IPOTEKA KREDITIDAN FOYDALANIShDA QOʻShIMChA IMTIYoZLAR BERILDI
Aholini yangi va qulay uy-joylar bilan taʼminlash borasida mamlakatimizda koʻplab islohotlar amalga oshirilmoqda. Zero, fuqarolarning yashash sharoitlarini yaxshilash, ularning tinch va osoyishta oʻz uylarida yashashlari uchun qulay muhit yaratish davlatimizning oldiga qoʻygan muhim vazifalardan biridir.
Uy-joy sharoitini yaxshilashga muhtoj aholini qoʻllab-quvvatlash, ipoteka krediti mexanizmlaridan foydalanish amaliyotini yanada takomillashtirish va kengaytirish maqsadida Oʻzbekiston Respublikasi Prezidentining “Ipoteka kreditidan foydalanishda aholiga qoʻshimcha qulayliklar yaratish chora-tadbirlari toʻgʻrisida”gi Qarori qabul qilindi. Mazkur qarorga muvofiq 2023-yil 1-yanvardan boshlab, dastlabki badalning va ipoteka krediti boʻyicha foizlarning bir qismini qoplash uchun subsidiya berilgan fuqarolarning uy-joylarni sotib olish, qurish yoki rekonstruktsiya qilish uchun olingan ipoteka kreditlarini hamda ular boʻyicha hisoblangan foizlarni toʻlash uchun yoʻnaltirilgan ish haqi va boshqa daromadlari jismoniy shaxslardan olinadigan daromad soligʻiga tortilmaydi.
Mazkur imtiyoz qarz oluvchi va birga qarz oluvchilar daromadining bir soliq davrida mehnatga haq toʻlash eng kam miqdorining 80 baravaridan oshmagan qismiga tatbiq etiladi. 2023-yildan ipoteka kreditiga olingan mol-mulk olingan sanadan 36 oyda qayta sotilsa, kredit va foizlar uchun yoʻnaltirilgan daromad soliqqa tortiladi. Shuningdek, 2022-yil 1-noyabrdan “korobka” holatdagi uy-joylar uchun ipoteka kreditlari hamda subsidiya ajratishga ruxsat beriladi. Qaror bilan 2021-yilda berilgan subsidiya ajratish toʻgʻrisidagi xabarnomalarning amal qilish muddati 2022-yil 31-dekabrgacha uzaytirildi. “Oʻzbekiston ipotekani qayta moliyalashtirish kompaniyasi” AJga banklar tomonidan aholiga berilgan ipoteka kreditlarini qayta moliyalashtirish uchun 3-yil muddatga 12 foiz stavkada va foiz toʻlovlarini har 6 oyda toʻlash sharti bilan 300 mlrd soʻmgacha byudjet ssudasi ajratiladi. Uy-joylar va ipoteka kredit olishda fuqarolarga qoʻshimcha qulayliklar yaratish uchun viloyatlar markazlarida ipoteka markazlari tashkil etiladi.
Aholini yangi uy-joylar bilan toʻliq taʼminlash maqsadida qabul qilinayotgan bu kabi qarorlar fuqarolar, ayniqsa, ijtimoiy himoyaga muhtoj oilalarni turar joylar bilan taʼminlashda muhim ahamiyat kasb etmoqda.
Sarvar Haytboyev, tuman Adliya boʻlimi Davlat xizmatlar markazi boʻlim boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
