ELNING FAXRI BOʻLIB YuRING, FAXRIDDIN!
Issiq jon isitmasiz boʻlmas, deyishadi. Inson yoshi ulgʻaygan sari bu hikmatning mazmun-mohiyatini oʻz tanasida kechayotgan oʻzgarishlar orqali his qilib, anglab boraverarkan. Yaqinda men ham ogʻir dard bilan olishganimda buni yaqqol his etdim.
“Men sogʻlomman”, deyishdan oldin oʻz vujudingda yuz berayotgan keksalikka xos oʻzgarishlarga sal eʼtiborliroq boʻlish kerakligini bemor boʻlgach tushundim.
Meni nevrolog-endokrinolog qabuliga olib borishdi. Ahvolimni yaxshilab tekshiruvdan oʻtkazgan endokrinolog shifokor Faxriddin Ibodullayev:
- Raʼnojon opa, biz uch tarafmiz, siz, men va kasallik, - dedi muloyimlik bilan. – Xuddi mashhur rus masalchisi Krilov yozganidek, uchalamiz birlashsak, yutamiz, aksincha boʻlsa, yutqazamiz.
Men Faxriddinning barcha tavsiyalariga amal qilib, tez kunda ogʻir darddan xalos boʻldim. U meni nafaqat dori-darmon, balki odamning koʻnglini oʻstirib yuboradigan shirin muomalasi bilan ham davoladi. Uning bemorlarga boʻlgan munosabati, shifokorlik etikasi va madaniyatidan mamnun boʻldim. Toʻgʻrisi, oʻzimizning Mangʻit shahrida ham shunday iqtidorli, tajribali shifokorlar borligidan quvondim. Ayrim yurtdoshlarimizning dardlariga shifo izlab, olis-olis yurtlarga, Toshkent-u vodiy viloyatlariga borib, ortiqcha mablagʻ sarflab yurganlarini oʻylab, toʻgʻrisi, achindim.
Oldingdan oqqan suvning qadri boʻlmas, deganlaridek, Faxriddin Ibodullayev kabi shifokorlarimizning qadr-qimmatini joyiga qoʻyish, ijtimoiy tarmoqlarda tinimsiz targʻibot qilinayotgan ayrim tabib va shifokorlarning nayranglariga uchmasdan, aql bilan ish yuritishimiz kerak, azizlar. Toʻgʻrisini aytay, mingta “Guanjou” kabi soxta klinikalardan birgina Faxriddin Ibodullayev kabi bilimdon, salohiyatli shifokor afzal, shunday emasmi?
Shaxsan men bu shifokorning muolaja usulidan ham, odamgarchiligidan ham minnatdorman. Qoʻlingiz aslo dard koʻrmasin, elning faxri boʻlib yuring, Faxriddin.
Raʼno Olloyorova, Oʻzbekiston MFY.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
