KONSTITUTsIYaVIY LOYIHADA BOLA HUQUQLARI YaNADA MUSTAHKAMLANGAN
Mamlakatimizda 25-iyundan “Oʻzbekiston Respublikasining Konstitutsiyasiga oʻzgartirish va qoʻshimchalar kiritish toʻgʻrisida”gi Oʻzbekiston Respublikasi Konstitutsiyaviy qonuni loyihasining umumxalq muhokamasi boshlandi.
Ayni paytda yurtimizda olib borilayotgan Konstitutsiyaviy islohotlarda olimlar, huquqshunoslar, mutaxassislardan tashqari, fuqarolar ham bevosita ishtirok etmoqda. Mazkur siyosiy jarayon jamiyatning barcha toifalari takliflarini oʻrganish va qabul qilish bilan boshlanganligi ham mamlakatimizda inson manfaatlari birinchi oʻringa qoʻyilganini anglatadi.
Konstitutsiyaviy qonun loyihasi Konstitutsiyamizning 60 dan ortiq moddalariga 200 dan ortiq tuzatishlar kiritilishini nazarda tutmoqda. Ushbu oʻzgartirishlar, qoʻshimchalar va yangi normalar kiritilishi kutilayotgan yangi tahrirdagi Konstitutsiya “inson-jamiyat-davlat” tamoyili aks etganligi bilan muhim ahamiyat kasb etmoqda.
Ayniqsa, Loyihaning 31-bandidagi 64-moddaning tahririda, ota-onalar va ularning oʻrnini bosuvchi shaxslar oʻz bolalarini voyaga yetguniga qadar boqishi, ularning tarbiyasi, taʼlimi, sogʻlom, toʻlaqonli va uygʻun kamol topishi toʻgʻrisida qaygʻurishi shart. Davlat va jamiyat yetim bolalarni va ota-onasining vasiyligidan mahrum boʻlgan bolalarni boqishni, tarbiyalashni, ularning sogʻlom, barkamol rivojlanishini va taʼlim olishini taʼminlaydi, ushbu yoʻnalishdagi xayriya faoliyatini ragʻbatlantiradi», deb koʻrsatilgan.
Oʻzgartirilayotgan Konstitutsiyada 65-moddaning ikkinchi qismi esa, quyidagi mazmundagi ikkinchi, uchinchi va toʻrtinchi qismlar bilan almashtirilsin: «Bolaning manfaatlari, bolalarning toʻlaqonli, jismoniy, aqliy va madaniy rivojlanishi uchun barcha shart-sharoitlarni yaratish davlat siyosatining eng muhim ustuvor yoʻnalishidir. Onalik, otalik va bolalik davlat tomonidan muhofaza qilinadi. Davlat va jamiyat bolalarda hamda yoshlarda milliy va umuminsoniy qadriyatlarga sodiqlikni, buyuk ajdodlarimizning boy maʼnaviy merosidan faxrlanish tuygʻusini shakllantirish toʻgʻrisida gʻamxoʻrlik qiladi», deb yangidan tahrir qilingan.
Eʼtirof etilayotgan ushbu Konstitutsiyaviy tuzatishlar, avvalambor, jamiyatning turli ijtimoiy qatlamlariga mansub boʻlgan fuqarolarning shaxsiy, ijtimoiy, iqtisodiy, siyosiy, madaniy va ekologik huquqlari hamda manfaatlarini taʼminlash bilan birga millat, yurt kelajagi boʻlgan yosh avlodning huquq va manfaatlarini himoya qilishga qaratilgani bilan ahamiyatlidir. Ishonchimiz komilki, yangi tahrirdagi Konstitutsiya yurtimiz farovonligi, taraqqiyot rivojiga xizmat qilish bilan birga yosh avlodning komil insonlar boʻlib voyaga yetishlarida muhim ahamiyat kasb etadi.
Jahongir Xolmurodov, tuman hokimligi
Bolalarni himoya qilish masalalari shoʻʼbasi rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
