YILNING ENG YaXShI AYoL SPORT MURABBIYSI

Maʼlumki, bolalar sportini rivojlantirish – mamlakat qudratini yuksaltirishning aso-siy  omillaridandir. Chunki sogʻ-lom, baquvvat boʻlib voyaga yetgan yoshlargina yurtimiz ravnaqiga hissa qoʻshadi, yovuz kuchlardan himoya qila oladi.

Davlatimizning aholi oʻrtasida sogʻlom turmush tarzini shakllantirish, bolalar sportini ommaviy, umumxalq harakatiga aylantirish borasidagi gʻamxoʻrligi tufay-li tumanimizda ham iqtidorli sportchi-lar, mohir trenerlar yetishib chiqmoqda.

Diyora Yodgorovaning sportga kirib keli-shiga ham aynan yurtimizda sportga qara-tilayotgan eʼtibor sabab boʻlgan desak, adash-magan boʻlamiz.

U maktabda oʻqib yurgan vaqtlaridayoq badiiy gimnastika bilan shugʻullanib, koʻpgina yutuqlarni qoʻlga kiritdi. Ushbu sport turini chuqurroq egallash maqsadida 2018-yilda Nukus ixtisoslashtirilgan Olim-pia sport kollejiga oʻqishga kirdi. Uch yil mobaynida olgan nazariy bilimlari, ama-liy mashgʻulotlari, ustozlar yoʻl-yoʻriqlari uning mahoratli trener boʻlib yetishishini taʼminladi.

Diyoraning kollejni muvaffaqiyatli tugatib, tuman Bolalar-oʻsmirlar sport maktabiga badiiy gimnastika boʻyicha tre-ner boʻlib ishga kirganiga hali bir yil ham toʻlmadi. Biroq qisqa muddatda shugʻul-lanayotgan guruhi qizlari orasidan nufuzli musobaqalar gʻoliblari yetishib chiqdi.

– Diyora umidli trener, – deydi sport maktab direktori Chorsham Tojimurodov.

Direktorning eʼtirofi bejiz emas. Chunki Diyora Yodgorovaning shogirdlari shu yilning yanvarida Toshkent shahrida boʻlib oʻtgan “Qor malikasi” ochiq turnirida 1-, 2-oʻrinlarni egalladilar.

2021-yil Nukus shahrida oʻtkazilgan Qoraqal-pogʻiston kubogi musobaqasida 2010-yilda tu-gʻilgan oʻsmirlar orasida G.Amirova 3-oʻrinni, Z.Ilhomova 2-oʻrinni, E.Baxtiyorova ham 2-oʻrinni egalladi.

Diyora uchun murabbiylik faoliyatida bu-ningdek quvonchli voqealar koʻp boʻldi. Biroq 2021-yil 1-oktyabr – Oʻqituvchi va murabbiylar kunida oʻtkazilgan tantanali marosimda uning “Eng yaxshi sport murabbiysi”, deya eʼtirof etilgani hayotidagi eng nurli kunlarning biri boʻldi. Bu voqea uni oʻz ustida ham ishlab, oʻqib-oʻrganishga, gimnastika guruhida shugʻullanayotgan qizaloqlarning yanada ma-horatlarini oshirishga, intilishga chorladi. Diyoraning faoliyati kelgusida bundan-da samarali boʻlishiga umid qilib qolamiz.

Oygul RAJABOVA.