ЭЛНИНГ ФАХРИ БЎЛИБ ЮРИНГ, ФАХРИДДИН!
Иссиқ жон иситмасиз бўлмас, дейишади. Инсон ёши улғайган сари бу ҳикматнинг мазмун-моҳиятини ўз танасида кечаётган ўзгаришлар орқали ҳис қилиб, англаб боравераркан. Яқинда мен ҳам оғир дард билан олишганимда буни яққол ҳис этдим.
“Мен соғломман”, дейишдан олдин ўз вужудингда юз бераётган кексаликка хос ўзгаришларга сал эътиборлироқ бўлиш кераклигини бемор бўлгач тушундим.
Мени невролог-эндокринолог қабулига олиб боришди. Аҳволимни яхшилаб текширувдан ўтказган эндокринолог шифокор Фахриддин Ибодуллаев:
- Раъножон опа, биз уч тарафмиз, сиз, мен ва касаллик, - деди мулойимлик билан. – Худди машҳур рус масалчиси Крилов ёзганидек, учаламиз бирлашсак, ютамиз, аксинча бўлса, ютқазамиз.
Мен Фахриддиннинг барча тавсияларига амал қилиб, тез кунда оғир дарддан халос бўлдим. У мени нафақат дори-дармон, балки одамнинг кўнглини ўстириб юборадиган ширин муомаласи билан ҳам даволади. Унинг беморларга бўлган муносабати, шифокорлик этикаси ва маданиятидан мамнун бўлдим. Тўғриси, ўзимизнинг Манғит шаҳрида ҳам шундай иқтидорли, тажрибали шифокорлар борлигидан қувондим. Айрим юртдошларимизнинг дардларига шифо излаб, олис-олис юртларга, Тошкент-у водий вилоятларига бориб, ортиқча маблағ сарфлаб юрганларини ўйлаб, тўғриси, ачиндим.
Олдингдан оққан сувнинг қадри бўлмас, деганларидек, Фахриддин Ибодуллаев каби шифокорларимизнинг қадр-қимматини жойига қўйиш, ижтимоий тармоқларда тинимсиз тарғибот қилинаётган айрим табиб ва шифокорларнинг найрангларига учмасдан, ақл билан иш юритишимиз керак, азизлар. Тўғрисини айтай, мингта “Гуанжоу” каби сохта клиникалардан биргина Фахриддин Ибодуллаев каби билимдон, салоҳиятли шифокор афзал, шундай эмасми?
Шахсан мен бу шифокорнинг муолажа усулидан ҳам, одамгарчилигидан ҳам миннатдорман. Қўлингиз асло дард кўрмасин, элнинг фахри бўлиб юринг, Фахриддин.
Раъно Оллоёрова, Ўзбекистон МФЙ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
