"Esimda oʻsha damlar, oʻzi uchar gilamlar..." Yoxud mutolaa oiladan boshlanadi
Instagramdan boʻshamaydigan ota bilan, dugonalari bilan telefonda soatlab gap sotadigan onaning farzandiga kitob oʻqi deyishi taʼsirlimi? Yoki avvalo oʻzlari chinakam kitobxon boʻlib, ibrat koʻrsatib, bolam, kitob oʻqigin! Ilm olib biz kam boʻlganimiz yoʻq, degan soʻzlari yurakka yaqinroqmi?! Albatta ikkinchi variant toʻgʻri.
Axir, tarbiya va maʼnaviyat degan tushunchalar dastlab oilada shakllanadi. Tarbiya oilada oʻrgatiladi, oʻrganiladi, quloq osiladi va amal qilinadi. Xullas, komil farzandning ota-onasi boʻlishni istaysizmi, unda oʻzingizam komil ota-ona boʻling. Biz xohlaymizmi, yoʻqmi olmaning tagiga olma tushadi, banan emas...
Yaqindagina "Taraqqiyot koʻzgusi" gazetasi tahririyatining "Bilimli va maʼnaviyatli yoshlar bilan – Uchinchi Renessans sari" nomli grant loyihasi doirasida oʻtkazilgan "Mahallamizning eng ziyoli oilasi" tanlovi gʻoliblarini taqdirlash marosimi boʻlib oʻtdi. Tanlovda faol qatnashgan uch nafar oila sohib va sohibalari, jumladan, tumanimizning Doʻrman OFYdan Umidbek Urinboyevlar oilasi, Durunki MFYdan Sohiba Bozorboeva hamda Oʻzbekiston MFYdan Alisher Bobojonlar oilasi eng ziyoli va kitobxon oilalar sifatida eʼtirof etilib, "Taraqqiyot koʻzgusi" gazetasi tahririyatining faxriy yorliqlari va badiiy adabiyotlar toʻplami bilan taqdirlandi. Shuningdek, tadbirga tuman maʼnaviyat va maʼrifat boʻlimi xodimi Mahmud Eshmonov ham tashrif buyurib, u ham gʻoliblarga boʻlim nomidan kitoblar sovgʻa qildi.
Tanlov ishtirokchilari grant loyihasi ijrochilariga minnatdorchilik bildirib, ushbu kitoblar oilalari va mahalladoshlarining maʼnaviy olamini boyitishga xizmat qilishiga ishonch bildirdi.
Aziza Madrahimova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
