37-SONLI MAKTABDA GEOGRAFIYa FANI OYLIGI DOIRASIDA TADBIR OʻTKAZILDI
Umumtaʼlim maktablarida mart – geografiya va iqtisodiy bilim asoslari fani oyligi doirasida turli tadbirlar oʻtkazilmoqda. Oʻquvchilarning geografiya va iqtisodiy bilim asoslari faniga boʻlgan qiziqishlarini oshirish, egallagan bilim va koʻnikmalarini yanada mustahkamlash maqsadida oʻtkazilayotgan ushbu tadbirlar davomida ular faol ishtirok etib, bor bilimlarini namoyon etishmoqda.
Amudaryo tumanidagi 37-sonli maktabda fan oyligi munosabati bilan katta tadbir oʻtkazildi. Unga maktab oʻquvchi va oʻqituvchilari bilan birga faxriy oʻqituvchilar ham taklif etildi.
Tadbirni maktab direktori Murodjon Safarboyev ochib berdi hamda yurtimizda yosh avlodning komil insonlar, kelajak bunyodkorlari boʻlib voyaga yetishlari uchun yaratilayotgan imkoniyatlar, maktabda yaratilgan sharoitlar, oʻquvchilar va oʻqituvchilar tomonidan qoʻlga kiritilayotgan yutuqlar haqida soʻz yuritdi. Shuningdek, oylik doirasida oʻtkazilayotgan ochiq oʻquv mashgʻulotlari, geografik kechalar va boshqa tadbirlarning samarasi oʻquvchilar bilimlarida namoyon boʻlayotganini ifoda etdi.
Tadbirni maktabning geografiya va iqtisodiy bilim asoslari fani oʻqituvchisi Dilfuza Sapoqova olib bordi. U fan oyligi boshlanishida oʻquvchilarning bilimlari davlat taʼlim standartlari va oʻquv dasturlariga moslik darajasini aniqlash maqsadida sinflar kesimida sinov testlari oʻtkazilganini, ular faol ishtirok etishganini aytib oʻtdi. Oʻquvchilarning mazkur fandan oʻzlashtirishi lozim boʻlgan bilim, koʻnikma va malakalari monitoring qilingani, ochiq darslar va oʻquvchilar tomonidan tayyorlangan devoriy gazetalar yuqori baholanganini bayon etdi.
Taʼkidlash joizki, maktabda fan oyligi davomida oʻqituvchilar oʻzlarining pedagogik mahorati, metodik bilim, koʻnikma va malakalarini oshirib borishi taʼminlandi. Laboratoriya va amaliy mashgʻulotlarni oʻtkazildi hamda ularning natijasi tahlil qilib borildi. Oʻqitishda axborot va pedagogik texnologiyalardan foydalanish yoʻllari, oʻquvchilar uchun tayyorlangan oʻquv topshiriqlari, didaktik va tarqatma materiallar tayyorlandi. maktab foyesida “Geografiya va iqtisodiy bilim asoslari” fanlari oyligiga bagʻishlab maxsus stend jithozlandi, koʻrgazmalarga turli albomlar, bukletlar, uslubiy qoʻllanmalar qoʻyildi.
Geografiya va iqtisodiy bilim asoslariga oid toʻgaraklar, fakultativ mashgʻulotlar, oʻqituvchilarning darsdan tashqari olib boradigan mashgʻulotlari kuzatildi va tajribalari boʻyicha amalga oshirayotgan ishlarning taqdimoti oʻtkazildi. Maktabda oʻtkazilgan turli geografik va iqtisodiy bayram va kechalar bilan bogʻliq gazetalar chiqarish, unda shu fan boʻyicha qiziqarli maʼlumotlar, internet sahifalaridan olingan fan yangiliklari, oʻquvchilarning oʻzlashtirishlari boʻyicha samaradorliklarini yoritib borish ishlari amalga oshirildi.
Shundan soʻng, maktabning 5-, 6-, 8-sinf oʻquvchilari faol ishtirok etib, oʻzlarining fan boʻyicha egallagan bilimlarini, zukkoliklarini, topqirliklarini namoyish etdilar. Sahna koʻrinishlarini ijro etib, mahoratlarini koʻrsatdilar.
Fan oyligi munosabati bilan oʻtkazilgan tadbir barchaga manzur boʻldi.
O.Xudoyberganova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
