OʻSIMLIKLARNI ZARARKUNANDALARDAN HIMOYa QILISh MASALALARGA DOIR SEMINAR TAShKIL ETILDI

Tosh yop ovuli hududidagi “Mang’it invest plyus” masʼuliyati cheklangan jamiyatiga qarashli issiqxonada Oʻsimliklar karantini va himoyasi agentligining Amudaryo tumani boʻlimi tomonidan issiqxonalarda yetishtirilayotgan sabzavot va oʻsimliklarni har xil zararkunandalardan himoya qilish masalalariga bagʻishlangan seminar tashkil etildi.

20-fevral kuni boʻlib oʻtgan mazkur seminar yigʻilishida Oʻsimliklar karantini va himoyasi agentligining tuman boʻlimi boshligʻi Komil Bobojonov, Boʻlimning kasalliklar, zararkunandalar, hashoratlar va begona oʻtlar tarqalishini prognoz qilish boʻyicha yetakchi mutaxassisi Nodirbek Oʻrozov, inspektor Murod Ibragimov, “Mang’it invest plyus” masʼuliyati cheklangan jamiyati rahbari Jalgʻas Boymurodov, agronom-entomologlar hamda tegishli mutaxassislar qatnashishdi.

Yigʻilish kun tartibida “Oʻsimliklar karantini toʻgʻrisida”gi Oʻzbekiston Respublikasi Oʻsimliklar karantini va himoyasi agentligining 2023-yil 27-yanvar kungi tegishli buyrugʻi ijrosini taʼminlash hamda 26-yanvardan 20-fevralga qadar boʻlgan muddat oraligʻida oʻtkazilgan “Dolzarb oʻn besh kunlik” tadbiri toʻgʻrisidagi masala koʻrildi.

Yigʻilishni Oʻsimliklar karantini va himoya agentligi tuman boʻlim boshligʻi Komil Bobojonov ochdi va olib bordi.

Taʼkidlanganidek, “Dolzarb oʻn besh kunlik” tadbiri davomida tsitrus muvalar va pomidor ekinlarining ashaddiy zararkunandasi boʻlgan “tsitrus oqqanoti”, “tsitrus inli kuyasi”, “pomidor kuyasi” kabi zararkunadalar hamda “pomidorning jigarrang bujmayish virusi”ini aniqlash, nazorat qilish hamda ularga qarshi keng qamrovli ommaviy kurashish ishlari va jamoatchilik oʻrtasida ularning kelib chiqishi, zararli oqibatlari haqida keng targʻibot-tashviqot ishlari tashkil etilgan.

Samarali tashkil etilgan “Dolzarb oʻn besh kunlik” davomida keng jamoatchilik oʻrtasida tsitrus va pomidor ekinlarining ashaddiy zararkunandasi boʻlgan “tsitrus oqqanoti”, “tsitrus inli kuyasi", “pomidor kuyasi” kabi zararkunandalar hamda “pomidorning jigarrang bujmayish virusi”ini aniqlashga doir yoʻl-yoʻriqlar, tavsiyalar berib borilgan.

Yigʻilishda mutaxassislar tomonidan oylik davomida tsitrus va meva-sabzovot ekinlari ekilgan maydonlarda zararkunanda va kasalliklarga qarshi fitosanitar choralar amalga oshirilganligi aytib oʻtildi. Har bir nazorat olib borilgan hududlardagi fermer va dehqon xoʻjaliklarining hamda tomorqalardagi issiqxonalarda ekilgan tsitrus mevalar va sabzavot ekinlari maydonlari toʻliq xatlovdan oʻtkazilgani, maydoni boʻyicha alohida hisobotlar yuritilgani toʻgʻrisida maʼlumotlar berildi.

Yigʻilish yakunida hududlarda amalga oshirilgan ishlar va “Dolzarb oʻn besh kunlik” yakunlari boʻyicha tegishli manzillarga hisobotlarni oʻz muddatida taqdim etish, shuningdek, oʻsimliklar zararkunandasi va kasalliklarga qarshi kurashish boʻyicha chora-tadbirlarni muntazam ravishda amalga oshirib borish, davom ettirish kerakligi taʼkidlandi. Bu boʻyicha muhim koʻrsatmalar, topshiriqlar berildi va kun tartibidagi masalalar yuzasidan tegishli qarorlar qabul qilindi.

Jurʼatbek Otajonov, Qoraqalpogʻiston Respublikasi Oʻsimliklar karantini va himoyasi agentligi tuman boʻlimining AKT boʻyicha mutaxassisi.