўналишлар берилганидан сўнг, шахсий таркибга хизматни бошлаш учун тегишли рухсат берилди ва улар ўзларига бириктирилган ҳудудлар бўйлаб хизматни ўташга киришдилар.
Тунги рейд тадбирлари давомида асосий эътибор транспорт воситаларининг узлуксиз ва хавфсиз ҳаракатланишини назорат қилишга қаратилди. Жараён давомида тўхтатилган транспорт воситалари инспекторлар томонидан диққат билан кўздан кечирилди. Ҳайдовчилар билан ўтказилган кенг қамровли профилактик суҳбатлар давомида, рул бошқарувига тегишли ҳужжатларсиз ўтирмаслик, йўл ҳаракати қоидаларига, жумладан, тезлик меёрларига, светофор ишораларига ва йўл белгилари талабларига тўлиқ амал қилиш зарурлиги тушунтирилди. Бу каби тушунтириш ишлари орқали ҳайдовчиларнинг масъулиятини ошириш ва уларда қонунга итоаткорлик ҳиссини шакллантириш кўзда тутилган. Йўллардаги хавфсизликни таъминлашда нафақат назоратчиларнинг, балки ҳаракат иштирокчиларининг ҳам шахсий жавобгарлиги юқори эканлиги қайд этилди.
Бироқ олиб борилган тарғибот ва ташвиқот ишларига қарамасдан, ўрнатилган тартиб-қоидаларни менсимаган ва қўпол қоидабузарликка йўл қўйган шахслар ҳам аниқланди. Йўл ҳаракати қоидаларига амал қилмаган, ўзи ва ўзгалар ҳаётини хавф остига қўйган автотранспорт воситалари ҳайдовчиларига нисбатан қонунчиликда белгиланган тартибда тегишли чоралар кўрилди. Натижада бир нечта автотранспорт воситалари вақтинча сақлаш учун жарима майдончасига жойлаштирилди.
Хулоса ўрнида шуни таъкидлаш лозимки, Нукус шаҳрида амалга оширилаётган бу каби тизимли профилактик тадбирлар ва мақсадли рейдлар шаҳар кўчаларида хавфсизликни таъминлаш, йўл-транспорт ҳодисаларининг барвақт олдини олиш ва энг муҳими, инсон ҳаёти ҳамда соғлиғини асраб қолишга хизмат қилмоқда. Зеро, йўллардаги хавфсизлик барчамизнинг тинчлигимиз ва хотиржамлигимизнинг асосий гаровидир.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
