TAʼLIM VA TARBIYa UYGʻUNLIGI – JAMIYaTNING YuTUGʻI

Shu bois, barcha zamonlarda ham bu masalaga alohida eʼtibor qaratilgan. Buyuk alloma Abdulla Avloniyning “tarbiya biz uchun yo hayot, yo mamot, yo najot, yo halokat, yo saodat yo falokat masalasidir”, degan fikri biz taʼlim sohasi xodimlari uchun haqiqiy dasturilamaldir. Shunday ekan, shaxsning inson boʻlib shakllanishida taʼlim va tarbiyaning rolini hech bir narsa bilan qiyoslab ham, oʻlchab ham boʻlmaydi. Bu muqaddas omillar zohiran bir boʻlib koʻrinsada, aslida ular alohida-alohida oʻziga hos mantiqiy vazifalarni ado etadi. Sir emas, bunda koʻproq taʼlimga eʼtibor qaratilgani barobarida, tarbiya uning soyasida qolib ketadi. Oʻtgan donishmand allomalarimiz birinchi navbatda tarbiyani ulugʻlab, taʼlimni tarbiya orqali amalga oshirishni targʻib qilishgan. Zamonaviy taʼlim-tarbiya ishida buni qanday amalga oshirish, bunga qanday mexanizm orqali erishish mumkinligi muammoligicha qolmoqda. Bu muammolarga yechim topish esa biz pedagoglarning asosiy vazifamizdir.

Taʼlim va tarbiya mazmunining uygʻunligi tamoyili – bu kishilarga bilim va tarbiya berish jarayonidan iborat boʻlib, bunda egallagan bilim va koʻnikmalarni hayotda qoʻllay olishi va intellektual hamda maʼnaviy jihatdan uygʻunlikda rivojlanishini taʼminlaydi.

Tarbiyali, maʼnaviyatli inson bugungi kun va kelajak haqida fikr yuritadi, kelgusi hayot va turmushning ravnaqi uchun oʻz hissasini qoʻshishga intiladi. Shunday ekan, buyuk alloma Muhammad Ismoil Al-Buxoriy hazratlarining: “Bolaning tabiati rivojlanishga moyil boʻladi, uni qanday gʻoyalar bilan toʻldirish ota-ona va ustozga bogʻliq”, degan qimmatli fikri biz pedagoglarning yosh avlodni har tomonlama yetuk va barkamol qilib tarbiyalashimizda faoliyatimiz davomida birdan-bir asos boʻlib xizmat qiladi.

G.Oʻrozmetova, 41-maktab oʻqituvchisi.