Tumandagi 11 ta olis va chekka mahallalarga maxsus konteynerlar oʻrnatilib, mahalla tibbiyot punktlari tashkil etildi

2022-yil 18-mart kuni oʻtkazilgan Oʻzbekiston Respublikasi Prezidentining sogʻliqni saqlash sohasi vakillari bilan “Tibbiyotdagi islohotlar-inson qadri uchun” mavzusidagi “ochiq muloqoti”da  belgilangan vazifalarni hamda Oʻzbekiston Respublikasi Prezidentining Birlamchi tibbiy-sanitariya yordamini aholiga yaqinlashtirish va  tibbiy hizmatlar samaradorligini oshirish boʻyicha qoʻshimcha chora-tadbirlar toʻgʻrisida”gi  2022-yil 25-aprel kungi Qarori ijrosini taʼminlash maqsadida koʻpgina chora-tadbirlar ishlab chiqilib, amalga oshirilmoqda. Xususan, tuman Tibbiyot birlashmasiga qarashli 9 ta oilaviy poliklinikalar va  4 ta oilaviy shifokorlik punktlarida kunduzgi statsionar oʻrinlar  ish vaqti soat 20:00 gacha uzaytirildi. Shu bilan bir qatorda  1-sonli oilaviy poliklinikada avval mavjud  8 ta kunduzgi statsionar oʻrinlariga qoʻshimcha ravishda 2 ta kunduzgi statsionar oʻrinlar tashkil etilib, jami 10 ta kunduzgi statsionar oʻringa toʻldirildi. 3-sonli oilaviy poliklinikada  avval mavjud  4 ta kunduzgi statsionar oʻrinlariga qoʻshimcha ravishda 6 ta kunduzgi statsionar oʻrinlar tashkil etilib, jami 10 ta, 7-sonli oilaviy poliklinikasida avval mavjud 5 ta kunduzgi statsionar oʻrinlariga qoʻshimcha ravishda 5 ta kunduzgi statsionar oʻrinlar tashkil etilib, jami 10 ta kunduzgi statsionar oʻringa toʻldirildi.

Hozirgi kunda tumandagi olis va chekka hududlardagi mahallalarda yashovchi fuqarolar oʻz hududidagi oilaviy poliklinikalar hamda oilaviy shifokorlik punktlarida tashkil etilgan kunduzgi statsionarlarda bemalol ertalabki soat 08:00dan kechqurun soat 20:00 gacha kerakli muolajalarni olish imkoniyatiga ega boʻlishdi. Bu olis va chekka hududlar aholisining tuman markazidagi tibbiy muassasalarga kelib davolanish zaruratini kamaytirdi.

Tumanda birlamchi tibbiy-sanitariya yordamini aholiga yaqinlashtirish maqsadida tumandagi 11 ta olis va chekka mahallalarga (Jumurtov shaharcha  hudududidagi Toshtoʻgʻon aholi punktiga, Yuqori qishloq mahallasi hududiga, Qoramon mahallasi hududiga, Amir Temur nomli ovuli hududiga, Besh tom mahallasi Xoʻjakoʻl aholi punkiga, Nazarxon ovuli hududidagi Maylikoʻl aholi punktiga, Nazarxon ovuli Bekboy aholi punktiga, Jumurtov shaharchasidagi Qoratosh aholi punktiga, Bogʻ mahallasi, Boʻz yop ovuli hududiga,  Qum yop mahallasi Jumaboy sogʻa aholi punktiga) maxsus konteynerlar oʻrnatilib,  mahalla tibbiyot punktlari tashkil etildi. Mahalla tibbiyot punktlariga oila shifokorlari hamda hamshiralar biriktirilgan. Ular mazkur hududlarda yashovchi aholi salomatligini asrash yoʻlida mehnat qilishmoqda.

A.Oʻrinboyev, koordinator.