"OMIKRON"DAN GRIPPNI QANDAY FARQLASh MUMKIN?
Hozir dunyoning qator davlatlarida koronavirus pandemiyasining yangi toʻlqini bilan birga, gripp va OʻRVI epidemiyasi ham kuzatilmoqda. Shamollash bilan bogʻliq bu xastaliklar belgilari aksariyat hollarda “omikron” shtammi alomatlari bilan deyarli bir xil namoyon boʻlayapti.
"Omikron"ning yashirin muddati uzoqroq — 4-6 kun davom etadi. Burun oqishi, isitma esa boshqa oʻtkir respirator virusli infektsiyalarga xos.
Koronavirus natijasida ovqat hazm qilish tizimi faoliyati buzilishi mumkin. SOVID-19ning oʻrta va ogʻir bosqichlarida kasallikning 5-, 7-kunlariga kelib, tana harorati 38-39 darajadan oshishi, nafas yetishmovchiligi, hansirash paydo boʻlishi mumkin.
Yuqoridagi holatlar kuzatilgan bemorlar, albatta, shifokor qabuliga borishlari shart. Aniq tashxis qoʻyish uchun epidemiologik anamnez, PZR-test va boshqa tibbiy tahlillar natijalari talab etiladi. Shunga koʻra, mutaxassis tomonidan tegishli muolajalar buyuriladi.
Tegishli tekshiruv natijalariga koʻra, mutaxassis tomonidan xastalikning ogʻirlik darajasi va bemorning ahvoliga koʻra, statsionar yoki ambulator muolajalar belgilanishi mumkin. SOVID-19ning simptomsiz kechayotgan va yengil darajasida uy sharoitida davolanishga ruxsat beriladi. Uy sharoitidagi muolajalar kamida bir hafta davom etishi kerak. Antibiotiklarni oʻzboshimchalik bilan, retseptsiz va tartibsiz qabul qilish turli aʼzolar faoliyatini izdan chiqarishi va hatto bemorlar oʻlimiga sabab boʻlishi mumkin.
Eng samarali profilaktik chora sifatida esa koronavirusga qarshi oʻz vaqtida, toʻliq bosqichda va buster dozada emlanishni tavsiya etamiz.
Mirzabek Amankulov,
tuman SEOvaJSB oliy toifali epidemiolog-shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
