KATTA JAMOANING KATTA HAMShIRASI

Insonning hayotda toʻgʻri yoʻlni tanlashi koʻp jihatdan u voyaga yetgan oila muhitiga bogʻliq. Avvalo ota-ona bilan farzandlar oʻrtasidagi sami-miy va doʻstona mehr-oqibat, oʻzaro hurmat qanchalik ustuvor boʻlsa, bu oila aʼzolari uchun koʻpdan-koʻp imkoniyatlar sari yoʻl ochiladi. Shu jihatdan olib qaraganda tuman Tibbiyot birlashmasi qoshidagi KTMP katta hamshirasi Feruzaxon Safarboyevaning shaxs sifatida shakllanishida oilaviy muhit muhim ahamiyat kasb etdi, desak mubolagʻa boʻlmaydi.

Choykoʻl ovulidagi 22-sonli maktabni tugat-gan Feruzaxon bir olam orzular bilan Toʻrtkoʻl shahridagi oʻrta maxsus tibbiyot bilim yurtiga oʻqishga kirdi. 1998-yilda bilim yurtini akusherlik yoʻnalishi boʻyicha ta-momlab, shu yili koʻp tarmoqli markaziy polik-linikaning gastroentero-logiya xonasida oddiy ham-shira sifatida ilk mehnat faoliyatini boshladi.

Oʻz kasbiy yoʻnalishi boʻyicha yetarli bilim va tajribaga ega mutaxassis hamisha qadrlanadi. Yil-lar davomida oʻz ustida tinmay izlanish, tobora yangilanib borayotgan za-monaviy tibbiy bilim-larni egallashdan aslo charchamaydigan, 20-yillik shaxsiy tajribaga ega F.Safarboyevaga 2018-yilda rahbariyat yuksak ishonch bildirdi. U 2018-yilda KTMP katta hamshirasi la-vozimiga tayinlandi.

Endi Feruzaxonning faoliyat koʻlami yanada kengaydi. Barcha yoʻnalish-lar boʻyicha hamshiralar bilan ishlashish, ayniqsa, turli xil surunkali kasal-liklar, nogironlik tu-fayli roʻyxatda turgan va jarrohlik amaliyotlarini boshidan oʻtkazgan bemor-lar ahvolidan xabar olish, bu kabi bemorlarga davlatimiz tomonidan yaratilayotgan imkoniyat-lardan samarali foyda-lanishlari uchun sha-roitlar yaratish, bepul dori-darmonlar bilan taʼminlanuvchi bemorlar roʻyxatini shakllantirish masalalarini hal etish katta hamshira sifatida F.Safarboyevaning kunda-lik ish rejasiga aylandi.

Bundan tashqari, u oʻz faoliyati davomida hudu-diy hamshiralarning faoliyatini  doimiy nazorat qilish orqali tugʻish yoshidagi ayollar oʻrtasida profilaktik tadbirlar oʻtkazish, ni-kohlanuvchi yoshlar, shu-ningdek, yangi tugʻilgan chaqaloqlar boʻyicha yosh onalar oʻrtasida tibbiy maslahatlar oʻtkazish, ona va bolaning reproduktiv salomatligini muhofaza qilish yuzasidan koʻp tarmoqli Markaziy po-liklinika tomonidan tashkillashtiriladigan tashviqot tadbirlarida hududiy hamshiralar faol-ligini oshirishga alohida eʼtibor qaratdi.

F.Safarboyeva hududiy hamshiralar bilan ishla-shish jarayonida yangi tu-gʻilgan chaqaloqlar, 5-6 yoshgacha va undan yuqori yoshdagi oʻsmirlarning turli xil yuqumli kasalliklarga qarshi emlanishlarini aniq reja asosida tashkil etishga alohida eʼtibor qaratadi. Shuningdek, kek-sa yoshdagi kishilarning salomatligini doimiy nazorat qilish boʻyicha hu-dudiy hamshiralar bilan aniq  reja asosida ish olib borishadi.

– Men hayotimdagi barcha yaxshiliklar uchun eng avvalo ota-onam, oilam, sevimli mehnat jamoam, ustozlarim va hamkasblarimdan minnatdorman, – deydi Feruzaxon samimiyat bi-lan. – Eng avvalo, ana shu azizlarim, jonajon xal-qimiz omon boʻlsin, el-yurt sogʻlom boʻlsa, mustaqil Vatanimiz gullab-yashnay-veradi.

Robiya YOʻLDOShEVA.