Xalq deputatlari Amudaryo tumani Kengaşining 21-sessiyasi töğrisida axborot

2026-yil 5-iyun kuni Xalq deputatlari Amudaryo tumani Kengaşining navbatdagi 21-sessiyasi bölib ötdi. Sessiyada deputatlar, tuman hokimining örinbosarlari, tegişli taşkilot va idoralar rahbarlari, ekspert guruhi aʼzolari, mahalla fuqarolar yiğinlari raislari, xotin-qizlar faollari hamda ommaviy axborot vositalari vakillari iştirok etdilar.

Sessiya işini Xalq deputatlari Amudaryo tumani Kengaşi raisi Alişer Yöldaşev oçib berdi va olib bordi. Majlis Özbekiston Respublikasi hamda Qoraqalpoğiston Respublikasi davlat madhiyalari sadolari ostida boşlandi. Sessiya kotibligiga “8-Örta qalʼa” saylov okrugidan deputat Fotima Eşimbetova nomzodi deputatlar tomonidan bir ovozdan maʼqullandi.

Sessiya kun tartibiga kiritilgan birinçi masala böyiça tuman hokimining moliya, iqtisodiyot va kambağallikni qisqartiriş masalalari böyiça birinçi örinbosari – Iqtisodiyot va moliya bölimi boşliği Faxriddin Yusupov öz faoliyati hamda tuman mahalliy byudjetining 2026-yil 1-yanvar holatiga aniqlangan erkin qoldiq mablağlari hisobidan mablağ ajratiş töğrisida hisobot berdi.

Hisobotda qayd etilişiça, 2026-yilning yanvar–may oylarida iqtisodiyot tarmoqlarini rivojlantiriş, tadbirkorlikni qöllab-quvvatlaş, yangi iş örinlari yaratiş, aholi bandligini taʼminlaş va kambağallikni qisqartiriş böyiça tizimli işlar amalga oşirildi. Natijada 2026-yilning yanvar–aprel oylarida tumanda sanoat mahsulotlari hajmi 662,5 mlrd sömni taşkil etib, ösiş surʼati 102,8 foizga yetdi, xizmatlar hajmi 375,1 mlrd sömni taşkil qilib, ösiş surʼati 118,7 foizni taşkil etdi. Şuningdek, quriliş-pudrat işlari hajmi 140,7 mlrd sömga yetib, ösiş surʼati 109,2 foizni taşkil qildi, qişloq xöjaligi mahsulotlari hajmi esa 317,5 mlrd sömni taşkil etib, ösiş surʼati 101 foizga yetdi.

Sessiyaning kun tartibidagi navbatdagi masala, yaʼni tuman hokimining yoşlar siyosati, ijtimoiy rivojlantiriş va maʼnaviy-maʼrifiy işlar böyiça örinbosarining faoliyati yuzasidan hisobotni hokimlik boş mutaxassisi Ixtiyor Odilov öqib eşittirdi.

Maʼlum qilinişiça, 2025-yil yakuni böyiça tumandagi 14–30 yoş oraliğidagi 53 ming 369 nafar yoşlar xatlovdan ötkazilib, “Yoşlar balansi” şakllantirilgan. Natijalarga köra, ularning 37 ming 435 nafari “yaşil”, 15 ming 550 nafari “sariq” hamda 384 nafari “qizil” toifaga kiritilgan. “Yoşlar balansi” asosida aniqlangan 546 nafar işsiz yoşlar “oğir” toifaga kiritilib, ularga 29 nafar taşkilot rahbarlari biriktirilgan. Joriy yilning ötgan beş oyida uşbu toifadagi yoşlarning 356 nafari yoki 65,2 foizining bandligi taʼminlangan.

Şuningdek, hisobot davrida “Yoşlar daftari”ga kiritilgan 30 nafar yoşdan 28 nafarining tölov-kontrakt mablağlari hamda 2 nafarining ilm-fan yönalişidagi öquv kurslari xarajatlari qoplab berilgan.

Sessiyada tuman hokimining örinbosari – Investitsiyalar va taşqi savdo bölimi boşliği Hamza Xayitimbetovning ham hisoboti tinglandi.

Hisobotda taʼkidlanganidek, tumanda investitsiya muhitini yaxşilaş, tadbirkorlik subʼektlarini qöllab-quvvatlaş, işlab çiqariş va xizmat körsatiş sohalarini rivojlantiriş maqsadida qator investitsiya loyihalari amalga oşirilmoqda.

2026-yilda umumiy qiymati 545 mlrd sömlik 26 ta investitsiya loyihasini amalga oşiriş rejalaştirilgan bölib, ular doirasida 1 ming 115 ta yangi iş örni yaratiş hamda 26,8 mlrd sömlik mahsulot işlab çiqariş közda tutilgan. Amalga oşirilgan işlar natijasida hisobot davrida umumiy qiymati 12,8 mlrd sömlik 6 ta investitsiya loyihasi işga tuşirilib, natijada 56 ta yangi iş örni yaratilgan.

Sessiyada ijro etuvçi hokimiyat organlari, korxona va taşkilotlar rahbarlarining suv xöjaligi sohasidagi işlari holati yuzasidan ham axborot tinglandi. Mazkur masala böyiça “Qoraqalpoq suv taʼminoti” MÇJ Amudaryo tumani filiali boşliği Nariman Sabirov hisobot berdi.

Qayd etilişiça, Özbekiston Respublikasi Prezidentining 2024-yil 24-dekabrdagi qaroriga muvofiq Jumurtov şaharçasi hududida 7,1 kilometr uzunlikdagi yangi suv tarmoği qurilib, mahalladagi 174 ta xonadon markazlaşgan içimlik suvi bilan taʼminlanadi. Şuningdek, Prezidentning 2019-yil 9-apreldagi qarori asosida Osiyo taraqqiyot banki kredit mablağlari hisobidan tumanning içimlik suv taʼminotini yaxşilaş, Manğit suv tozalaş inşootini yangidan quriş loyihalari amalga oşirilmoqda.

“Amudaryo tumanining içimlik suv taʼminotini yaxşilaş” loyihasi doirasida qiymati 29,03 mln AQŞ dollari miqdorida tuzilgan şartnoma asosida 3 ta içimlik suvi obʼekti hamda 300 kilometrdan ortiq içimlik suvi tarmoqlarini quriş va rekonstruktsiya qiliş işlari olib borilmoqda.

Bundan taşqari, qiymati 12,98 mln AQŞ dollariga teng bölgan “Manğit” suv tozalaş inşootida ham quriliş-montaj işlari davom etmoqda. Mazkur loyihalar yakunida tumandagi isteʼmolçilarni markazlaşgan içimlik suvi bilan taʼminlaş darajasi 80 foizga yetkazilişi rejalaştirilgan.

Şundan söng Kengaşning Mahalliy byudjet, tadbirkorlikni rivojlantiriş va iqtisodiy islohotlar masalalari böyiça doimiy komissiya raisi Madamin Kazakovning axboroti tinglandi.

Maʼlum qilinişiça, 2026-yilning ötgan beş oyida komissiya tomonidan 11 ta yiğiliş ötkazilib, iqtisodiyot va tadbirkorlik sohasidagi masalalar bilan şuğullanuvçi korxona va taşkilotlar rahbarlarining hisobotlari tinglangan.

Şuningdek, doimiy komissiya tomonidan 27 ta masala dastlabki tartibda körib çiqilib, ular yuzasidan tegişli xulosalar berilgan hamda qarorlar qabul qilingan. Mazkur masalalar böyiça ekspert guruhi iştirokida sessiya qarorlari loyihalari işlab çiqilib, belgilangan tartibda sessiya muhokamasiga kiritilgan.

Sessiya davomida kun tartibidagi barça masalalar atrofliça muhokama qilinib, ular yuzasidan tegişli qarorlar qabul qilindi.