8-mart - Xalqaro xotin-qizlar kuni munosabati bilan Amudaryo tumanida bayram tadbiri ötkazildi
Ayol! Uning taʼrifiga söz mulki ojiz. U avvalo farzandlarini mehri ardoğida avaylab, yurt koriga yaraydigan qilib voyaga yetkazuvçi fidoyi ona, el-yurtimiz tinçligi-totuvligi uçun, farovonligi uçun kuraşuvçi matonatli inson, oilalarni va demakki, köngillarni nurafşon etuvçi muqaddas zot! Şu boisdan ular doimo davlatimiz ğamxörligida, eʼzozida.
Şu sababli ham mamlakatimizda xotin-qizlarning ijtimoiy-siyosiy faolligini oşiriş, ularning turli soha va tarmoqlarda öz qobiliyat va imkoniyatlarini röyobga çiqarişi uçun şaroit yaratiş, qonuniy huquq va manfaatlarini himoya qiliş, qöllab-quvvatlaş, oila institutini mustahkamlaş borasida kölamdor işlar amalga oşirilmoqda.
Jamiyat hayotida faollik va taşabbuskorlik körsatgan, özlarining samarali mehnatlari bilan oilalarning şakllanişiga, farovonligi oşişiga munosib hissa qöşayotgan ayollar turli unvonlar va davlat mukofotlari, kökrak nişonlari bilan taqdirlanib kelmoqda. Barça jabhalarda fidoyilik qilayotgan ayollarning mehnati munosib baholanmoqda. Şuningdek, ularning intellektual salohiyatini yuksaltiriş, qöllab-quvvatlaşga eʼtibor qaratilayotir.
Har yili mamlakatimizda 8-mart – Xalqaro xotin-qizlar bayrami keng nişonlanadi. Sana munosabati bilan turli sohalarning ilğor ayol-qizlariga alohida ehtiro körsatilib, eʼzozlanadi.
7-mart kuni amudaryolik faol ayol-qizlar uçun ham “Muqaddas ayol” deb nomlangan bayram tadbiri taşkil qilindi.
Manğit şahridagi “Xon” restoranida bölib ötgan adabiy-musiqiy tadbirda tumanimizdagi turli sohalarda samarali mehnat qilayotgan ayollar, öz hayotiy tajribasi asosida yoşlar tarbiyasiga, oilalar mustahkamligiga munosib hissa qöşayotgan nuroniy onaxonlar, umidli, iqtidorli qizlar iştirok etdilar.
Yiğilganlarni tuman hokimi Sultonboy Yöldaşev 8-mart – Xalqaro xotin-qizlar kuni bilan qizğin tabrikladi. “Haqiqatan ham, gözallik va nafosat, mehru muhabbat, vafo va nazokat ramzi bölgan, özining mehribonligi, qalb saxovati bilan har qaysi oilani oila qiladigan, unga fayz-u tarovat beradigan, farzandlarimiz yuragiga öz ona yurtiga sevgi va sadoqat tuyğusini singdiradigan ayollarimizning betakror fazilatlari haqida har qança gapirsak, ularni har qança eʼzozlasak, arziydi” dedi tumanimiz hokimi tabrik nutqida.
Darhaqiqat, mamlakatimizda ayollarning jamiyatdagi örni va mavqeiga yuqori baho berilib, ularning huquq va manfaatlarini himoya qiliş, xotin-qizlarimizning bilimdon, zamonaviy mutaxassis, malakali kasb egalari bölişlari hamda soğlom va mustahkam oila qurişlari uçun zarur şart-şaroitlar yaratiş borasida mamlakatimizda keng kölamli islohotlar olib borilmoqda. Prezidentimiz taşabbuslari bilan yaqindagina “Xotin-qizlar va oila işlari qömitasi” taşkil etilişi, magistraturada öqiyotgan qizlarning kontrakt pullari byudjetdan, ehtiyojmand oilalar qizlarining kontrakt pullari esa mahalliy byudjetlardan töliq qoplab berilişi, xususiy sektorda rasmiy işlayotgan ayollarga homiladorlik nafaqasini davlat tomonidan tölab beriş tizimi yaratilganligi va boşqa köplab misollar fikrimizning isbotidir.
Tumanimiz hokimi mehnatda örnak körsatayotgan, şuningdek, turli sohalarda işlab, ayni kunda keksalik nafaqasiga çiqqan 120 nafar faxriylarni va fidoyi ayol-qizlarni qimmatbaho sovğalar bilan taqdirladi.
Tuman mahalla va oilani qöllab-quvvatlaş bölimi boşliğining birinçi örinbosari Gözal Sobirova, “Möʼtabar ayol” kökrak nişoni sohibasi Rohatoy Reyimovalar tabrigidan söng, navbat tuman Madaniyat bölimiga qaraşli muassasalar sanʼatkorlariga berildi.
Tuman hokimligi va Madaniyat bölimi hamkorligida taşkillaştirilgan tadbirda faol ayol-qizlar tökin dasturxon atrofida diltortar qöşiqlar tinglab, raqslar tomoşa qilib, hordiq çiqardilar. Ayol muqaddasligini, fidoyiligi, matonati va mehri ummonligini madh etuvçi şeʼrlar, qöşiqlar ularga juda manzur böldi.
“Uçqun” aşula va raqs xalq ansambli xonandalari ijrosidagi “Bahor valsi” qöşiği ularning köngillariga uyğoniş, jonlaniş fasli quvonçini, tarovatini hadya etdi. Bayramga taşrif buyurgan ayol-qizlar uşbu bayramona musiqiy dasturni tomoşa qilib, har bir inson könglida uluğ zot – Onalarga yuksak hurmat, ehtirom joy olganligini his qildilar.
“Muqaddas ayol” deb nomlangan musiqiy dastur tomoşasi va özlariga körsatilayotgan hurmat barça iştirokçilarga olam-olam quvonç va faxr hadya etdi.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
