MAHORATLI USTOZ
Agar öqituvçi mahoratli bölsa, har qanday fanni öquvçilar ongiga adabiyot, şeʼriyat darajasida singdira oladi. Amudaryo tumanidagi 6-sonli umumtaʼlim maktabining kimyo fani öqituvçisi Aqljon Seytmurodova ana şunday mahorat sohibasi edi. Uning kimyoviy reaktsiyalar, Mendeleyev davriy tizimidagi elementlar haqidagi biri-biridan qiziqarli dars-maşğulotlarini har bir öquvçisi alohida qiziqiş bilan özlaştirişardi. Rufat Şomurodov esa ustozi kabi kimyo fani öqituvçisi böldi.
Umumtaʼlim maktabida aʼlo ba-holarga öqigan Rufat 1999-yilda Berdaq nomidagi Qoraqalpoq dav-lat Universitetining kimyo fakul-tetini muvaffaqiyatli tamomladi. U ilk iş faoliyatini 1999-yilda 45-sonli maktabning kimyo fani öqituvçisi sifatida boşladi.
Yoş va bilimdon mutaxassis hamişa talabgir böladi. U 2003-yildan öz faoliyatini özi tahsil olgan 6-sonli maktabda davom ettirdi. Mana, 22-yildirki, R.Şo-murodov nafaqat 6-sonli maktab öquvçilarining sevimli ustozi, balki maktab pedagogika jamoa-sida öz şaxsiy fikriga, iş uslubiga ega tajribali öqituvçi sifatida obrö-eʼtibor topdi.
R.Şomurodovning har bir dars-maşğuloti öquvçilar uçun qizi-qarli taassurotlarga boy, maroqli ötadi. U mavzuni darslikda qanday bölsa, şunday ötmaydi, har bir mav-zuni atrofimizdagi olam bilan, hayot bilan boğliq ravişda tuşun-tiriş orqali öquvçilar ongida öz faniga nisbatan mehr va qiziqiş uyğotadi.
Öqituvçining mahorati, bilim va salohiyati şogirdlari kamolida aks etib turadi. Şu nuqtai nazardan qaraganda R.Şomurodovning öqituv-çilik faoliyati havas va ehtiromga munosib. Uning öquvçilari orasi-da bilimlar bellaşuvining tuman bosqiçi ğoliblari, mazkur bel-laşuvning Respublika bosqiçi iş-tirokçilari va sovrindorlari bor.
R.Şomurodovning şogirdlari orasida kimyo fani öqituvçilari, tibbiyot sohasining fidoyilari, farmatsevtika sanoati bilim-donlari talaygina. Ayni paytda Toşkent Tibbiyot akademiyasining 4-5-bosqiçlarida taʼsil olayotgan sobiq öquvçilari Rufat bilan tez-tez telefon orqali boğlanib, kimyo faniga oid ayrim masalalarda maslahatlar olişadi.
– Kimyo fani kirib bormagan sohaning özi yöq, – deydi Rufat bölğusi şifokor şogirdlarining yutuqlari haqida sözlarkan. – Ayniqsa, tibbiyot sohasida bu fan har kuni, har soatda zarur. Dorişunoslikda esa kimyo fanini öta kuçli biliş talab etiladi.
2020-2021 öquv yilida Rufatning bir yöla 9 nafar öquvçisi OTM talabalari bölişdi. Quvonarlisi şundaki, ulardan 5 nafari Tibbiyot institutiga, 4 nafari esa peda-gogika institutining kimyo fakultetiga öqişga qabul qilindilar.
– Xudo xohlasa, Bobur nomli qiş-loğimizga yana bir neça yildan söng bir vaqtning özida 5 nafar oliy maʼlumotli şifokor, 4 nafar kimyo fani öqituvçilari OTMlarni bitirib kelişadi, – deydi mamnuniyat bilan Rufat.
Rufat nafaqat malakali öqituvçi, balki oilaparvar ota, mulohazali umr yöldoşi – baxtli oila sohibi. Umr yöldoşi Bahor Rajabova ham pedagog. 6-sonli maktabning malakali matematika fani öqituvçisi. Uç nafar farzandni aqlli, intiluvçan insonlar qilib tarbiyalaşda biri-biriga yelkadoş va hamfikr. Mehr-muhabbat, özaro hurmat hokim bölgan bu baxtiyor oila tarbiyasini olgan bir öğil va ikki qiz 6-sonli maktabning eng aʼloçi, intizomli öquvçilari.
Umumxalq bayrami – 1-oktyabr – Öqituvçi va murabbiylar kuni arafasida R.Şomurodovni yöqlovçi şogirdlari orasida öz kasbiy fao-liyati bilan elga manzur bölayotgan şifokorlar, öqituvçilar, turli kasb egalari köp böladi. El-yurt uçun qilgan mehnati şogirdlari timsolida elga manzur bölayotgani-ni körib, his etiş ustoz uçun baxt. Rufat Şomurodov ana şunday baxt sohibi.
Robiya YÖLDOŞEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
