Nazarxon ovul fuqarolar yigʻinida tuman hokimining sayyor qabuli boʻlib oʻtdi

Mamlakatimizda xalq bilan bevosita muloqot qilish, ularning qonuniy talablari, soʻrov va takliflarini amalga oshirishda sayyor qabullar muhim ahamiyat kasb etmoqda.

2-iyun kuni Nazarxon ovul fuqarolar yigʻinida Amudaryo tumani hokimi Sultonboy Yoʻldashevning navbatdagi sayyor qabuli boʻlib oʻtdi. Sayyor qabulda tuman Xalq qabulxonasi boʻlimi mudiri Erkin Rajabov, tuman hokimi oʻrinbosari Mahmud Shermetov, tegishli tashkilot mutasaddilari hamda 30 dan ortiq faol yoshlar ishtirok etishdi.

Qabulda tuman Xalq qabulxonasi mudiri Erkin Rajabov Xalq qabulxonasiga kelib tushayotgan murojatlaar va oʻtkazilayotgan sayyor qabullarda aholining murojaatlari tegishli tashkilotlar tomonidan oʻz vaqtida qonuniy va adolatli hal etilayotganligi, aholining yashash sharoitini yaxshilashga qaratilgan muhim chora-tadbirlar amalga oshirilayotganligini, bu esa fuqarolarimizning hayotdan rozi boʻlib, ertangi kunga ishonch hissi bilan yashashlarida muhim omil boʻlib xizmat qilayotganligini taʼkidladi.

Darhaqiqat, mamlakatnimizni jadal ijtimoiy-iqtisodiy rivojlantirish, birinchi navbatda qishloqlarda aholi uchun munosib turmush sharoiti yaratish, shuningdek, aholining bunyodkorlik salohiyatini roʻyobga chiqarishga qaratilgan qator muhim davlat va hududiy dasturlar, qonun hujjatlari qabul qilindi.

Yigʻilish davomida tuman hokimi Sultonboy Yoʻldashev hududlardagi muammolarni tezkor oʻrganish va yechimini topishda sektor rahbarlari va Xalq qabulxonasi hamkorligida oʻtkazilayotgan sayyor qabullar ijobiy natijalar koʻrsatayotganligini, davlat va jamiyat oʻrtasidagi aloqalarni mustahkamlaydigan mazkur xalq bilan muloqot uslubi tobora oʻziga xos anʼanaga aylanib borayotganligini aytib oʻtdi.

 Shuningdek, hech bir fuqaroning murojaati eʼtibordan chetda qolmasligini, muammolar imkon qadar ijobiy hal qilinishini taʼkidladi. Shundan soʻng, fuqarolarnig muammo va takliflaridan iborat murojaatlari tinglandi.

Qabul davomida aholidan jami 6 ta murojaat kelib tushdi. Murojaatlar mazmuni imtiyozli kredit, yer ajratilishi, bandlik va boshqa masalalardan iborat boʻlib, muammolrning aksariyati shu yerda hal qilindi. Baʼzilariga huquqiy tushuntirishlar berildi.

Shu oʻrinda qayd etish lozimki, bugun har bir fuqaro uchun barcha davlat organlari va tashkilotlarning eshiklari ochiq. Davlat idoralari rahbarlari fuqarolarning murojaatlarini kabinetlarda emas, balki ijtimoiy jarayonlar kechayotgan pallada joyiga borib, real holatni oʻrganmoqda.

Sayyor qabullarda tuman hokimi, tegishli tashkilotlar rahbarlarining ishtirok etayotgani fuqarolarning murojaatlarini tezkor hamda samarali hal etish imkoniyatini bermoqda.

Shuningdek, ularning muntazam yoʻlga qoʻyilganligi avvalgi uchrashuvlarda belgilangan ishlar ijrosi ustidan nazoratni kuchaytirmoqda.

Tuman hokimligining Axborot xizmati.