QILIÇBOYLIK KITOBXON YoŞLAR IŞTIROKIDA “KITOB ÖQIŞ SAODATDIR” DEB NOMLANGAN DAVRA SUHBATI ÖTKAZILDI

Kitob insonni bilim va ilmlar xazinasi sari yetaklaydi. Hayotimizni yoritguvçi uşbu kitoblar umrimizga mazmun kiritadi, yöllarimizni nurafşon qilib, saodatga eltadi. Yoş avlodning komil insonlar bölib voyaga yetişlarida ham kitoblar va kitobxonlikning ğoyat ahamiyati kattadir. Şu bois yurtimizda kitobxonlar safini kengaytiriş, ayniqsa, yoşlarni kitobxonlikka qiziqtirişga alohida eʼtibor qaratilmoqda.

Amudaryo tumanining Qiliçboy ovulidagi 83-sonli maktabda öqituvçilar bilan hamkorlikda tumandagi “Taraqqiyot közgusi” gazetasi tahririyatining “Bilimli va maʼnaviyatli yoşlar bilan – Uçinçi Renessans sari” nomli grant loyihasi iş rejasiga köra ötkazilgan “Kitob öqiş saodatdir” deb nomlangan davra suhbatida aynan şu xususda söz yuritilib, kitoblarning inson hayotida tutgan örni eʼtirof etildi.

Tadbirda tahririyat xodimlari, loyiha ijroçilari, tumandagi Axborot-kutubxona markazi xodimlari, maktab öqituvçilari, kitobxon yoşlar, ovul kutubxonasida uzoq yillar davomida kitobxonlarga xizmat qilgan va yoşlarni kitobxonlikka qiziqtirib, dunyoqaraşi kengayişi, tafakkuri boyişiga, kasbu-korli insonlar bölib yetişişiga hissa qöşgan, hozirgi kunda keksalik gaştini surayotgan onaxon Odinaxon Musayeva hamda uning şogirdlari qatnaşişdi.

Davra suhbatini maktabning ona tili va adabiyot fani öqituvçisi Muqaddas Allaberganova olib bordi hamda tadbir boşlanişida iştirokçilarni yaqindan taniştirib ötdi. Öz kasbining fidoyisi, ovulda kitobxonlar safi kengayişiga, ularning ziyoli insonlar bölib yetişişiga sababçi bölgan ziyokor inson Odinaxon momo Musayevaning xizmatlarini alohida eʼtirof etdi.

Qiliçboy ovulidagi fuqarolar yiğini binosida joylaşgan kutubxonada uzoq yillar mehnat qilgan Odinaxon Musayeva 1950-yilda Toşkent viloyatida tuğilgan. Asli Farğonalik bölgan ota-onasi taqdir taqozosi bilan uruş yillarida Toşkent viloyatiga köçib kelişgan. Oilada Odinaxon bilan birga 4 öğil va 1 qiz ulğayişgan. Uni yaşab turgan joylariga yaqin bölgan qozoq maktabiga öqişga berişgan. Şunday bölsa-da, zehni ötkir qiz maktabni muvaffaqiyatli tugatgan va Toşkent şahridagi Madaniy oqartuv texnikumining kutubxonaçilik yönalişida tahsilni davom ettirgan.

Ustozi Mahfuza Alimxojayevaning: “Kutubxonaçi hammaga kerakli inson, unga barça kasb egalari murojaat qiladi, u ham har qanday kasb egasi bölişi mumkin” – degan sözlaridan ruhlanib, aʼlo baholarga öqigan Odinaxon Musayevaga 1968-yilda öqişni tugatganidan söng, Moskva şahriga yöllanma berişdi. Lekin u Özbekistonda qolişga qaror qildi va Toşkent Davlat çet tillar pedagogika instituti kutubxonasining öquv zali kutubxonaçisi bölib işga joylaşdi. Keyinçalik öşa paytdagi Nizomiy nomidagi Toşkent Davlat pedagogika institutining kutubxonaçilik fakultetiga sirtdan öqişga kirib, tahsilni davom ettirdi. Odinaxon Musayeva 1973-yilda qoraqalpoğistonlik Yangiboy Bobojonov bilan umr yöllarini boğladi va Qiliçboy eliga kelin bölib tuşdi.

Kitobxonlik tadbirida iştirok etgan Odinaxon Musayevaning şogirdi Sayyora Abdurahmonova ham onaxonning eng birinçi şogirdlaridan biri ekanligini eʼtirof etib, ovuldagi kutubxonaning fayzli maskanga aylanişida uning mehnatlari katta ekanligini taʼkidladi. Şuningdek, kutubxonada kitoblarni mazmuniga qarab joylaştirişni, kutubxona aʼzolarining röyxatini, kataloglarini tartib bilan taxlaşni, kitobxonlar bilan muomala qilişni va hatto, şaxsiy hayotida ham ustozining maslahatlariga köra töğri yöl tutişni örganganini, ustozga mehri, ehtiromi katta ekanligini faxr bilan sözladi. Tumandagi Axborot-kutubxona markazi xodimlari Rohatoy Romanova, Gulruh Avazmetova, Gulasal Qöçqorova, ovuldagi 15-sonli maktab öqituvçilari Nigora Mirzayeva, Gözal Bekmuradovalar ham kitoblarning inson hayotidagi tutgan örni, ahamiyati haqida gapirib, iş jarayonida Odinaxon Musayevaning har bir kitobxon bilan öqigan kitoblari töğrisida sözlaşişlari, yana yangi kitoblar öqişga daʼvat etişlari, özlarining kasb tanlaşlarida, bilimli bölişlarida, ovul yoşlarining maʼnaviyatli insonlar bölib ulğayişlarida onaxonning hissasi kattaligini tölqinlanib gapirdilar.

Davra suhbati davomida kitobxon yoşlar iştirokida ötkazilgan “Eng faol kitobxon” maşğuloti ham juda qiziqarli böldi. Kitobxonlarga savollar yozilgan qoğozlar tarqatib berildi va eng mazmunli deb topilgan javoblarga köra ğoliblar aniqlandi. Maktabning 9-sinf öquvçisi Ozoda Rajabboyeva özi öqigan kitoblarni töliq tavsiflab bera olgani uçun eng faol kitobxon deb topildi. Şuningdek, 5-sinf öquvçisi Şaydo Madrasulova, Sadoqat Olimovalar ham faol kitobxonlar safidan joy olişdi. Maktabning 1-sinf öquvçisi, barçani kitobxonlikka çorlab kelayotgan onaxon Odinaxon Musayevaning nevarasi Foziljon Yangiboyev Alifbeni kitoblarning eng sarasi deb bilişini, harflar esa uning qahramonlari ekanligini aytganida zukkoligi bilan kitobxonlarning olqişlariga sazovor böldi.

Kitobxon yoşlar rağbatlantirilganidan söng, suhbat davom ettirildi va Qiliçboy ovul fuqarolar yiğini raisi Bahrom Qodirov hududda aholini kitobxonlikka jalb etiş, kitobxon yoşlar safini kengaytiriş borasida olib borilayotgan işlar xususida sözladi. Kitobning umr yöllarini yorituvçi sönmas nur, inson hayotiga mazmun kirituvçi, maʼnaviy kamolotini taʼminlovçi kuçli qudratga ega vosita ekanligini aytib, yiğin binosida ham kutubxona taşkil etilgani, kitoblar soni köpaytirilayotgani, yoşlarning sevimli maskaniga aylangani haqida gapirib ötdi.

Azal-azaldan maʼrifat peşvolari, ahli donişlarimiz butun insoniyatni kitob öqişga, undan ilmu-odob sirlarini örganişga çorlab kelişgan. Zero buyuk bobokalonimiz Alişer Navoiy hazratlari taʼkidlaganlaridek, kitob – beminnat ustoz, bilim va maʼnaviy yuksalişga erişişning eng asosiy manbaidir. Elimizda Odinaxon ona Musayeva kabi barçani kitobxonlikka çorlovçi maʼnaviyatli insonlar köp bölsa, yoşlarni köp kitob öqişga undovçi şu kabi tadbirlar köplab ötkazilsa, dunyoqaraşlar kengayadi, hayotga munosabat özgaradi.

Muqaddas Allaberganova, 83-sonli maktab öqituvçisi.