BIZNING YOʻLIMIZ - ENG TOʻGʻRI YOʻL
2015-yil 17-yanvar kuni Prezidentimiz I.Karimovning Vazirlar Mahkamasining yil yakunlariga bagʻishlangan majlisidagi maʼruzasini teleekran orqali kuzatib, juda taʼsirlandim. Oʻzim iqtisodchi boʻlmasam-da, majlisda tilga olingan raqamlarni, oʻsish va oʻzgarish surʼatlarini tinglab, shu yurtda yashayotganimdan yana bir marta faxrlandim. Dunyoda hali-hamon moliyaviy inqiroz davom etayotgan bir paytda mamlakatimiz iqtisodiyotining barqaror yuqori oʻsish surʼatlari taʼminlanayotgani dunyoda "oʻzbek modeli” deya nom olgan milliy rivojlanish strategiyamiz naqadar toʻgʻri ekanining yana bir isbotidir.
Prezidentimiz iqtisodiy koʻrsatkichlar haqida gapirib, oʻtgan 2014-yilda foydalanishga topshirilgan, zamonaviy yuqori texnologiyalarga asoslangan yirik yangi obʼektlar haqida soʻzlar ekan, "Qoraqalpogʻiston Respublikasidagi "Mangʻit” masʼuliyati cheklangan jamiyati bazasida yiliga 5 ming tonna mahsulot chiqarish quvvatiga ega boʻlgan ip-kalava yigiruv korxonasi tashkil etildi”, deya alohida tilga olishi har bir amudaryolik qalbida faxr-iftixor tuygʻusini uygʻotgani sir emas.
Maʼruzada Prezidentimiz tomonidan keksa avlod vakillarini har tomonlama qoʻllab-quvvatlashga eʼtibor berish, ularga koʻrsatiladigan tibbiy va ijtimoiy xizmat darajasi va sifatini oshirish, tumanlar va mahallalarda qariyalarimiz uchun muloqot markazlari, ularning qiziqishlaridan kelib chiqqan holda, turli klublar tashkil etish, jismoniy tarbiya va sport bilan shugʻullanishlari uchun sharoitlar yaratish kabi masalalarni oʻz ichiga oladigan dastur ishlab chiqish vazifasini bergani xalqimizga xos ezgu fazilatlar, davlatimizning keksa avlod vakillariga boʻlgan ulkan eʼtibor va gʻamxoʻrligining yorqin ifodasi boʻldi va bundan biz – nuroniylarning koʻnglimiz yuksaldi.
Yurtboshimiz va davlatimizning bunday eʼtibor va gʻamxoʻrligidan bahramand boʻlayotganimiz bizga kuch-quvvat, tetiklik bagʻishlamoqda. Mustaqillik sharofati bilan yurtimizda yashovchi har bir nuroniy tinch-totuv, farzand-u nabiralar qurshovida baxtli hayot kechirmoqda. Bularning barchasi uchun Yaratganga shukronalar aytamiz, har tongda yurtimiz tinch, xalqimiz omon boʻlishini soʻrab duoga qoʻl ochamiz.
Bekman Allambergenov,
"Nuroniy” jamgʻarmasining tuman boʻlimi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
