TANIQLI IJODKOR MAKTAB OʻQUVChILARI BILAN UChRAShDI
Maʼlumki, 2019-yilning mart oyida Oʻzbekiston Respublikasi Prezidenti tomonidan 5 ta muhim tashabbus ilgari surilgan edi. Bu tashabbuslar yoshlarni madaniyat, sanʼat va sportga keng jalb etish, ularda zamonaviy axborot texnologiyalaridan toʻgʻri foydalanish koʻnikmalarini shakllantirish, kitobxonlik madaniyatini yuksaltirish vazifalarini oʻz ichiga olgan edi.
Ayni kunda mamlakatimizning barcha joylarida, jumladan Amudaryo tumanida ham mana shu 5 ta muhim tashabbus doirasida belgilangan vazifalarni bajarish yuzasidan koʻlamli ishlar amalga oshirilmoqda.
Bu borada ayniqsa, 56-sonli maktabda olib borilayotgan ishlar kishini quvontiradi. Ayni kunda bu taʼlim muassasasida oʻquvchilarni kitobxonlikka, sanʼatga va sportga qiziqtirish maqsadida qator tadbirlar oʻtkazilmoqda.
Shunday tadbirlardan biri yaqinda Boyovul mahallasida istiqomat qilayotgan taniqli rassom va haykaltarosh, Oʻzbekiston xalq taʼlimi aʼlochisi Bozorboy Xolimbetov ishtirokida oʻtkazildi. Ushbu uchrashuv tadbirini maktabning ijodiy-madaniy masalalar boʻyicha targʻibotchisi Allambergan Jumaniyozov kirish soʻz bilan ochib, oʻquvchilarni rassom va haykaltarosh Bozorboy Xolimbetov bilan tanishtirdi hamda uning ijodiy faoliyati haqida gapirib berdi.
Shundan keyin Bozorboy Xolimbetov tasviriy va amaliy sanʼat hamda ularning turlari haqida maʼruza qildi. Ushbu maʼruzada tasviriy sanʼatning rangtasvir, mozaika, miniatyura, natyurmort, haykaltaroshlik, amaliy sanʼatning oʻymakorlik, naqqoshlik, zargarlik, zardoʻzlik, kashtachilik va gilamdoʻzlik turlari boʻyicha berilgan tushunchalar oʻquvchilarda katta taassurot qoldirdi.
Uchrashuv tadbirida maktabning 7-sinf oʻquvchilaridan Rayxon Toʻraboyeva, Umida Nurullayeva, Ruslan Olimboyev, Ruhshona Jumaboyeva va Goʻzaloy Shukurullayevalar soʻzga chiqishib, bu uchrashuv ularda tasviriy va amaliy sanʼatga boʻlgan qiziqishni yanada oshirgani haqida gapirdilar.
Uchrashuv tadbiri yakunida maʼnaviy-maʼrifiy ishlar boʻyicha maktab direktori oʻrinbosari Rohatoy Xudoyberganova soʻzga chiqib,maktabga tashrifi uchun taniqli rassom va haykaltarosh Bozorboy Xolimbetovga maktab jamoasi nomidan minnatdorchilik bildirdi.
Madina MUHAMMADSOLIYeVA, maktabning “Yosh jurnalistlar” toʻgaragi aʼzosi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
