MILLIY ARMIYaMIZ –TINChLIK HIMOYaChISI

Milliy Armiya–suveren Oʻzbekistonning metin qoʻrgʻoni. Xalqimiz tinch-osoyishtaligining mustahkam kafolati. Bu mamlakatimiz mustaqillikka erishgandan soʻng bosib oʻtgan tarixiy 23-yil davomida Oʻzbekiston Qurolli Kuchlarining shakllanishi bilan uzviy bogʻliq holda kechgan islohotlar jarayonida, yuksak taraqqiyot omillarida yaqqol namoyon boʻladi.Chunki, tinch va osoyishta yurtdagina rivojlanish boʻladi, yuksalish boʻladi.

Bugungi suveren Oʻzbekistonda barqaror taraqqiyotni, tinchlikni taʼminlab turgan Qurolli Kuchlarning harbiy va harbiy-texnikaviy jangovarlik darajasini zamon talablariga, ayniqsa, dunyoda yuz berayotgan har xil koʻrinishdagi tahdid kuchlariga qarshi tura oladigan tarzda shakllantirish maqsadida Qurolli Kuchlar Oliy Bosh Qoʻmondoni sifatida muhtaram Prezidentimiz I.A.Karimov rahbarligida olib borilayotgan Qurolli Kuchlar qurilishini isloh qilish sohasidagi ishlar nihoyatda keng qamrovlidir.

Biz suveren Oʻzbekistonning Qurolli Kuchlarini tashkil etish jarayonida harbiy qurilish sohasida meros boʻlib qolgan tajribadan toʻgʻridan-toʻgʻri nusxa koʻchirishdan voz kechib, aniq va real geostrategik va geosiyosiy sharoitni, zamonaviy urushlar va qurolli mojarolarning qanday xususiyatlarga ega ekanini har tomonlama hisobga oldik,-dedi muhtaram Prezidentimiz, Qurolli Kuchlar Oliy Bosh Qoʻmondoni I.A.Karimov oʻzining Oʻzbekiston Respublikasi Qurolli Kuchlari tashkil etilganining 23 yilligi munosabati bilan Vatan himoyachilariga yoʻllagan bayram tabrigida. – Markaziy Osiyo mintaqasida yuz berishi mumkin boʻlgan harbiy harakatlar teatrining oʻziga xos jihatlari tahlilidan kelib chiqib ish tutdik va shuningdek, oʻzimizning azaliy milliy fazilat va anʼanalarimizga tayandik.

Yurtboshimiz oʻz tabrigida Serjantlar maktabi tahsilini olgan yoshlarimiz shijoati, matonat va jasoratiga alohida baho berib: "Serjantlar soʻzda emas, amalda ofitserlarning eng ishonchli va yaqin yordamchisi hamda tayanchiga, askarlarimizning mehribon murabbiysiga aylandi”, -dedilar alohida ehtirom bilan.

Bugungi kunda mamlakatimiz bilan qoʻshni davlatlarning ayrimlarida vujudga kelayotgan vaziyatni hisobga olsak, xalqaro xavfsizlik va barqarorlikka tahdidlar tobora kengayib borayotgan bir sharoitda mamlakatimizda tinchlikni taʼminlashga juda katta hissa qoʻshayotgan Vatan himoyachilari har qanday hurmat va ehtiromga munosibdir. Qurolli Kuchlar Oliy Bosh Qoʻmondoni I.A.Karimov qayta-qayta taʼkidlaganlariday, davlatimiz tomonidan katta sharaf va ehtirom koʻrsatayotgan milliy armiyamiz ofitser va serjantlar tarkibidan tortib oddiy askargacha – barcha-barchamiz "Mintaqamizda va butun dunyoda murakkab va oldindan aytib boʻlmaydigan vaziyat vujudga kelgan bir sharoitda xushyor va ogoh boʻlish, erishilgan natijalardan xotirjamlik tuygʻusiga berilmasdan, Qurolli Kuchlarimizni yanada izchil isloh qilish boʻyicha qatʼiy harakatlarimizni davom ettirish, chegaralarimizda keskinlikni keltirib chiqarishi mumkin boʻlgan barcha urushlarning oldini olish” borasida masʼuliyat tuygʻusini har lahzada his etib yashashga burchli ekanimizni aslo unutmasligimiz kerak.

Zero, burchga sodiqlik – har qanday tahdid kuchlariga ogohlikdir. Ogohlik esa tajovuzkor harakatlarga oʻz vaqtida munosib zarba berishdir. Milliy armiyamizning bugungi salohiyati bunga qodir va xalqimiz oʻz Prezidenti.

rahnamoligida tanlagan yoʻl –eng adolatli –mamlakat va millat kelajagini koʻzlovchi yuksak taraqqiyot yoʻlidir. Bu yoʻldan xalqimizni hech qanday kuch ogʻdira olmaydi.

Robiya YOʻLDOShEVA,

jurnalist.

(Foto - http://www.uza.uz)