“Al-kafil biznes plast” MÇJ içki bozorni yuqori sifatli plastmassa mahsulotlari bilan taʼminlab kelmoqda

Mamlakat iqtisodiyotining barqaror ösişi va uning jahon bozoriga kirib borişini taʼminlovçi asosiy omillardan biri sohalar böyiça eksport salohiyatini oşiriş hisoblanadi. Şu maqsadda ötgan yillar davomida mamlakatimizda köplab erkin iqtisodiy zona va kiçik sanoat zonalari taşkil etildi. Ularda mingdan ortiq loyihalar işga tuşirilgan bölib, 100 mingdan ortiq iş örni yaratildi va respublikamizda mahsulot işlab çiqariş hajmi keskin oşdi.

Darhaqiqat, keyingi davrda har bir tumanga sanoat kirib borib, olis va çekka hududlarda yangi işlab çiqariş subʼektlari paydo bölmoqda. Amudaryo tumanida taşkil etilgan kiçik sanoat zonasida faoliyat yurituvçi “Al-kafil biznes plast” masʼuliyati çeklangan jamiyati ham yildan-yilga rivojlanib, nafaqat tumanimizdagi, balki boşqa hududlardagi bozorlarni ham özining sifatli plastmassa mahsulotlari bilan taʼminlab kelmoqda.

“Al-kafil biznes plast” masʼuliyati çeklangan jamiyati 2019-yilning aprel oyida taşkil qilingan edi. Şu yili işlab çiqariş faoliyatini boşlaşi uçun Xalq banki tomonidan 37 ming AQŞ dollari miqdorida imtiyozli kredit oldi. Xitoy Xalq Respublikasidan plastmassa mahsulotlarini işlab çiqaruvçi dastgohlar olib kelinişi natijasida xalq kundalik turmuşida foydalaniladigan 10dan ortiq turdagi plastmassa  buyumlari işlab çiqarila boşlandi. Öşa davrda MÇJda 10 nafar işçi xodim faoliyat yuritgan bölsa, bugungi kunda 15 nafar tajribali xodim mehnat qilmoqda.

Mazkur jamiyat tomonidan 4 xil turdagi, har xil kiçik va örta hajmdagi xöjalik va uy-rözğor uçun idişlar işlab çiqariladi. Joriy yilda işlab çiqariş faoliyatini kengaytiriş maqsadida Xitoy Xalq Respublikasidan yangi dastgohlar olib kelindi. Buning natijasida yana 6 xil turdagi plastmassa mahsulotlari, jumladan har xil hajmdagi katta idişlar işlab çiqarilişi yölga qöyildi va qöşimça iş örinlari taşkil etildi.

Hozirgi kunda “Al-kafil biznes plast” MÇJda iş vaqti 3 smenada taşkil etilib, işlab çiqariş hajmi oy sayin oşib bormoqda. Masʼuliyati çeklangan jamiyati bugungi kunda mahsulotlarini Qoraqalpoğistondan taşqari Xorazm, Navoiy, Buxoro, Samarqand va Toşkent viloyatlariga yetkazib beradi.

“Al-kafil biznes plast” masʼuliyati çeklangan jamiyati xorijiy va qöşni davlatlarda taşkil etilayotgan “Made in Uzbekistan” körgazmalarida faol iştirok etadi. Yaqinda Qozoğiston Respublikasida taşkil etilgan sanoat körgazmasida mazkur korxona xodimlari ham iştirok etib, yuqori sifatli plastmassa mahsulotlari bilan Amudaryo tumanining işlab çiqariş salohiyatini namoyiş etişdi.

Şu kunlarda korxona rahbariyati mahsulotlarini qöşni davlatlar, yaʼni Qozoğiston, Tojikiston va Qirğiz Respublikalariga eksport qilişni rejalaştirmoqda. Uşbu loyihalar amalga oşişi natijasida yana köplab yangi iş örinlari taşkil etilişi közda tutilgan.

Şohzod Qurbonboyev