YuRTIMIZ TINÇ-OSOYIŞTALIGINI MASʼULIYaT BILAN QÖRIQLAYMIZ
Har bir inson öz tuğilgan oilasini, kamolga yetgan Vatanini sevadi. Vatanining ravnaqi uçun xizmat qilişni, könglidagi sevgi-muhabbatini amalda namoyon etişni xohlaydi.
Mening harbiy xizmatçi bölişga ahd qilişimga ham yurtim tinçlik-osoyiştaligiga hissa qöşişga, uni köz qoraçiğiday asraşga intilişim sabab bölgan.
Donişmandlardan biri “Vatan bir boğdir, sodiq farzandlar bu boğni öz yurak qonlari ila suğormaklari darkor”, deganlarida naqadar haq edi.
Vatanga muhabbat, ayniqsa, çegaralar daxlsizligini saqlab, öz örnida yozning jaziramasi-yu, qişning qahratonlarida sobit turgan harbiy xizmatçilar könglida özgaça masʼuliyat uyğotadi, çegaralar daxlsizligiga özingni javobgar sezasan, bu – farzandlik burçing ekanligini sidqidildan his qilasan.
Mana, neça yildirki, men DXX Çegara qöşinlariga qaraşli harbiy qismda xizmat qilar ekanman, buni har soniya his qilib yaşayman.
Men bolaligimdan harbiy bölişni orzu qilgandim. Ota-onam ham mening bu intilişlarimni qöllab-quvvatlaşdi. Yaşirmayman, bolaligimda juda şöx edim, uyda ham, maktabda ham köp töpolon qilardim. Hozir öşa damlar yodimga tuşsa, şu qilgan xatolarim uçun ham yaxşi xizmat qilişim kerak, degan qarorga kelaman.
Vatan himoyasi – muqaddas burç. Bu burçni şaraf bilan uddalaş ham baxt. Yurtimiz çegaralari daxlsizligini qöriqlayotgan safdoşlarimga tolmas kuç-quvvat tilayman.
Murodjon Habibullayev, harbiy xizmatçi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶