GRIPP VA OʻTKIR RESPIRATOR VIRUSLI INFEKTsIYaLARNING OLDINI OLISh BOʻYIChA TARGʻIBOT TADBIRLARI OLIB BORILMOQDA
Gripp eng keng va tez tarqaladigan oʻtkir yuqumli kasallik hisoblanadi. Bu kasallik uchun mavsumiylik xos boʻlib, asosan, kuz va qish oylarida koʻp holatda roʻyxatga olinadi.
Amudaryo tumani Sanitariya-epidemiologik osoyishtalik va jamoat salomatligi boʻlimi tomonidan 2023-2024-yillar kuz-qish mavsumi oldidan gripp kasalligiga qarshi emlanishi lozim boʻlgan kontingentlar aniqlanib, gripp kasalligiga qarshi 15150 doza profilaktik vaktsina olib kelindi. Vaktsinalar tuman Tibbiyot birlashmasiga qarashli barcha koʻp tarmoqli markaziy poliklinikalar, oilaviy poliklinikalar, oilaviy shifokorlik punktlariga tarqatildi.
Ushbu vaktsinalar bilan 3100 nafar maktab oʻqituvchilari, 950 nafar maktabgacha taʼlim tashkilotlari tarbiyachilari, 1925 nafar tibbiyot xodimlari, 9175 nafar davlat maktabgacha taʼlim tashkilotlarida tarbiyalanuvchi bolalar, jami 15150 nafar aholini gripp kasalligiga qarshi emlash koʻzda tutilgan. Hozirgi kunda rejada belgilangan kontingentdan 12582 nafari, yaʼni 83 foizi toʻliq emlandi.
Tumanimizda gripp va oʻtkir respirator virusli infektsiyalarga chalinishning oldini olish maqsadida emlash ishlari davom ettirilmoqda. Chunki kasallik qanday boʻlishidan qatʼiy nazar, inson salomatligi va turmush farovonligiga jiddiy putur yetkazadi. Shu bois, salomatlikka boʻlgan masʼuliyatni chuqur his qilgan holda, mavsumiy kasalliklardan ehtiyot boʻlishni tavsiya qilamiz.
M.Amankulov, shifokor-epidemiolog
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
