Fidoyi ustoz Farhod Bekçanovning 60 yillik yubileyi nişonlandi

Jamiyat taraqqiyoti va millatning porloq kelajagi fidoyi ustozlar, öz kasbiga mehr qöygan muallimlarning maşaqqatli mehnati bilan çambarças boğliq. Yoş avlod qalbiga ilm-fan ziyosini taratadigan, ularni vatanparvarlik va insonparvarlik ruhida tarbiyalaydigan ustozlar har doim xalqimizning çeksiz ehtiromi va yuksak ardoğida bölib kelgan. Oramizdagi ana şunday fidoyi insonlarning mehnatini eʼtirof etiş maqsadida öqituvçilikdek şarafli va masʼuliyatli kasb egalaridan biri, öz umrini yoşlar taʼlim-tarbiyasiga bağişlagan Farhod Bekçanovning 60 yillik yubileyi munosabati bilan katta tadbir taşkil qilindi.

Amudaryo tumanidagi Uyşin mahallasi hududida joylaşgan 75-umumtaʼlim maktabida ötkazilgan uşbu tadbir nafaqat bir insonning qutluğ yoşini nişonlaş, balki köp yillik halol mehnat, ustozlik maqomiga körsatilgan yuksak ehtiromning yorqin namunasi böldi.

Taʼkidlaş joizki, Farhod Bekçanov şu maktabning özida 37-yil davomida boşlanğiç taʼlim öqituvçisi bölib faoliyat yuritgan. 37 yillik faoliyat bu – minglab murğak qalblarga ilk harflarni tanitgan, ularning qöliga qalam tutqazib, hayotning katta oqimlari sari yöllagan beminnat mehnat demakdir.

Farhod Bekçanovning bosib ötgan hayot yöli faqatgina maktab va taʼlim beriş maşaqqatlari bilan çegaralanib qolmaydi. Bu fidoyi öqituvçi harbiy xizmatni Afğonistonda ötab, Afğon uruşida iştirok etib, yigitlik burçini mardonavor bajargan haqiqiy jasorat egasidir. Uruşning oğir va suronli yillari uning irodasini tobladi, tinçlikning qadrini va musaffo osmonning neçoğlik uluğ neʼmat ekanligini çuqur his qilişga örgatdi. Aynan şu hayotiy tajriba va qatʼiyat keyinçalik uning öqituvçilik faoliyatida, öquvçilarga vatanparvarlik tuyğularini singdirişida muhim poydevor bölib xizmat qildi.

Tantanali tadbirda Özbekiston Veteran va faxriylar birlaşmasi Qoraqalpoğiston Respublikasi bölimining Amudaryo tumani böyiça vakili Bahodir Jumaniyozov iştirok etib, ustozning yoş avlodni maʼnaviy yetuk va haqiqiy vatanparvar qilib voyaga yetkazişdagi ulkan hissasini alohida eʼtirof etdi. Uşbu fidokorona mehnatlarining munosib eʼtirofi sifatida Farhod Bekçanovga “Yoşlarni vatanparvarlik ruhida tarbiyalaş uçun” kökrak nişoni, yaʼni maxsus medal tantanali ravişda topşirildi. Bunday yuksak mukofot ustozning taʼlim sohasidagi köp yillik maşaqqatli va şarafli yöliga berilgan eng adolatli va haqli baholardan biri böldi.

Tadbir davomida sözga çiqqan mehmonlar va hamkasblar ustozning insoniy fazilatlari, kasbiga bölgan sadoqati haqida iliq fikrlarni bildirib ötdilar. Xususan, Uyşin mahalla fuqarolar yiğini raisi Rustam Rajabov va tadbirda iştirok etgan faxriylar hamda jamoatçilik vakillari sözga çiqib, özlarining samimiy tabriklarini va eng ezgu tilaklarini izhor qildilar.

Yiğilişda maktabning yuqori sinf öquvçilari ham faol iştirok etib, özlarining sevimli ustozlarini qutluğ 60 yoşlik yubileyi va yuksak mukofot bilan qutlaşdi. Ularning yuzlaridagi quvonç va közlaridagi minnatdorçilik hissi ustoz mehnatining öziga xos aks-sadosi, yillar davomida qilingan mehnatning şirin mevasi böldi.

Tantanali marosim söngida köp yillik tajribaga ega, fidoyi muallim Farhod Bekçanov sözga çiqib, öziga körsatilgan bunday yuksak eʼtibor va ehtirom uçun barça yiğilganlarga, taşkilotçilarga va jamoatçilikka özining çeksiz minnatdorçiligini bildirdi.

Bu kabi maʼnaviy-maʼrifiy tadbirlar jamiyatimizda ustoz va murabbiylarga bölgan hurmat-eʼtiborning tobora ortib borayotganligini, ularning halol mehnati heç qaçon eʼtibordan çetda qolmasligini yana bir bor namoyon etadi. Zero, millat kelajagini yaratuvçi insonlarning qadri baland bölgan yurtda yuksaliş, maʼnaviyat va taraqqiyot bardavom böladi.