ЙИЛНИНГ ЭНГ ЯХШИ АЁЛ СПОРТ МУРАББИЙСИ
Маълумки, болалар спортини ривожлантириш – мамлакат қудратини юксалтиришнинг асо-сий омилларидандир. Чунки соғ-лом, бақувват бўлиб вояга етган ёшларгина юртимиз равнақига ҳисса қўшади, ёвуз кучлардан ҳимоя қила олади.
Давлатимизнинг аҳоли ўртасида соғлом турмуш тарзини шакллантириш, болалар спортини оммавий, умумхалқ ҳаракатига айлантириш борасидаги ғамхўрлиги туфай-ли туманимизда ҳам иқтидорли спортчи-лар, моҳир тренерлар етишиб чиқмоқда.
Диёра Ёдгорованинг спортга кириб кели-шига ҳам айнан юртимизда спортга қара-тилаётган эътибор сабаб бўлган десак, адаш-маган бўламиз.
У мактабда ўқиб юрган вақтларидаёқ бадиий гимнастика билан шуғулланиб, кўпгина ютуқларни қўлга киритди. Ушбу спорт турини чуқурроқ эгаллаш мақсадида 2018 йилда Нукус ихтисослаштирилган Олим-пиа спорт коллежига ўқишга кирди. Уч йил мобайнида олган назарий билимлари, ама-лий машғулотлари, устозлар йўл-йўриқлари унинг маҳоратли тренер бўлиб етишишини таъминлади.
Диёранинг коллежни муваффақиятли тугатиб, туман Болалар-ўсмирлар спорт мактабига бадиий гимнастика бўйича тре-нер бўлиб ишга кирганига ҳали бир йил ҳам тўлмади. Бироқ қисқа муддатда шуғул-ланаётган гуруҳи қизлари орасидан нуфузли мусобақалар ғолиблари етишиб чиқди.
– Диёра умидли тренер, – дейди спорт мактаб директори Чоршам Тожимуродов.
Директорнинг эътирофи бежиз эмас. Чунки Диёра Ёдгорованинг шогирдлари шу йилнинг январида Тошкент шаҳрида бўлиб ўтган “Қор маликаси” очиқ турнирида 1-, 2-ўринларни эгалладилар.
2021 йил Нукус шаҳрида ўтказилган Қорақал-поғистон кубоги мусобақасида 2010 йилда ту-ғилган ўсмирлар орасида Г.Амирова 3-ўринни, З.Илҳомова 2-ўринни, Э.Бахтиёрова ҳам 2-ўринни эгаллади.
Диёра учун мураббийлик фаолиятида бу-нингдек қувончли воқеалар кўп бўлди. Бироқ 2021 йил 1 октябрь – Ўқитувчи ва мураббийлар кунида ўтказилган тантанали маросимда унинг “Энг яхши спорт мураббийси”, дея эътироф этилгани ҳаётидаги энг нурли кунларнинг бири бўлди. Бу воқеа уни ўз устида ҳам ишлаб, ўқиб-ўрганишга, гимнастика гуруҳида шуғулланаётган қизалоқларнинг янада ма-ҳоратларини оширишга, интилишга чорлади. Диёранинг фаолияти келгусида бундан-да самарали бўлишига умид қилиб қоламиз.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
