HAYVONOT DUNYoSIGA ZARAR YeTKAZGAN FUQAROGA JAZO TAYINLANDI
Doʻstlik mahallasi fuqarolar yigʻini binosida Jinoyat ishlari boʻyicha Amudaryo tuman sudi tomonidan oʻtkazilgan navbatdagi sayyor sud majlisida Oʻzbekiston Respublikasi JKning 202-moddasida koʻrsatilgan, yaʼni hayvonot yoki oʻsimlik dunyosidan foydalanish tartibini buzish jinoyatini sodir etgan shaxsga oid ish koʻrib chiqildi.
Sud majlisida maʼlum boʻlishicha, sudlanuvchi V.S. (ism oʻzgartirilgan) shu yil 11-iyun kuni tungi paytda Quyi Amudaryo davlat biosfera rezervatining Jumurtogʻ boʻlimi 8-aylanmasi hududining oʻtish zonasida joylashgan fermer xoʻjaliklaridan biridagi bogʻda oʻziga tegishli boʻlgan ov miltiqlaridan foydalangan holda noqonuniy ov qilib, Oʻzbekiston Respublikasi Qizil kitobiga kiritilgan 1 dona Buxoro bugʻusini otib oʻldirgan. Bugʻuni oʻziga tegishli boʻlgan avtomashinaga yuklab, qoʻshni fermer xoʻjalikning dala shiyponiga olib borgan. Shundan keyin bugʻuning goʻshtlarini boʻlaklab, bosh va tuyoqlari bilan birga avtomashina yukxonasiga joylashtirib olib ketgan. Fuqaro V.S. oʻzining yashash uyiga yetib kelganida rezervat xodimlari tomonidan ushlangan hamda hayvonot dunyosidan foydalanish tartibini buzib, 99 mln. soʻmlik moddiy zarar yetkazganlikda ayblangan.
Sud ishi davomida fuqaro V.S. qarshisiga toʻplangan dalillar va boshqa tegishli hujjatlar oʻrganildi, himoyachi va taraflarning soʻzlari tinglandi. Shundan kelib chiqib, V.S. Oʻzbekiston Respublikasi Jinoyat kodeksi 202-moddasining 3-qismining “j” bandi bilan aybli deb topildi va unga ushbu modda bilan 3-yil ozodlikni cheklash jazosi tayinlandi. Hayvonot dunyosiga yetkazilgan zararni qoplash uchun 99 mln. soʻm pullar Quyi Amudaryo davlat biosfera rezervati foydasiga oʻtkazib berildi. Jinoyat quroli deb deb topilib, Amudaryo tuman IIBda saqlanayotgan 2 dona ov miltiqlari Qoraqalpogʻiston Respublikasi IIV Xoʻjalik boʻlimiga oʻtkazildi.
Asqar Safarov, Jinoyat ishlari boʻyicha Amudaryo tuman sudi raisi.
(Illyustrativ foto)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
