МАҲОРАТЛИ УСТОЗ
Агар ўқитувчи маҳоратли бўлса, ҳар қандай фанни ўқувчилар онгига адабиёт, шеърият даражасида сингдира олади. Амударё туманидаги 6-сонли умумтаълим мактабининг кимё фани ўқитувчиси Ақлжон Сейтмуродова ана шундай маҳорат соҳибаси эди. Унинг кимёвий реакциялар, Менделеев даврий тизимидаги элементлар ҳақидаги бири-биридан қизиқарли дарс-машғулотларини ҳар бир ўқувчиси алоҳида қизиқиш билан ўзлаштиришарди. Руфат Шомуродов эса устози каби кимё фани ўқитувчиси бўлди.
Умумтаълим мактабида аъло ба-ҳоларга ўқиган Руфат 1999 йилда Бердақ номидаги Қорақалпоқ дав-лат Университетининг кимё факуль-тетини муваффақиятли тамомлади. У илк иш фаолиятини 1999 йилда 45-сонли мактабнинг кимё фани ўқитувчиси сифатида бошлади.
Ёш ва билимдон мутахассис ҳамиша талабгир бўлади. У 2003 йилдан ўз фаолиятини ўзи таҳсил олган 6-сонли мактабда давом эттирди. Мана, 22 йилдирки, Р.Шо-муродов нафақат 6-сонли мактаб ўқувчиларининг севимли устози, балки мактаб педагогика жамоа-сида ўз шахсий фикрига, иш услубига эга тажрибали ўқитувчи сифатида обрў-эътибор топди.
Р.Шомуродовнинг ҳар бир дарс-машғулоти ўқувчилар учун қизи-қарли таассуротларга бой, мароқли ўтади. У мавзуни дарсликда қандай бўлса, шундай ўтмайди, ҳар бир мав-зуни атрофимиздаги олам билан, ҳаёт билан боғлиқ равишда тушун-тириш орқали ўқувчилар онгида ўз фанига нисбатан меҳр ва қизиқиш уйғотади.
Ўқитувчининг маҳорати, билим ва салоҳияти шогирдлари камолида акс этиб туради. Шу нуқтаи назардан қараганда Р.Шомуродовнинг ўқитув-чилик фаолияти ҳавас ва эҳтиромга муносиб. Унинг ўқувчилари ораси-да билимлар беллашувининг туман босқичи ғолиблари, мазкур бел-лашувнинг Республика босқичи иш-тирокчилари ва совриндорлари бор.
Р.Шомуродовнинг шогирдлари орасида кимё фани ўқитувчилари, тиббиёт соҳасининг фидойилари, фармацевтика саноати билим-донлари талайгина. Айни пайтда Тошкент Тиббиёт академиясининг 4-5-босқичларида таъсил олаётган собиқ ўқувчилари Руфат билан тез-тез телефон орқали боғланиб, кимё фанига оид айрим масалаларда маслаҳатлар олишади.
– Кимё фани кириб бормаган соҳанинг ўзи йўқ, – дейди Руфат бўлғуси шифокор шогирдларининг ютуқлари ҳақида сўзларкан. – Айниқса, тиббиёт соҳасида бу фан ҳар куни, ҳар соатда зарур. Доришуносликда эса кимё фанини ўта кучли билиш талаб этилади.
2020-2021 ўқув йилида Руфатнинг бир йўла 9 нафар ўқувчиси ОТМ талабалари бўлишди. Қувонарлиси шундаки, улардан 5 нафари Тиббиёт институтига, 4 нафари эса педа-гогика институтининг кимё факультетига ўқишга қабул қилиндилар.
– Худо хоҳласа, Бобур номли қиш-лоғимизга яна бир неча йилдан сўнг бир вақтнинг ўзида 5 нафар олий маълумотли шифокор, 4 нафар кимё фани ўқитувчилари ОТМларни битириб келишади, – дейди мамнуният билан Руфат.
Руфат нафақат малакали ўқитувчи, балки оилапарвар ота, мулоҳазали умр йўлдоши – бахтли оила соҳиби. Умр йўлдоши Баҳор Ражабова ҳам педагог. 6-сонли мактабнинг малакали математика фани ўқитувчиси. Уч нафар фарзандни ақлли, интилувчан инсонлар қилиб тарбиялашда бири-бирига елкадош ва ҳамфикр. Меҳр-муҳаббат, ўзаро ҳурмат ҳоким бўлган бу бахтиёр оила тарбиясини олган бир ўғил ва икки қиз 6-сонли мактабнинг энг аълочи, интизомли ўқувчилари.
Умумхалқ байрами – 1 октябрь – Ўқитувчи ва мураббийлар куни арафасида Р.Шомуродовни йўқловчи шогирдлари орасида ўз касбий фао-лияти билан элга манзур бўлаётган шифокорлар, ўқитувчилар, турли касб эгалари кўп бўлади. Эл-юрт учун қилган меҳнати шогирдлари тимсолида элга манзур бўлаётгани-ни кўриб, ҳис этиш устоз учун бахт. Руфат Шомуродов ана шундай бахт соҳиби.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
