ЎСИМЛИКЛАРНИ ЗАРАРКУНАНДАЛАРДАН ҲИМОЯ ҚИЛИШ МАСАЛАЛАРГА ДОИР СЕМИНАР ТАШКИЛ ЭТИЛДИ
Тош ёп овули ҳудудидаги “Mang’it invest plyus” масъулияти чекланган жамиятига қарашли иссиқхонада Ўсимликлар карантини ва ҳимояси агентлигининг Амударё тумани бўлими томонидан иссиқхоналарда етиштирилаётган сабзавот ва ўсимликларни ҳар хил зараркунандалардан ҳимоя қилиш масалаларига бағишланган семинар ташкил этилди.
20 февраль куни бўлиб ўтган мазкур семинар йиғилишида Ўсимликлар карантини ва ҳимояси агентлигининг туман бўлими бошлиғи Комил Бобожонов, Бўлимнинг касалликлар, зараркунандалар, ҳашоратлар ва бегона ўтлар тарқалишини прогноз қилиш бўйича етакчи мутахассиси Нодирбек Ўрозов, инспектор Мурод Ибрагимов, “Mang’it invest plyus” масъулияти чекланган жамияти раҳбари Жалғас Боймуродов, агроном-энтомологлар ҳамда тегишли мутахассислар қатнашишди.
Йиғилиш кун тартибида “Ўсимликлар карантини тўғрисида”ги Ўзбекистон Республикаси Ўсимликлар карантини ва ҳимояси агентлигининг 2023 йил 27 январь кунги тегишли буйруғи ижросини таъминлаш ҳамда 26 январдан 20 февралга қадар бўлган муддат оралиғида ўтказилган “Долзарб ўн беш кунлик” тадбири тўғрисидаги масала кўрилди.
Йиғилишни Ўсимликлар карантини ва ҳимоя агентлиги туман бўлим бошлиғи Комил Бобожонов очди ва олиб борди.
Таъкидланганидек, “Долзарб ўн беш кунлик” тадбири давомида цитрус мувалар ва помидор экинларининг ашаддий зараркунандаси бўлган “цитрус оққаноти”, “цитрус инли куяси”, “помидор куяси” каби зараркунадалар ҳамда “помидорнинг жигарранг бужмайиш вируси”ини аниқлаш, назорат қилиш ҳамда уларга қарши кенг қамровли оммавий курашиш ишлари ва жамоатчилик ўртасида уларнинг келиб чиқиши, зарарли оқибатлари ҳақида кенг тарғибот-ташвиқот ишлари ташкил этилган.
Самарали ташкил этилган “Долзарб ўн беш кунлик” давомида кенг жамоатчилик ўртасида цитрус ва помидор экинларининг ашаддий зараркунандаси бўлган “цитрус оққаноти”, “цитрус инли куяси", “помидор куяси” каби зараркунандалар ҳамда “помидорнинг жигарранг бужмайиш вируси”ини аниқлашга доир йўл-йўриқлар, тавсиялар бериб борилган.
Йиғилишда мутахассислар томонидан ойлик давомида цитрус ва мева-сабзовот экинлари экилган майдонларда зараркунанда ва касалликларга қарши фитосанитар чоралар амалга оширилганлиги айтиб ўтилди. Ҳар бир назорат олиб борилган ҳудудлардаги фермер ва деҳқон хўжаликларининг ҳамда томорқалардаги иссиқхоналарда экилган цитрус мевалар ва сабзавот экинлари майдонлари тўлиқ хатловдан ўтказилгани, майдони бўйича алоҳида ҳисоботлар юритилгани тўғрисида маълумотлар берилди.
Йиғилиш якунида ҳудудларда амалга оширилган ишлар ва “Долзарб ўн беш кунлик” якунлари бўйича тегишли манзилларга ҳисоботларни ўз муддатида тақдим этиш, шунингдек, ўсимликлар зараркунандаси ва касалликларга қарши курашиш бўйича чора-тадбирларни мунтазам равишда амалга ошириб бориш, давом эттириш кераклиги таъкидланди. Бу бўйича муҳим кўрсатмалар, топшириқлар берилди ва кун тартибидаги масалалар юзасидан тегишли қарорлар қабул қилинди.
Журъатбек Отажонов, Қорақалпоғистон Республикаси Ўсимликлар карантини ва ҳимояси агентлиги туман бўлимининг АКТ бўйича мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
