9-may – Xotira va qadrlaş kuni munosabati bilan Amudaryo tumani hokimi Sultonboy Yöldaşevning barça amudaryoliklarga bayram tabrigi

Hurmatli vatandoşlar!

Qadrli mehnat faxriylari, aziz yurtdoşlar!

Avvalo, Siz azizlarni, sizning timsolingizda köpmillatli xalqimizni Xotira va qadrlaş kuni hamda Ikkinçi jahon uruşida erişilgan Ğalabaning 78 yilligi bilan çin qalbimdan tabriklayman! Barçangizga özimning yuksak hurmat-ehtiromim va ezgu tilaklarimni bildiraman.

Muhtaram faxriylar!

Bugungi şonli sanani biz doimo çeksiz quvonç va iztirob bilan nişonlaymiz. Vatan ozodligi uçun, hozirgi tinç-omon kunlar uçun jang maydonlarida halok bölgan ota-bobolarimizning, front ortida fidokorona mehnat qilgan yurtdoşlarimizning muqaddas xotirasini yod etib, oramizda yaşayotgan qahramonlarimizga hurmat bajo keltiramiz.

Maşʼum Ikkinçi jahon uruşi millionlab insonlar qatori kimningdir bobosi yoki buvisi, yana kimningdir ota-onasi yoki yaqinlarining bevaqt ölimiga sabab böldi. Olovli janglarda halok bölgan ajdodlarimizning tabarruk qoni, öz jonini xatarga qöyib yurtini asragan ota-bobolarimizning matonati, tunu-kun oromidan keçib, front ortida zahmat çekkan yurtdoşlarimizning peşona teri evaziga qölga kiritilgan Ğalaba barçamiz uçun qadrlidir. Bu yölda halok bölganlarning xotirasi qalbimizda abadiy, şu kunlarga yetgan tabarruk bobo va momolarimizning qadri esa hamma narsadan uluğdir!

Heç şubhasiz, oradan qança yillar, zamonlar ötmasin, faşizm ustidan qozonilgan Ğalabaning qadr-qimmati va ahamiyati tobora ortib boraveradi.

Insoniyat tarixidagi eng dahşatli bu uruşda öşa paytdagi jami 6 million Özbekiston aholisining 1 yarim milliondan ortiği qatnaşgan. Ularning yarim milliondan ziyodi jang maydonlarida halok bölişgan. 133 ming nafarga yaqini bedarak yöqolgan. 60 mingdan ortiq vatandoşimiz esa uruşdan nogiron bölib qaytgan.

Tumanimizdan esa 4 ming 344 nafar yurtdoşimiz uruşga qatnaşib, ularning 897 nafari jang maydonlarida halok bölgan bölsa, 1 ming 927 nafari bedarak yöqolgan hamda 1 ming 500 nafarga yaqini öz uylariga nogiron bölib qaytganlar.

Özbekiston ahli uruş hududlaridan köçirib keltirilgan 1 millionga yaqin insonga boşpana berib, öz nonini ular bilan baham körişdi. Ota-onasi, oilasidan judo bölgan 200 ming nafar begunoh bolalarni “Sen yetim emassan!” deb bağriga bosib, mehr-muruvvat körsatdilar.

Biz bu raqamlarni har yili 9-may sanasida qayta-qayta esga olamiz. Bular şunçaki oddiy raqamlar emas. Ularning zamirida muştipar onalarimiz, motamsaro momolarimiz, mard va jasur otalarimiz, butun xalqimizning qalbidagi çeksiz qayğu va hasrat mujassam.

Qadrli yurtdoşlar!

Uruş xalqimizning irodasini sinovdan ötkazdi. Ajdodlarimiz sinovli yillarda ham şaroit oğir bölişiga qaramay, asrlar oşa meros bölib kelayotgan Vatanga muhabbat, sadoqat tuyğularini yöqotmay, odamiylik namunasini körsatdi. Uyda qolgan xotin-qizlar, keksalar va bolalar qişloq xöjaligida, zavod va fabrikalarda keçayu kunduz mehnat qilib, özlari yemay, kiymay frontga jönatgan. Bu ham qahramonlik va jasorat namunasidir.

Bugungi tahlikali dunyoda yuz berayotgan voqealar barçamizni tinçlikning qadriga yetişga undaydi. Yaqin qöşnilarimiz bölgan davlatlarda sodir bölgan va davom etayotgan notinçliklar, dunyoning turli nuqtalarida bölayotgan uruşlar millionlab tinç aholini öz domiga tortib, şahar va qişloqlarning vayron bölişiga, yuz minglab aholi, ayniqsa begunoh gödaklarning hayotdan bevaqt köz yumişiga sabab bölmoqda. Bu uruşlar tinç aholi boşiga qanday oğir azob-uqubat va talofatlar, behisob qurbonlar olib kelganiga barçamiz guvoh bölmoqdamiz.

Albatta, uşbu mudhiş uruşlar oqibatlari bebaho neʼmat − tinçlikning qadriga yetişga, doimo huşyor va ogoh bölib yaşaşga, yoşlarimiz ongini buzğunçi ğoyalardan himoya qilib Vatanga sadoqat ruhida tarbiyalaşga çorlab turadi.

Aziz döstlar!

Mamlakatimizda keyingi yillarda barça sohalarda tub islohotlar amalga oşirilmoqda. Inson qadri va manfaati yölida amalga oşirilayotgan bu ulkan özgarişlar, boşqalarning havasini tortadigan yutuq hamda marralarga erişganimizning ortida uluğ neʼmat − tinçlik va osoyiştalik turibdi.

Tumanimizda amalga oşirilayotgan bunyodkorlik, obodonlaştiriş işlari ham şular jumlasidandir. Keyingi yillarda birgina Amudaryo tumanida yuzlab oilalar uçun möljallangan namunaviy loyihalar asosidagi arzonlaştirilgan uy-joylar, taʼlim va tibbiyot muassasalari, mahalla fuqarolar yiğinlarining, yuzlab yangi tadbirkorlik subʼektlarining binolari qörilib, foydalanişga topşirildi.

Aziz yurtdoşlar, muhtaram faxriylar!

Bugungi qutluğ ayyom − Xotira va qadrlaş kunida ota-bobolarimizning şonli anʼanalarini munosib davom ettirib, Vatan himoyasi yölida özini ayamasdan, fidokorona xizmat qilayotgan mard va jasur askarlarimizga, ofitser va posbonlarimizga tumanimiz ahli nomidan samimiy minnatdorçilik izhor etamiz. 

Fursatdan foydalanib, muhtaram faxriylarimizni, hamyurtlarimizni uşbu qutluğ bayram bilan yana bir bor muborakbod etaman.

Barçangizga tinçlik-omonlik, xonadonlaringizga qut-baraka tilayman. Yurtimiz tinç, osmonimiz musaffo bölsin!