ARXIV HUJJATLARINI ASRAB-AVAYLASh – MUSTAQIL VATANIMIZ VA XALQIMIZGA HURMAT IFODASIDIR

Qoraqalpogʻiston Respublikasi Amudaryo tumani davlat arxivida tuman halqining moddiy va maʼnaviy hayotini aks ettirgan qimmatli hujjatlar saqlanadi. Tarixiy-ilmiy va madaniy ahamiyatga ega boʻlgan milliy arxiv fondi doimiy ravishda arxiv hujjatlari bilan boyitib borilmoqda.

2006-yildan 2023-yilning shu davriga qadar sobiq sovet davri va mustaqillik davrlariga tegishli 237ta fond va ularda milliy arxiv fondi tarkibiga kiruvchi, doimiy saqlanadigan 20 ming 883ta muhim hujjatlar, shaxsiy tarkibga oid 14 ming 984ta, jami 35 ming 867 hujjatlar saqlanmoqda.

2023-yil yillik reja doirasida Milliy arxiv fondi hujjatlarning saqlovini taʼminlash boʻyicha 55 ta hujjatlarda taʼmirlash, 65 ta hujjatlarda muqovalash va tikish ishlari olib borildi.

Arxiv ishi, davlat saqlovidagi arxiv hujjatlarining saqlanish holati, arxiv muassasalarida zamonaviy axborot-kommunikatsiya texnologiyalarini joriy kilish, moddiy texnika bazasini yaxshilash buyicha 2023-yilning oʻtgan davrida Milliy arxiv fondi hujjatlaridan 107 ming 760ta kadr elektron nushasi yaratildi.

Milliy arxiv fondi hujjatlarining davlat hisobi ilmiy maʼlumotlar apparatini tashkil etish va rivojlantirish, fondlar va hujjatlarni qabul qilish boʻyicha 2023-yilning oʻtgan davri davomida doimiy va shaxsiy tarkibga oid 2ta fondga 150ta hujjat qabul qilindi.

Davlat arxivida saqlanayotgan hujjatlarning mavjudligini va xatlovini tashkil qilish boʻyicha 2023-yilning oʻtgan davri davomida 643dan ortiq hujjatlarning mavjudligi tekshirildi.

Amudaryo tumani davlat arxivida saqlanayotgan hujjatlar boʻyicha fuqarolarning ijtimoiy-huquqiy va mavzuli soʻrovlaridan jami 1 ming 564 ta murojaatlar elektron tarzda, qolganlari bevosita arxivga kelib murojaat qilingan soʻrovnomalardir.

Shulardan 1 ming 56 ta murojaat davlat xizmatlari markazlari orqali va 508tasi bevosita arxivning oʻziga kelib qilingan murojaatlar boʻlib, barcha murojaatlarga oʻz vaqtida javoblar berildi va zarur tushuntirish ishlari olib borildi.

2023-yilning 4-choragi rejasida davlat arxivida saqlanayotgan hujjatlarni mobil stelajlar bilan taʼminlash, kadrlar malakasini oshirish, 150 mingta hujjatlarning elektron nushalarini yaratish rejalashtirilmoqda. Chunki arxiv hujjatlarining yuqori aniqlikda va mukammal tarzda saqlanishi, avvalo mamlakatimiz, qolaversa, tumanimiz tarixiga hurmat, xalqimizning milliy-maʼnaviy qadriyatlariga eʼtibor va ragʻbatdir.

Yillar, asrlar oʻtaveradi lekin xalqimizning tarixiy xotirasini mamlakatimizning milliy-madaniy, iqtisodiy siyosiy hayotda tutgan oʻrnini belgilab beruvchi mezonlarni arxivlar kelgusi avlodga toʻla-toʻkis yetkazib beruvchi bugungi davr va kelajak oʻrtasidagi buyuk koʻprikdir. Shu bois, Amudaryo tuman davlat arxivida saqlanayotgan har bir hujjatni asrab-avaylash – bu mustaqil Vatanimiz tarixi va xalqimizga nisbatan hurmat va ehtirom ifodasidir.

B.JUMANIYaZOV, Qoraqalpogʻiston Respublikasi Amudaryo tumani davlat arxivi direktori.