Amudaryo tumaniga Oʻzbekiston Respublikasi Bosh vazirining oʻrinbosari — Oila va xotin-qizlar davlat qoʻmitasi raisi Zulayho Mahkamova tashrif buyurdi

28-sentyabr kuni Amudaryo tumaniga Oʻzbekiston Respublikasi Bosh vazirining oʻrinbosari — Oila va xotin-qizlar davlat qoʻmitasi raisi Zulayho Mahkamova, Qoraqalpogʻiston Respublikasi Vazirlar Kengashi raisi oʻrinbosari − Oila va xotin-qizlar qoʻmitasi raisi Maryam Ahmedovalar tashrif buyurishdi.

Tashrif davomida mehmonlar Choykoʻl ovulidagi “Polvonovul” fermer xoʻjaligida boʻlishib, xotin-qizlar faollari, “Oqila ayollar harakati” aʼzolari bilan uchrashib suhbatlashishdi.

Suhbat davomida mahalla va oilada ijtimoiy maʼnaviy muhit barqarorligini taʼminlash, notinch, ajrim yoqasida turgan oilalar bilan ishlash, hamda ayollar oʻrtasida jinoyatchilikni olish borasida amalga oshirilishi lozim boʻlgan muhim vazifalarga toʻxtab oʻtildi.

Shuningdek, “Oqila ayollar” harakati aʼzolariga yollar, ayniqsa, yosh qizlarda oilaga va Vatanga sadoqat, fidoyilik, tashabbuskorlik tuygʻularini singdirish, odobli qiz va maʼrifatli ona boʻlib shakllanishlari uchun qaratilgan chora-tadbirlarni amalga oshirish boʻyicha oʻzining koʻplab tavsiyalarini berib oʻtdi.

Shundan soʻng, mehmonlar “Polvonovul” fermer xoʻjaligining paxta dalalarida mehnat qilayotgan ilgʻor terimchi ayollar bilan uchrashib, ular uchun dala boshida yaratilgan shart-sharoitlar, tushlik va choy tashkil etilgani, terim pullarining oʻz vaqtida berilayotganiga guvoh boʻldi. Qolaversa, ishsiz ayollarning bandligi taʼminlanib, oilasiga qoʻshimcha daromad kiritayotganini koʻrib mamnun boʻldi. Ularga davlatimiz iqtisodiyoti hamda farovonligiga qoʻshayotgan hissalari uchun minnatdorlik bildirdi.

Shundan soʻng dala boshida osh tortildi. Terimchi ayollar tumanimizning taniqli sanʼatkorlari tomonidan ijro etilgan goʻzal navolarga raqsga tushishib, madaniy hordiq oldilar. Qolaversa, mehmonlar ilgʻor terimchilarni qimmatbaho sovgʻalar bilan taqdirlab, ularga kuch-gʻayrat, mustahkam sogʻlik tiladi.

Ayollar bu kabi koʻrsatilayotgan eʼtibordan mamnun boʻlib, mutasaddilarga oʻz minnatdorligini bildirishdi. Darhaqiqat, jamiyatimizda ayol-qizlarga boʻlgan eʼtibor ularning yorqin kelajagini taʼminlash maqsadida qabul qilinayotgan qaror va farmonlar ularni yanada shijoat bilan olgʻa intilishlariga xizmat qilmoqda.

Ayniqsa, ularga yaratilayotgan imkoniyatlar koʻlami nihoyatda keng boʻlib, ularning oʻqib bilim olishi, kasb-hunar egallashi uchun koʻplab sharoitlar yaratilgan. Ayol-qizlardan esa faqatgina ushbu imkoniyatlardan samarali foydalanish talab etiladi xalos.

Taʼkidlash joiz, buguni kun ayoli bilan bundan 6-yil oldingi ayol-qiz oʻrtasida katta farq bor. Yangilanayogan Oʻzbekistonimizda inson dunyoqarashi, fikrlashi ham oʻzgargan. Xalqimiz zamon bilan teng qadam tashlashga, har bir inson jamiyatda oʻzining munosib oʻrnini topshiga intilmoqda. Inson qadri har narsadan ustun turuvchi yurtimizda har bir ayol-qizga boʻlajak ona, Vatanimizning porloq kelajagi tarbiyachisi sifatida qaralib, ular davlatimiz rahbarining doimiy diqqat eʼtiborida.

Choykoʻl ovulida boʻlib oʻtgan mazkur uchrashuv ham mana shu eʼtiborning bir ifodasidir.

F.Eshimbetova, tuman hokimligining Axborot xizmati rahbari