TENGDOŞLAR XORIJIY TILLARNI ÖRGANIŞ BORASIDA SUHBATLAŞDI

Til bilgan – el biladi, deydi xalqimiz. Çindan-da xorijiy tillarni biliş kişiga köp imkoniyatlar yaratadi. Şuning uçun bugungi kunda yurtimizda kadrlar zimmasiga qöyiladigan asosiy talablardan biri çet tillarni mukammal bilişdir.

Şu boisdan ham mamlakatimizda xorijiy tillarni yoş avlodga örgatişga ulkan eʼtibor qaratilmoqda. Natijada yoşlarga bu borada yetarli şaroitlar yaratildi, öquv dasturlari va darsliklar zamon talablariga javob beradigan darajada mukammallaştirildi, taʼlim tizimining barça bosqiçlarida çet tillarni uzluksiz öqitiş yölga qöyildi. Şuningdek, öqituvçilar malakasini oşirişga, ularning orasida öz ustida işlaydigan, taʼlim berişda yutuqlarga erişayotganlarini rağbatlantirib boriş tizimi yölga qöyildi. Taʼlim sohasida izçil islohotlar olib borilayotgani tufayli çet tilini mukammal biladigan öquvçilar, pedagoglarga imtiyozlar, malaka sertifikatlari berilib, muntazam rağbatlantirib borilayotir.

Amudaryo tumanida bu borada olib borilayotgan saʼy-harakatlar tufayli öquvçilar orasida xorijiy tillarni örganişga qiziqiş tobora ortib borayotir.

7-oktyabr kuni tumanning Amir Temur nomli ovulida joylaşgan 4-sonli maktabda öquvçilarning ingliz tilini örganişga qiziqişlarini yanada oşiriş maqsadida “Biz ­– kelajak egalarimiz” deb nomlangan davra suhbati ötkazildi. Tadbir özbek va ingliz tillarida bölib ötdi. Unda 40-sonli maktabning ingliz tilini puxta özlaştirgan va asosiy fanlar olimpiadalarida muvaffaqiyatli iştirok etgan bir guruh öquvçilari, ingliz tili fani öqituvçisi Madina Jumaniyozova, mazkur maktab öqituvçilari, öquvçilari iştirok etdilar.

Tadbirni 4-sonli maktabning ona tili va adabiyoti fani öqituvçisi Gavhar Sobirova oçdi va özaro döstlik aloqalarini boğlaş, taʼlim olişda erişayotgan yutuqlari haqida suhbatlaşiş va tengqurlarini ham ingliz tilini çuqur örganişga daʼvat etiş maqsadida taşrif buyurgan öquvçilarga, ularning ustoziga va davra suhbati taşkilotçisi, mazkur maktab ingliz tili fani öqituvçisi Barçinoy Sobirovaga minnatdorçilik bildirdi.

Tadbirda ikkala maktab öquvçilari davra suhbati mavzusi yuzasidan ingliz tilida özaro muloqotga kirişdilar. Albatta, bugungi tezkor zamonamizga mos kadrlar bölib yetişiş, yurtimiz ravnaqiga hissa qöşiş uçun xorijiy tillarni örganiş juda muhim. Bu borada ingliz tilini biliş darajasi böyiça sertifikat olişga erişgan 40-sonli maktab öquvçilari Laylo Kamolova, Gulnoza Ilhomova, Feruza Hayitjonova, Iroda Norboyeva, Hilola Saʼdullayeva, Zarina Xöjaberganovalar özlarining ingliz tili örganişdagi ustozlarining fidoyiliklari, ota-onalarining qöllab-quvvatlaganliklari haqida, ilm olişda maşaqqatlardan çöçimaslik lozimligi haqida ingliz tilida gapirib berdilar va tengdoşlarini ham uşbu tilni çuqur örganişga daʼvat etdilar.

Madina Jumaniyozovaning kasbiy faoliyatiga doir, şogirdlarining erişayotgan yutuqlariga doir suhbatini öquvçilar ham, öqituvçilar ham qiziqib tingladilar. Taniqli öqituvçi öquvçilarni qiziqtirgan savollarga ham batafsil javoblar qaytardi.

Davra suhbati barça iştirokçilar uçun esda qolarli voqea böldi.

Oygul RAJABOVA