XALQIMIZNING SANITARIYa MADANIYaTINI YuKSALTIRISh – ASOSIY VAZIFAMIZ
Oʻzbekiston Respublikasi Prezidenti Farmonlari, Vazirlar Mahkamasining Qarorlari va Sogʻliqni saqlash vazirligining meʼyoriy hujjatlari asosida Sanitariya-epidemiologiya xizmati takomillashtirilishi natijasida keyingi yillarda tumanimizda ushbu sohada ham qator ijobiy ishlar amalga oshirilmoqda.
Xususan, Oʻzbekiston Respublikasining “Aholining Sanitariya-epidemiologik osoyishtaligi toʻgʻrisida”gi Qonuni asosida aholining sanitariya-epidemiologik osoyishtaligi barqarorligini taʼminlash, tuman hududiga oʻta yuqumli, karantin infektsiyalarning kirib kelishi va tarqalishining oldini olish yuzasidan doimiy nazorat ishlari olib borilmoqda. SEO va JS boʻlimini malakali kadrlar bilan taʼminlash, moddiy-texnika bazasini yanada rivojlantirish, markaz binolari va laboratoriyalarini zamon talablari darajasida rekonstruktsiya qilish, jihozlash, elektron oʻlchov asbob-uskunalari bilan taʼminlab borish, axborot-kommunikatsiya tarmoqlaridan samarali foydalanish orqali axborot-almashinuvini tizimli ravishda olib borish kabi ustuvor vazifalarga eʼtibor qaratilmoqda.
Obʼektlarni qurish va ekspluatatsiya qilishda, ularni joylashtirishda aholi salomatligiga zararli taʼsir koʻrsatuvchi omillarning oldini olishga qaratilgan ogohlantiruvchi sanitariya nazoratini oʻtkazish, joriy sanitariya nazorati davomida atrof-muhit monitoringini, ochiq suv havzalari, atmosfera havosi va tuproqning har xil kimyoviy, biologik chiqindilar, turli zararli mikroblar, parazitar kasalliklar chaqiruvchilari bilan ifloslanishining oldini olishga qaratilgan chora-tadbirlar oʻz vaqtida amalga
oshirilmoqda.
Shuningdek, ichimlik suvi manbalari va inshootlari, kommunal, madaniy-maishiy xizmat koʻrsatish obʼektlarida, bolalar va oʻsmirlar muassasalarida, umumovqatlanish va savdo-sotiq obʼektlarida, sanoat va ishlab chiqarish korxonalarida sanitariya nazorati oʻtkazish yoʻli bilan sanitariya holatini yaxshilashga erishilmoqda.
Aholining toza ichimlik suvi bilan taʼminlanishini nazorat qilish va sanitariya madaniyatini oshirish, profilaktika yoʻli bilan har xil yuqumli kasalliklarning oldini olish, favqulodda vaziyat yuz berganda aholiga sanitariya-epidemiologik xizmat koʻrsatish, aholi orasida sanitariya madaniyatini targʻib qilish ishlarini kuchaytirish va taʼsir choralarini koʻrish orqali sanitariya-epidemiologik chora-tadbirlar olib borilmoqda. Bundan tashqari, boshqariladigan infektsiyalarga qarshi oʻtkazilayotgan profilaktik emlash ishlarining sifatli amalga oshirilishini taʼminlash va boshqariladigan infektsiyalarning qayd qilinishining oldini olish hamda aholi oʻrtasida yangi rejali emlash taqvimiga kiritilayotgan profilaktik emlash ishlarining ahamiyati va samaradorligini keng targʻib qilishga alohida eʼtibor qaratilayotgani oʻzining ijobiy samarasini bermoqda.
Aholining sanitariya-epidemiologik osoyishtaligi bilan bogʻliq muammoli masalalarini hal etishning yangicha “Mahallabay” ishlash tizimi tashkil etilgan boʻlib, sanitariya-epidemiologik osoyishtalik va jamoat salomatligi boʻlimi mutaxassislaridan iborat ishchi guruh vakillari ishtirokida aholi orasida mavsumiy kasalliklar, oʻtkir yuqumli oshqozon-ichak kasalliklari, botulizm va boshqa turdagi ovqatdan zaharlanishlar, virusli gepatitlar, oʻta xavfli yuqumli kasalliklar, parazitar gijja kasalliklarining profilaktikasi hamda ichimlik suviga qoʻyiladigan gigiyenik talablar toʻgʻrisidagi profilaktik tarqatma materiallari orqali sanitariya-targʻibot ishlari olib borilib, bu tadbirlarga keng jamoatchilik qamrab olinmoqda.
Men fursatdan foydalanib, aziz xalqimizni, hamkasblarimizni sogʻliqni saqlash xodimlari kuni bayrami bilan chin dildan tabriklayman va ularga mustahkam sogʻliq, kasbiy faoliyatlarida yutuqlar tilayman.
G.Bekiyev, tuman SEOvaJS boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
