VETERINARIYa VA ChORVAChILIK SOHASI RIVOJLANMOQDA

Mamlakatimizda chorva mollari va parrandalar bosh sonini  oshirish, sohada veterinariya nazoratini kuchaytirish va veterinariya servis  xizmati  sifatini oshirish,  chorva mollarining  sogʻlom parvarishlanishini taʼminlash  boʻyicha ishlarni  samarali tashkil etish hamda oziq-ovqat mahsulotlari xavfsizligini taʼminlash borasida keng koʻlamli ishlar amalga oshirilmoqda.

Bugungi kunda tuman Veterinariya va chorvachilik  boʻlimida 36 nafar ishchi-xodim, shundan  7 nafar veterinariya mutaxassisi, 9ta boʻlinma mudiri faoliyat koʻrsatib kelmoqda.

Tumanda joriy yilning  8 oyi davomida  qoramolchilik yoʻnalishi boʻyicha barcha toifadagi xoʻjaliklarda chorva mollari bosh sonini oshirishga erishildi. Hozirgi kunda  170 ming 200 bosh qoramol parvarish qilinmoqda. Shundan 400 ming 900 bosh qoramol fermer xoʻjaliklari hissasiga toʻgʻri keladi. Barcha toifadagi xoʻjaliklarda 109 ming 400 bosh  qoʻy va echkilar boqilmoqda.

Asalarichilik  ham sohaning daromadli yoʻnalishlaridan biri. Keyingi yillarda mamlakatimiz aholisiga  sifatli asal yetishtirib berish borasida koʻpgina yutuqlar qoʻlga kiritilayapti. Joriy yilning oʻtgan davrida barcha toifadagi xoʻjaliklarda 142 ming 500 tonna shifobaxsh asal yetishtirildi. Bu oʻtgan yilning mos davriga nisbatan ancha koʻpdir. Baliqchilik yoʻnalishida 1 ming 100 tonna baliq yetishtirilgan boʻlsa, shundan 182 tonnasi fermer xoʻjaliklari hissasiga toʻgʻri keladi.

Shuningdek,  tumanda  parrandachilikni rivojlantirish va aholi xonadonlarida parranda boqishni tashkil qilish boʻyicha bir qator ishlar amalga oshirildi. Jumladan, hozirgi kunda barcha toifadagi xoʻjaliklarda oʻtgan yilga nisbatan parrandalar bosh soni 1 mln. 146 ming 900taga oshirildi.

Boʻlim tomonidan  amalga oshirilayotgan saʼy-harakatlar natijasida 5 ming 400 tonna goʻsht va sut mahsulotlari ishlab chiqarildi. 

Tumanimizda 2023-yilning 8 oyi davomida bir qancha  epizootik tadbirlar oʻtkazildi. Jumladan, fevral oyida quturish kasalligiga, may oyida gemorragik isitma kasalligiga, avgust oyida kuydirgi kasalligiga qarshi kurashish hamda oldini olish boʻyicha koʻrgazmali seminarlar tashkil etildi. Shuningdek,  hayvonlarni yuqumli kasalliklarga qarshi emlash ishlari yillik reja asosida davom ettirilmoqda.

Chorvachilikka ixtisoslashgan korxonalarni davlat tomonidan qoʻllab-quvvatlash maqsadida qoramolchilik yoʻnalishida 4ta loyiha uchun  jami qiymati 4 mlrd. 750 mln. soʻm, qoʻy va echkichilik boʻyicha  jami qiymati 500 mln. soʻm boʻlgan 4ta loyiha, baliqchilik boʻyicha qiymati  1 mlrd. 382 mln. soʻm boʻlgan 2ta loyiha, asalarichilik yoʻnalishi boʻyicha qiymati  559 mln. soʻm boʻlgan 11ta loyihalar  amalga oshirildi.

Hozirgi kunda asalarichilikni rivojlantirish maqsadida jami 444 mln. soʻm  tashab-buskorlarning  oʻz mablagʻi hisobidan 297ta asalari oilalari olib kelinib, parvarish qilinmoqda.

Tuman Veterinariya va chorvachilikni rivojlantirish boʻlimi mutaxassislari tomonidan qishloq xoʻjalik va uy hayvonlari orasida uchraydigan yuqumli, yuqumsiz va parazitar kasalliklarning oldini olish, aholining  chorvachilik mahsulotlariga boʻlgan ehtiyojini qondirish boʻyicha ham muayyan ishlar yoʻlga qoʻyilgan.

Tuman hokimligi Axborot xizmati.