QIShLOQ XOʻJALIGIGA MOʻLJALLANMAGAN YeRLAR UChUN YeR SOLIGʻI STAVKALARI BELGILANDI

Oʻzbekiston Respublikasi Moliya vazirligi tomonidan 2022-yilning 9-dekabrida Respublika hududlarida 2023-yil uchun jismoniy va yuridik shaxslarning qishloq xoʻjaligiga moʻljallanmagan yerlari boʻyicha yer soligʻi stavkalarining bazaviy miqdorlari belgilab berilgan. Qoraqalpogʻiston Respublikasida joylashgan hududlarga jismoniy shaxslar uchun 1 kv.metr 286 soʻm, yuridik shaxslar uchun 1 ga yer 31 mln. soʻmdan belgilangan.

Qoraqalpogʻiston Respublikasi Joʻqorgʻi Kengesi tomonidan Amudaryo tumaniga jismoniy shaxslarga 1 kv.metr uchun bazaviy stavka 207,9 soʻm (shundan, tuman markaziga 207,9 soʻm, qishloq joylarga 0,7 koeffitsiyent qoʻllanilib, 145,53 soʻm), yuridik shaxslarga 1 ga yer uchun bazaviy stavka 25 mln. 100 ming soʻm (shundan, tuman markaziga 0,85 koeffitsiyent qoʻllanilib, 21 mln. 335 ming soʻm, qishloq joylarga 0,7 koeffitsiyent qoʻllanilib 17 mln. 570 ming soʻm) stavkalari taklif qilingan.

Yuqoridagilardan kelib chiqib, tumanimiz markazida joylashgan hududlar – A.Navoiy nomli, Beruniy nomli, Boy ovul, Boʻston, Gulzor, Durunki, Doʻstlik, Oybek nomli, Olmazor, Farovon, Chordara hamda Yangiobod mahallalari uchun jismoniy shaxslar yer soligʻiga 0,95 koeffitsiyent qoʻllangan holda 1 kv.metr yer uchun 197,5 soʻm, yuridik shaxslarga yer soligʻi 1 ga uchun 0,85 koeffitsiyent qoʻllanilib, 21  mln. 335 ming soʻm boshqa hududlar uchun 0,7 koeffitsiyent qoʻllagan holda jismoniy shaxslar yer soligʻi uchun 1 kv. metr yerga 145,53 soʻm, yuridik shaxslar yer soligʻi uchun 1 ga yerga 17 mln. 570 ming soʻm qilib belgilandi. Bunda soliq stavkalari belgilanishida kamaytiruvchi koeffitsiyentlar  qoʻllanilgani aholi uchun soliq toʻlovlari yuki kamayishiga xizmat qiladi.

A.Seitov, tuman DSI boshligʻi.