KONSTITUTsIYa BERGAN BAXT
Davlat öqituvçilarning şaʼni va qadr-qimmatini himoya qiliş, ularning ijtimoiy va moddiy farovonligi, kasbiy jihatdan ösişi töğrisida ğamxörlik qiladi.
Konstitutsiyaning 52-moddasidan.
Öqituvçi bölişni niyat qilgan inson öz zimmasiga jamiyat va davlatni rivojlantirişga hissa qöşiş, har tomonlama soğlom, maʼnaviy barkamol avlodni voyaga yetkaziş, ularni Vatanga mehr-muhabbatli insonlar qilib tarbiyalaşdek yuksak masʼuliyatni oladi.
Amudaryo tumandagi 30-sonli maktabning ona tili va adabiyot fani öqituvçisi Umidaxon Rahimboyeva umumtaʼlim maktabini tugatib, öqituvçi bölişni niyat qilganida, keyinçalik Qoraqalpoq Davlat Universitetining filologiya va tillarni öqitiş fakultetida tahsil olgan kezlarida ham öqituvçi zimmasidagi ana şu yuksak masʼuliyat zalvorini qayta-qayta, yuragidan his etdi. Umidaxonning talabalik davri 2013-2017-yillarga, talaba-yoşlar, hatto professor-öqituvçilar uçun ham paxta yaganasiga çiqiş, paxta terimi-yu, adoği körinmaydigan turli xil şanbaliklar tarzidagi majburiy mehnatga jalb etiş bilan boğliq işlar avj olgan davrga töğri keldi.
Haqiqatan ham öşa yillari talaba-yoşlar bilan öqituvçilar jalb etilmagan sohaning özi yöq edi. Obodonlaştiriş işlari, aholini röyxatga oliş, paxta yaganalaş, çopiq qiliş, begona ötlardan tozalaş, çilpiş, paxta teriş, turli tadbirlarda zalni töldiriş, hatto namunali uylar qurilişiga haşarga çiqiş, ... kabi sanoğiga yetib bölmaydigan “vazifalar”ni bajarişardi öqituvçilar.
Umidaxon bundayin “vazifalar”ning talabalikda ming maşaqqatini çekkani uçunmi, ayni paytda öqituvçi obrösiga, şaʼniga hurmatsizlik tarzidagi bu kabi hatti-harakatlarga barham berilganidan mamnunligini quvonib izohlaydi:
– Öqituvçi uçun berilib, çin dildan işlaydigan davr endi boşlandi, – deydi u. – Yangi tahrirdagi Konstitutsiyamizda öqituvçi maqomi töğrisida davlat beqiyos ğamxörlik körsatişi belgilab qöyilgan. Biz öqituvçilar uçun ana şu konstitutsiyaviy kafolatdan ham yuksak ğamxörlik yöq.
Darvoqe, Yangi tahrirdagi Konstitutsiyamizning 52-moddasida öqituvçi davlat va jamiyatni rivojlantiruvçi buyuk maʼnaviyat va maʼrifat sohibi sifatida eʼtirof etilib, “... davlat ularning ijtimoiy va moddiy farovonligi, kasbiy jihatdan ösişi töğrisida ğamxörlik qilişi” belgilab qöyilgan.
Ana şu davlat ğamxörligidan bahramand faoliyat yuritayotgan öqituvçi va murabbiylar yoş avlod taʼlim va tarbiyasi sohasida quvonarli yutuqlarga erişmoqdalar. Özining pedagogik faoliyatini boşlaganiga endi 6-yil bölgan U.Rahimboyeva erişayotgan yutuqlar, u amalga oşirayotgan ibratli işlar ham ana şu ğamxörlikning samarasidir. Ilk faoliyatini 2017-yildan 30-sonli maktabda ona tili va adabiyot fani öqituvçisi sifatida işlaşdan boşlagan Umidaxon özining izlanuvçanligi, taşabbuskor va bilimdonligi bilan kasbdoşlarining hurmat-eʼtiborini qozondi. 2020-yilda u Xalqaro tadqiqotlarga tayyorgarlik köriş “Öqiş savodxonligi” yönalişi treneri, 2021-yildan esa ona tili va adabiyot fani böyiça trener-öqituvçi maqomiga ega böldi. Şuningdek, 2022-yilda “Eng yaxşi ona tili va adabiyot fani öqituvçisi” körik-tanlovining tuman va hududiy bosqiçlari ğolibi, “Yoş kitobxon” tanlovining eng taşabbuskor, faol iştirokçisi böldi. Öşa yili “Özbek tilim – iftixorim” esselar tanlovida öquvçisi, “Maʼnaviyatli jamiyat – Uçinçi Renessans poydevori” esselar tanlovida Umidaxonning özi tuman va hududiy bosqiçlar ğolibligini qölga kiritdi. 2023-yil ham Umidaga öz bilim va salohiyatini namoyiş etiş uçun imkoniyatlar yili böldi. Taşabbuskor va izlanuvçan pedagog Xalq taʼlimi vaziri jamğarmasi mukofoti sohibasi böldi. Özbekiston milliy tiklaniş demokratik partiyasi markaziy Kengaşi tomonidan taşkillaştirilgan “Nodirai davronlar” körik-tanlovining hududiy bosqiçida 2-örinni egalladi.
Umidaxon, öqituvçining jamiyatdagi maqomi yuksak tutilib, qadr-qimmati, obrö-eʼtibori oşişi, avvalo uning namunali mehnat faoliyatining mahsuli ekanligini çuqur anglagani uçun ham qisqa vaqt içida el aro hurmat, eʼtibor topdi, mohir pedagog sifatida şakllandi. Bularning barçasi Umidaxon Rahimboyevaga Konstitutsiya bergan imkoniyat. Zero, öqituvçi uçun emin-erkin, öquvçilari davrasida özining sevimli kasbiy faoliyati bilan şuğullanişdan ham uluğroq baxt yöq.
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶