Назархон овул фуқаролар йиғинида туман ҳокимининг сайёр қабули бўлиб ўтди

Мамлакатимизда халқ билан бевосита мулоқот қилиш, уларнинг қонуний талаблари, сўров ва таклифларини амалга оширишда сайёр қабуллар муҳим аҳамият касб этмоқда.

2 июнь куни Назархон овул фуқаролар йиғинида Амударё тумани ҳокими Султонбой Йўлдашевнинг навбатдаги сайёр қабули бўлиб ўтди. Сайёр қабулда туман Халқ қабулхонаси бўлими мудири Эркин Ражабов, туман ҳокими ўринбосари Маҳмуд Шерметов, тегишли ташкилот мутасаддилари ҳамда 30 дан ортиқ фаол ёшлар иштирок этишди.

Қабулда туман Халқ қабулхонаси мудири Эркин Ражабов Халқ қабулхонасига келиб тушаётган мурожатлаар ва ўтказилаётган сайёр қабулларда аҳолининг мурожаатлари тегишли ташкилотлар томонидан ўз вақтида қонуний ва адолатли ҳал этилаётганлиги, аҳолининг яшаш шароитини яхшилашга қаратилган муҳим чора-тадбирлар амалга оширилаётганлигини, бу эса фуқароларимизнинг ҳаётдан рози бўлиб, эртанги кунга ишонч ҳисси билан яшашларида муҳим омил бўлиб хизмат қилаётганлигини таъкидлади.

Дарҳақиқат, мамлакатнимизни жадал ижтимоий-иқтисодий ривожлантириш, биринчи навбатда қишлоқларда аҳоли учун муносиб турмуш шароити яратиш, шунингдек, аҳолининг бунёдкорлик салоҳиятини рўёбга чиқаришга қаратилган қатор муҳим давлат ва ҳудудий дастурлар, қонун ҳужжатлари қабул қилинди.

Йиғилиш давомида туман ҳокими Султонбой Йўлдашев ҳудудлардаги муаммоларни тезкор ўрганиш ва ечимини топишда сектор раҳбарлари ва Халқ қабулхонаси ҳамкорлигида ўтказилаётган сайёр қабуллар ижобий натижалар кўрсатаётганлигини, давлат ва жамият ўртасидаги алоқаларни мустаҳкамлайдиган мазкур халқ билан мулоқот услуби тобора ўзига хос анъанага айланиб бораётганлигини айтиб ўтди.

 Шунингдек, ҳеч бир фуқаронинг мурожаати эътибордан четда қолмаслигини, муаммолар имкон қадар ижобий ҳал қилинишини таъкидлади. Шундан сўнг, фуқароларниг муаммо ва таклифларидан иборат мурожаатлари тингланди.

Қабул давомида аҳолидан жами 6 та мурожаат келиб тушди. Мурожаатлар мазмуни имтиёзли кредит, ер ажратилиши, бандлик ва бошқа масалалардан иборат бўлиб, муаммолрнинг аксарияти шу ерда ҳал қилинди. Баъзиларига ҳуқуқий тушунтиришлар берилди.

Шу ўринда қайд этиш лозимки, бугун ҳар бир фуқаро учун барча давлат органлари ва ташкилотларнинг эшиклари очиқ. Давлат идоралари раҳбарлари фуқароларнинг мурожаатларини кабинетларда эмас, балки ижтимоий жараёнлар кечаётган паллада жойига бориб, реал ҳолатни ўрганмоқда.

Сайёр қабулларда туман ҳокими, тегишли ташкилотлар раҳбарларининг иштирок этаётгани фуқароларнинг мурожаатларини тезкор ҳамда самарали ҳал этиш имкониятини бермоқда.

Шунингдек, уларнинг мунтазам йўлга қўйилганлиги аввалги учрашувларда белгиланган ишлар ижроси устидан назоратни кучайтирмоқда.

Туман ҳокимлигининг Ахборот хизмати.