FAVQULODDAGI OFAT BOʻLGAN BOTULIZM KASALLIGIDAN EHTIYoT BOʻLING
Botulizm – juda xavfli, kutilmaganda sodir boʻladigan, odam organizmi markaziy nerv tizimining ogʻir shikastlanishi bilan kechuvchi, mushaklar parezi va falajiga olib keluvchi oʻtkir yuqumli toksik kasallikdir. Kasallik ovqatdan zaharlanish natijasida, jumladan, sifatsiz baliq, kolbasalar, baliqli va goʻshtli, mevali va sabzavotli konservalar, qoʻziqorinlar isteʼmol qilinishi natijasida yuzaga keladi.
Mamlakatimizda kasallik asosan uy sharoitida tayyorlangan mahsulotlarni, yaʼni konservalar, marinadlar, dudlangan mahsulotlar, tuzlama va boshqalarni isteʼmol qilish natijasida yuzaga keladi. Uy sharoitida konserva mahsulotlarini tayyorlashda yetarlicha sanitariya-gigiyena talablariga amal qilmaslik va issiqlik 100 darajadan oshmasligi natijasida bankalarni sifatsiz germitizatsiya qilish esa botulizm toksinlarining, spora va vegetativ hujayralarining koʻpayishi uchun qulay shart-sharoitlarni keltirib chiqaradi.
Konserva mahsulotlarining kasallik qoʻzgʻatuvchi sporalari bilan zaharlanganligini ularning tashqi koʻrinishidan, yaʼni qopqogʻining koʻtarilib turishidan ham aniqlash mumkin. Bunday konserva mahsulotlari ancha yumshagan, strukturasi oʻzgargan va noxush hidga ega boʻladi. Uy sharoitida tayyorlangan bu kabi sifatsiz konserva mahsulotlari darhol yoʻq qilinishi kerak.
Botulizm kabi oʻtkir, oʻta zaharli infektsiyaning oldini olish uchun qoʻllaniladigan eng samarali vosita – bu botulizmga qarshi poliantitoksin bilan emlash va eng asosiysi uy sharoitida tayyorlangan mahsulotlarni isteʼmol qilmaslik hisoblanadi.
Aziz yurtdoshlar, kutilmagan ofatlardan biri boʻlgan botulizm kasalligiga chalinishdan ehtiyot boʻling. Konserva mahsulotlarini isteʼmol qilishdan oldin uning yaroqlilik muddati va holatiga eʼtibor qiling.
A.Utebayev, tuman FVBning
tezkor boʻlinmasi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
