Amudaryo tuman hokimi Cultonboy Yöldaşevning 8-mart – Xalqaro xotin-qizlar kuni bayrami munosabati bilan barça ayol-qizlarga tabrigi

Aziz ayollar! Muhtarama onaxonlar, qadrli opa-singillar!

Avvalo, Siz azizlarni, sizlar orqali barça onaxonlarimiz, opa-singillarimiz, dilbar qizlarimizni ezgulik va gözallik bayrami – 8-mart – Xalqaro xotin-qizlar kuni bilan tuman hokimligi nomidan va öz nomimdan samimiy tabriklayman!

Insoniyat paydo bölganidan beri ayol zotiga özgaça hurmat-ehtirom körsatilib, uning nafosati, sadoqati, aql-zakovati hamda fidoyiligi yuksak qadrlanib keladi. Barça davrlar va zamonlarda ham jamiki xalqlar va millatlar ayolni uluğlab keladi. Oila va jamiyatning ustuni, xonadonimizning fayzi va fariştasi bölgan xotin-qizlarni eʼzozlaş, ularga hurmat va ehtirom körsatiş xalqimizning azaliy qadriyatiga aylangan. Çunki ayol bilan hayot gözal va mazmunli, xonadonlarimiz obod va nurafşondir.

Şu sababli ham yurtimizda xotin-qizlarni har tomonlama qöllab-quvvatlaş, onalik va bolalikni muhofaza qiliş, oilalar mustahkamligini taʼminlaş davlat siyosati darajasiga kötarilgan. Konstitutsiya va qonunlarimizda ham ayollarning örni va nufuzi alohida mustahkamlab qöyilgan. Muhtaram Prezidentimiz rahbarligida amalga oşirilayotgan inson qadrini uluğlaş, aholi uçun munosib turmuş şaroitini yaratiş, ehtiyojmand oilalarni qöllab-quvvatlaşdek ezgu işlardan ham ayol-qizlarimizni hayotdan rozi qilişdek olijanob maqsadlar közlangan.

Ayniqsa, “Ayollar daftari”, “Temir daftar”, “Yoşlar daftari” kabi ijtimoiy loyihalar doirasida millionlab ayol-qizlarimizning turmuş şaroitlarini yaxşilaş yölida amalga oşirilayotgan işlar eʼtirofga munosibdir. Birgina 2022-yilda tumanimizda “Ayollar daftari”ga kiritilgan ijtimoiy himoyaga muhtoj 3 803 nafar xotin-qizlarga yordamlar körsatildi. 87 nafar xotin-qizlarning uy-joylari homiylik hisobidan taʼmirlab berildi. Boquvçisini yöqotgan, yaşaş şaroiti oğir deb topilgan 56 nafar xotin-qizlarning ijara pullari uçun kompensatsiya ajratildi.

“Ayollar daftari” jamğarmasidan yetim yoki ota-onasining qaramoğidan mahrum bölgan 16 nafar, “Yoşlar daftari” jamğarmasidan oilaviy şaroitlari oğir bölgan 142 nafar xotin-qizlarning kontrakt pullari tölab berildi. Tuman Oila va xotin-qizlar bölimi tavsiyasi asosida 11 nafar xotin-qizlar Oliy taʼlim muassasalariga davlat granti asosida talabalikka qabul qilindi.

Bilib-bilmay jinoyat yöliga kirib qolgan 3 nafar xotin-qizlar Oila va xotin-qizlar bölimining kafilligi asosida qamoq jazosidan saqlab qolindi va soğlom turmuş tarziga qaytarildi. Bu kabi yuzlab misollar mamlakatimizda ayol-qizlarga berilayotgan eʼtiborning yorqin ifodasidir. Uşbu yönalişdagi işlar “Insonga eʼtibor va sifatli taʼlim yili” deya nomlangan joriy yilda ham uzluksiz davom ettiriladi.

Hurmatli onaxonlar, opa-singillar, munis ayollar!

Bugun barça sohalarda ilğor va jonkuyar ayollarimiz özlarning bor kuç-ğayrati bilan davlat ravnaqi va xalq farovonligiga munosib hissa qöşib kelmoqdalar. Iqtisodiy yoki ijtimoiy yönalişdagi qaysi sohani olib qaramaylik, öz kasbining haqiqiy egasi, öz işining bilimdoni bölgan faol ayollarni uçratişimiz mumkin.

Nuroniy momolarimizning pand-nasihatlarini, taʼlim-tarbiyasini olgan oqila va intiluvçan qizlarimiz esa ilm-fan çöqqilarini egallab, sportda, madaniyat va sanʼatda ulkan yutuqlarni qölga kiritmoqdalar.

Keçagina ana şunday iqtidorli qizlarimizdan biri yuksak davlat mukofoti bilan taqdirlanib, butun amudaryoliklarning quvonçiga sababçi böldi. Prezidentimizning 6-mart kungi qaroriga köra tumanimizdagi 35-sonli maktabning 11-sinf öquvçisi Samandarova Barno Tozaboy qizi Zulfiya nomidagi Davlat mukofoti bilan taqdirlandi.

Özining iqtidori, izlanuvçanligi, muhim ğoya va taşabbuslari, ibratli amaliy işlari va erişgan yutuqlari bilan yurtimiz yoşlariga örnak bölib kelayotgan Zulfiyaxonim izdoşlari qatoridan Amudaryo tumanining çekka ovulida tuğilib ösgan Barno Samandarovadek hamyurtimizning ham joy olgani barçamizga ğurur va faxr-iftixor bağişlaydi.

Fursatdan foydalanib, Barno Samandarovaning ota-onasi va yaqinlarini, öqituvçilari, ustoz va murabbiylarini farzandi va şogirdining uşbu yuksak davlat mukofotiga sazovor bölgani bilan çin qalbimdan tabriklayman! Barno kabi iqtidorli va intiluvçan qizlarimiz safi köpayaversin!

Muhtarama ayollar, qadrli opa-singillar!

Bugungi qutluğ sana – Xalqaro xotin-qizlar kuni bilan yana bir bora barçangizni tabriklab, Siz aziz va muhtarama ayol-qizlarimizga dunyodagi eng ezgu tilaklarni tilayman! Barçangizga oilaviy xotirjamlik, xonadonlaringizga tinçlik, fayzu baraka tilayman. Xalqimizning, davlatimizning, yaqinlaringizning ğamxörligi, mehru-muhabbati va ardoğida yaşaş baxti Sizni heç qaçon tark etmasin! Bayramingiz muborak bölsin, qadrli onaxonlar, aziz opa-singillar va dilbar qizlar!